6 აპრილს, ნოდარ დუმბაძის სახელობის მოზარდმაყურებელთა თეატრი სპექტაკლ "(ჰ)აბო" - ს პრემიერას წარმოგიდგენთ
თბილისის ნოდარ დუმბაძის სახელობის მოზარდ მაყურებელთა თეატრი (ჰ)აბო თბილელის ცხოვრებისა და თავგანწირვის პირველ თეატრალურ ვერსიას გთავაზობთ. წარმოდგენის შექმნის იდეაცა და პიესის ინსცენირებაც ახალგაზრდა რეჟისორს, მარიამ სიხარულიძეს ეკუთვნის. ეს არ იქნება ჰაგიოგრაფიული ნაწარმოების გადმოცემის კლასიკური ვერსია. რეჟისორი მაყურებელს (ჰ)აბოს ამბის თანამედროვე ვერსიას 12 და 31 მაისს 19 საათზე წარუდგენს.
რამოხდა 786 წელს?
რა ხდება დღეს?
როგორ პოლიტიკას აწარმოებდნენ მაშინდელი საერო თუ სასულიერო პირები?
რა ხდება დღეს პოლიტიკურ სარბიელზე?
რა განსხვავება და რა მსგავსებაა წარსულსა და აწმყოს შორის?
ამბავი ნატაძრალის გარშემო ვითარდება, გადარჩენილი სამრეკლო და საკურთხეველი, როგორც საქართველოს სიმბოლო. ნატაძრალთან მდგარი, გადაჭრილი მუხის ხე, სიმბოლო უიმედობისა, აპათიისა, ქარქაშში ჩარჩენილი ჟანგიანი ხმლებისა.
სადადგმო ჯგუფი მოზარდებს სთავაზობს თავად გადაწყვიტონ - საინტერესოა თუ არა ეს ყველაფერი მათთვის, საჭიროა ამ წარსულის ცოდნა თუ უსარგებლო.
მარიამ სიხარულიძემ ინსცენირებისას იხელმძღვანელა თავად იოანე საბანისძის ჰაგიოგრაფიული ნაწარმოებით „აბო თბილელის წამება“ და ნოდარ წულეისკირის „ღვაწლი და წამება აბოსი და იოანესი“.
დამდგმელი რეჟისორი და ინსცენირების ავტორი: მარიამ სიხარულიძე
ქორეოგრაფი: გია მარღანია
მხატვარი: ვახტანგ ქორიძე
კომპოზიტორი: ნინო სიხარულიძე
რეჟისორის თანაშემწე: ნათია ბოშიშვილი
მონაწილეობენ: გიორგი ჯიქურიძე, დავით ხახიძე, ნინო ლეჟავა, გიორგი კაჭახიძე, ვამეხ ჯანგიძე, მაია ხორნაული, ვახტანგ ნოზაძე, ვახტანგ ჩაჩანიძე, ვანო დუგლაძე, მერაბ შარიქაძე, გიორგი ყორღანაშვილი.
R