იგორ გირკინი ითხოვს, რომ პატიმრობიდან გაათავისუფლონ და უკრაინაში, ომში გაუშვან
დონეცკის ე.წ. რესპუბლიკის ყოფილი ლიდერი იგორ სტრელკოვი (გირკინი), რომელიც მსჯავრდადებულია ექსტრემიზმისკენ მოწოდებისთვის, უკრაინაში, ომში გაგზავნას ითხოვს.
- სტრელკოვმა თავისი საქმე გაასაჩივრა, ხოლო მისმა ადვოკატმა, იგორ მოლოხოვმა RBC-ს განუცხადა, რომ გასაჩივრების მიმართვას თან ახლავს დოკუმენტი - დონბასში რუსეთის არმიის ერთ-ერთ სამხედრო ნაწილთან შეთანხმება სტრელკოვის ოცეულის მეთაურად მიღების შესახებ.
დოკუმენტის არსებობას სტრელკოვის მეუღლე მიროსლავა რეგინსკაიაც ადასტურებს. მისი თქმით, ის ჯერ კიდევ იანვარში მიიღეს.
რუსეთში კანონი "ექსტრემისტული“ მუხლებით მსჯავრდადებულებს სამხედრო სამსახურზე ხელშეკრულების გაფორმებას უკრძალავს, თუმცა, სტრელკოვის ადვოკატები მაინც ხედავენ ამგვარ შესაძლებლობას.
აღნიშნულ საკითხთან დაკავშირებით, სტრელკოვის სასამართლო 15 მაისს არის ჩანიშნული.