"მცემეს, დამიჭირეს... სასტიკად უსწორდებიან ხალხს" - რას წერს ირაკლი კუპრაძე
"მცემეს, დამიჭირეს... სასტიკად უსწორდებიან ხალხს" - ამის შესახებ სოციალურ ქსელში "ლელოს" წევრი ირაკლი კუპრაძე სოციალურ ქსელში წერს.
მისი თანაპარტიელი საბა ბუაძე ამბობს, რომ მომხდარს თავადაც შეესწრო.
"არ ვიცი ჯერ სად არის გადაყვანილი, ჩემს თვალწინ მოხდა ეს ამბავი. ჩვენს თვალწინ ასხამდნენ "წიწაკის სპრეის" გოგოებს, გადაუარეს ხალხს" - ამბობს ბუაძე.
"ლელოს" ერთ-ერთმა ლიდერმა, ბადრი ჯაფარიძემ შს მინისტრს მოუწოდა, ჩაერიოს და დაუყოვნებლივ გაათავისუფლოს ირაკლი კუპრაძე და ყველა დაკავებული ახალგაზრდა.
მისივე თქმით, უდანაშაულო ადამიანების დაჭერა კიდევ უფრო მეტ პროტესტს გამოიწვევს, ამიტომ შსს-ს დაკავებულების დაუყოვნებლივ გათავისუფლებისკენ მოუწოდებს.
"ჩვენ გვაქვს ინფორმაცია, რომ ფიზიკურად უსწორდებიან [აქციის მონაწილეებს]. ყველა პოლიციელი, რომელიც გადაამეტებს თავის უფლებამოსილებას, უნდა დაისაჯოს კანონის სიმკაცრით. მოვუწოდებ შინაგან საქმეთა სამინისტროს, პირადად მინისტრს, რომ ჩაერიოს და დაუყოვნებლივ გაათავისუფლოს ირაკლი კუპრაძე და ყველა დაკავებული ახალგაზრდა. უდანაშაულო ადამიანებზე ძალადობა უნდა შეწყდეს," - განაცხადა ჯაფარიძემ.
ამ წუთებში პარლამენტის შენობის უკანა შესასვლელთან სამართალდამცველებსა და აქციის მონაწილეებს შორის შეხლა შემოხლაა.
სამართალდამცველებმა დემონსტრანტების წინააღმდეგ ე.წ. წიწაკის სპრეი გამოიყენეს. სპეცრაზმელებსა და დემონსტრანტებს შორის ფიზიკური დაპირისპირება გრძელდება.
ნახეთ ასევე: