ვინ არის ტომ კრუზის მომხიბვლელი ქალიშვილი, რომელიც მამას 12 წელია არ უნახავს: "კრუზი სურის წამოზრდას ელოდება, რათა გოგონასაც ტვინი გამოურეცხოს"

ტომ კრუზისა და ქეით ჰოლმსის გოგონა, სახელად სური, პირველად Vanity Fair-ის გარეკანზე დაბადებიდან ხუთი თვის შემდეგ მოხვდა. ის სულ მალე 18 წლის ხდება და არჩევანის წინაშე დგას: შეინარჩუნოს მშვიდი, კამერებისგან მოშორებით ცხოვრება, თუ ბავშვობის პოპულარობის დონეს დაუბრუნდეს.

ახლა უკვე 45 წლის ქეით ჰოლმსმა სური მანჰეტენში, მისი მამისგან, 60 წლის ტომ კრუზისგან მოშორებით გაზარდა.

შარშან გაირკვა, რომ სური ცნობილ მამას ჩამოშორებულია და მასთან არანაირი ურთიერთობა არ აქვს. როგორც წყარო Page Six-ის ამ კვირის გამოცემასთან იტყობინება, ვარსკვლავს სური 2012 წლის შემდეგ აღარ უნახავს: "ქეითი თავდადებული დედაა, სურის დაცვა სურდა",- დასძინა მან.

• გავრცელებული ინფორმაციით, ჰოლმსი თავისი გოგონას საიენტოლოგიისგან დაცვას ცდილობდა. რელიგიურ-ფილოსოფიური სწავლება 1954 წელს მწერალმა რონალდ ჰაბარდმა დაარსა. კრუზი საიენტოლოგიის ყველაზე ცნობილი მიმდევარია და მისი ლიდერის დევიდ მისქევიჯის შემდეგ ერთ-ერთი ყველაზე ძლევამოსილი ფიგურაა.

"მთელი ცხოვრება მინდოდა მამა ვყოფილიყავი. ყოველთვის ვეუბნებოდი ჩემს თავს, რომ ისეთი მამა ვიქნებოდი, რომელსაც შვილები დაეყრდნობოდნენ და ყოველთვის მეყვარებოდა ისინი. იმ ადამიანთა რიცხვს არ მივეკუთვნები, ვისაც სჯერა, რომ ბავშვი ზედმეტი სიყვარულით განებივრებული ხდებიან. სიყვარული არასდროსაა ზედმეტი, ეს უბრალოდ შეუძლებელია",- ამბობდა კრუზი 2006 წელს, სურის დაბადების შემდეგ მიცემულ ინტერვიუში. მასამ პერიოდში უკვე ჰყავდა ნიკოლ კიდმანთან ქორწინებისას აყვანილი ორი შვილი: ბელა, რომელიც ახლა 31 წლისაა და კონორი (29 წ).

როცა სური 6 წლის იყო, ჰოლმსმა კრუზთან განქორწინება მოითხოვა. მომდევნო წელს კი კრუზმა აღიარა, რომ ქეითი მას "სურის საიენტოლოგიისგან დასაცავად" გასცილდა. გასაჯაროებული ინფორმაციის მიხედვით, ჰოლმსს ხელი არაერთ დოკუმენტზე აქვს მოწერილი, რომელიც საიენტოლოგიისა და კრუზთან ქორწინების შესახებ საჯაროდ საუბარს უკრძალავს, თუმცა მას შემდეგ, რაც მათ გოგონას 18 წელი შეუსრულდება, სურის შეეძლება თავისუფლად ისაუბროს მამამისზე, მის რელიგიასა და მათ ოჯახურ განხეთქილებაზე.

ლეა რემინი, რომელიც ერთ-ერთი ცნობილი ადამიანია, რომელმაც საიენტოლოგია დატოვა და ახლა ამ სწავლებას კატეგორიულად ეწინააღმდეგება, ამბობს, რომ კრუზი სურის წამოზრდას ელოდება, რათა გოგონასაც ტვინი გამოურეცხოს: "დარწმუნებული ვარ, მისი მთავარი მიზანი ისაა, სური წამოიზარდოს, ისიც საიენტოლოგიაში შეიტყუოს და დედამისს მოაცილოს",- აცხადებს რემინი.

წყარო: pagesix

მოამზადა: ანა სიბოშვილმა