შეიარაღებულ თავდასხმას ტერაქტის კვალიფიკაცია მიეცა - რა მოხდა სომხეთში?
ერევანში პოლიციის განყოფილებაზე სამი შეიარაღებული პირის თავდასხმის შემდეგ სომხეთის საგამოძიებო კომიტეტმა სისხლის სამართლის საქმე ტერორიზმის მუხლით აღძრა.
კვირას, დაახლოებით 17:00 საათზე, ნორ-ნორკის ადმინისტრაციულ ოლქში, ხელყუმბარებით შეიარაღებული სამი პირი პოლიციის განყოფილებაში ღია ფანჯრიდან შეიპარა და სამორიგეო განყოფილების აფეთქებით დაემუქრა. ისინი სომხეთის პრემიერ-მინისტრის ნიკოლ ფაშინიანის გადადგომას ითხოვდნენ.
პოლიციის თანამშრომელმა სამორიგეო განყოფილების ფანჯარა დახურა, რის შემდეგაც თავდამსხმელებმა ხელყუმბარები ააფეთქეს. თავდამსხმელთაგან ორმა ყუმბარების აფეთქების შემდეგ ფეხებზე დაზიანებები მიიღო, რის გამოც საავადმყოფოში გადაიყვანეს, მესამე თანამზრახველი კი პოლიციამ დააკავა.
წყარო: caliber.az
მოამზადა: ანა სიბოშვილმა