მნიშვნელოვანი ინფორმაცია
20
მაისიდღის ზოგადი ასტროლოგიური პროგნოზი
სამშაბათი, მთვარის ოცდამესამე დღე დაიწყება 03:06-ზე, მთვარე თევზებში იქნება 16:24-დან -
კარგი დღეა ძველი საქმეების დასასრულებლად. ახლებს ნუ წამოიწყებთ. ნუ განახორციელებთ სერიოზულ ფინანსურ ოპერაციებს. სწავლისთვის ნეიტრალური დღეა, მაგრამ გამოცდა სხვა დროისთვის გადადეთ. უმჯობესია ეს დღე განმარტოებით, ბუნებაში გაატაროთ. მაქსიმალურად შეამცირეთ კონტაქტები, გულითადი საუბრები. მოერიდეთ ხელმძღვანელობასთან კონფლიქტს. სამსახურის, საქმიანობის შეცვლას. გათავისუფლდით უსარგებლო ნივთებისგან. არასასურველი დღეა ქორწინებისა და ნიშნობისთვის. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ერთ-ერთი ძვირადღირებული ქართველი ფეხბურთელის პირადი ცხოვრება და გზა დონეცკის "შახტარისკენ" - ვინ არის 23 წლის გიორგი გოჩოლეიშვილის რჩეული: "ეს ჩემი პირველი შვილია! ბედნიერი ვარ"
10:59 / 06-04-2024
23 წლის ქართველი ფეხბურთელი, გიორგი გოჩოლეიშვილი დონეცკის "შახტარისა" და საქართველოს ეროვნული ნაკრების მარჯვენა მცველია.
გიორგი გოჩოლეიშვილი "საბურთალოს" აღზრდილია. მისი საკლუბო დებიუტი 2020 წლის 27 აგვისტოს 2020-21 წლების უეფა-ს ევროპა ლიგის პირველი შესარჩევი ეტაპის მატჩში კვიპროსული ლიმასოლის "აპოლონის“ წინააღმდეგ შედგა.
გოჩლეიშვილმა ეროვნულ ლიგაში პირველად 2020 წლის 13 სექტემბერს, ქვეყნის პირველობის მე-11 ტურის მატჩში, თბილისის „მერანის“ წინააღმდეგ ითამაშა.
2021 წელს კი გუნდის ძირითადი შემადგენლობის მოთამაშედ გადაიყვანეს და „საბურთალოს“ საქართველოს თასის მოგებაში დაეხმარა. 2022 წელს გოჩოლეიშვილი ეროვნული ლიგის სეზონის საუკეთესო 11 მოთამაშეში ხვდება.
გზა დონეცკის "შახტარისკენ"
2022 წლის ნოემბერში გოჩოლეიშვილმა უკრაინის პრემიერ-ლიგის გრანდ დონეცკის „შახტართან“ 5-წლიანი კონტრაქტი გააფორმა, რომლის ათვლაც 2023 წლის 1 იანვარს დაიწყო. მისი დებიუტი კლუბის რიგებში 2023 წლის 28 თებერვალს საფეხბურთო კლუბ „მინაის“ წინააღმდეგ შედგა.
"ვიცი, რომ "შახტარი" ძალიან ამბიციური გუნდია, რომელიც ჩემპიონთა ლიგაზე თამაშობს და ყოველთვის უმაღლეს მიზნებს უყენებს საკუთარ თავს. მინდა გავხდე ამ გუნდის ნაწილი და მივაღწიო დიდ წარმატებებს შახტართან ერთად", - განაცხადა მაშინ გოჩოლეიშვილმა.
ეროვნული ნაკრები
2022 წლის ნოემბერში საქართველოს ეროვნული საფეხბურთო ნაკრების რიგებში გოჩოლეიშვილი ვილი სანიოლმა გამოიძახა. მისი დებიუტი 17 ნოემბერს მაროკოს წინააღმდეგ გამართულ ამხანაგურ მატჩში შედგა. სათადარიგოთა სკამზე იჯდა 28 მარტის გამარჯვების დროს.
გიორგი გოჩოლეიშვილი 10 ქართველ ფეხბურთელს შორის არის, რომელთა ღირებულებაც რამდენიმე მილიონი ევროა. პირველ ადგილს ხვიჩა კავარცხელია იკავებს 80 მილიონი ევროთი, მეორე ადგილზეა გიორგი მამარდაშვილი რომლის ღირებულებაც 35 მილიონი ევროა, საბა საზონოვი, რომელიც ცოტა ხნის წინ ტორინომ იყიდა, 3 მილიონი ევრო ღირს, გოჩოლეიშვილი შახტარიდან 2.5 მილიონი ევრო. სიაში არიან ასევე გიორგი მიქაუტაძე, ირაკლი აზაროვი, ის ასევე შახტარის ფეხბურთელია, ოთარ კიტეიშვილი, ზურიკო დავითაშვილი და გაბრიელ სიგუა.
პირადი ცხოვრება
23 წლის გოჩოლეიშვილი დაოჯახებულია. ფეხბურთელს მარტში პირველი შვილი, ვაჟი შეეძინა. ანა ოქრუაშვილმა თბილისის ერთ-ერთ კლინიკაში იმშობიარა. პატარა 48 სმ სიმაღლითა და 3100 გ წონით დაიბადა, ახალშობილ ვაჟს ალექსანდრე დაარქვეს, წერს უკრაინული მედია.
"წარმოუდგენლად ბედნიერი ვარ! ეს ჩემი პირველი შვილია და უბრალოდ, ვერ ვპოულობ სიტყვებს სიხარულის გამოსახატად“ – წერდა ახალბედა მამა.
ოფიციალური განცხადება გაავრცელა გუნდმაც.
"გიორგის და მის მეუღლეს ანას ვულოცავთ შვილის დაბადებას! ბავშვს ვუსურვებთ ჯანმრთელობას და ბედნიერებას, მშვიდობას, სიკეთეს და კეთილდღეობას ოჯახს."
გიორგი და მისი მეუღლე სოციალურ ქსელში ხშირად აქტიურობენ. როგორც ანას პროფილიდან ჩანს, მეუღლე ხშირად ახერხებს საქართველოში ჩამოსვლას. სავარაუდოდ, ომის გამო, ანა დიდ დროს სამშობლოში ატარებს.
ნახეთ ასევე:
- ქართველი ფეხბურთელის ბრაზილიელი რჩეული: რა არის ცნობილი გიორგი ქოჩორაშვილის პირად ცხოვრებასა და ოჯახზე - "საქართველოში მე არ ვარ ფანების კუმირი, თავმდაბალი მოთამაშე ვარ"
- "მქონდა განცდა, რომ გავიტანდი. ამიტომაც გადავწყვიტე პენალტი დამერტყა..." - ისტორიული მატჩის საუკეთესო მოთამაშის ლაშა დვალის სპორტული გზა და პირადი ცხოვრება
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ბედნიერები იყავით თქვენს პატარასთან ერთად
რა კარგია!!ბეიბი ბუმია საქართველოს ნაკრებში👏🌟❤️