მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
43 სტუდენტის გატაცებისა და გაუჩინარების იდუმალებით მოცული ამბავი - რა მოხდა მექსიკაში 2014 წელს: საქმე, რომელიც დღემდე კითხვებს ტოვებს
10:37 / 20-03-2024
43 გაუჩინარებული სტუდენტის საქმე მექსიკის მთავრობისა და ექსპრეზიდენტ ენრიკე პენია ნიეტოს მმართველობის შავ ლაქად აღიქმება.
2014 წლის 26 სექტემბერს, პედაგოგიური კოლეჯის 43 სტუდენტი ნარკოკარტელის წარმომადგენლებს გადასცეს, არსებული ინფორმაციით, ნარკოკარტელის წევრებმა ისინი მოკლეს და შემდეგ ცხედრები დაწვეს. თუმცა მიუხედავად ამ ინფორმაციისა, ამ საქმეში დღემდე ბევრი უპასუხო კითხვაა.
იმ პერიოდში ახალგაზრდების გაუჩინარებამ და წარუმატებელმა გამოძიებამ მექსიკაში და მის ფარგლებს გარეთ საპროტესტო აქციების ტალღა გამოიწვია. რვა წლის შემდეგ, საქმის გამოსაძიებლად თავიდან შექმნილმა კომისიამ 2014 წელს მომხდარს "სახელმწიფოს დანაშაული" უწოდა - დაზუსტებით, ის თუ ვინ იდგა გატაცების უკან და რა მოტივი ამოძრავებდათ, გაურკვეველია, თუმცა არსებობს ვერსიები და თეორიები, რომლებსაც ადამიანების დიდი ნაწილი არ ენდობა.
- აიოცინაპას კოლეჯი
აიოცინაპას კოლეჯი 1926 წელს დაარსდა. იგი ისტორიულად სტუდენტურ აქტივიზმთან ასოცირდება და ცნობილია "სამხედრო და რადიკალური საპროტესტო აქციებით, რომლებიც ხშირად გულისხმობს ავტობუსების და სატვირთო მანქანების გატაცებას, მანქანების მითვისებას". ავტობუსების უმეტესობა, როგორც წესი, საპროტესტო აქციების დასრულების შემდეგ მფლობელს უბრუნდება.
- რა მოხდა გატაცების დღეს?
2014 წლის 26 სექტემბერს, დაახლოებით 18:00 საათზე, 100-ზე მეტი სტუდენტი იგუალაში გაემგზავრა. მათი მიზანი იგუალას მერის მეუღლის, მარია დე ლოს ანჯელეს პინედა ვილას ყოველწლიური კონფერენციის ჩაშლა იყო. თუმცა იქ მისვლამდე სტუდენტების ავტობუსს მუნიციპალურმა პოლიციამ ცეცხლი გაუხსნა - მათი მტკიცებით, სტუდენტებმა ავტობუსი გაიტაცეს.
პოლიციამ შეცდომით ცეცხლის გაუხსნა კიდევ ერთ ავტობუსს, რომელშიც ადგილობრივი საფეხბურთო გუნდის წევრები იმყოფებოდნენ, რის შედეგადაც მისი მძღოლი და ბორტზე მყოფი ერთ-ერთი მოთამაშე დაიღუპა.
მეორე დილით, ხელისუფლებამ განაცხადა, რომ სტუდენტის, ხულიო ჩეზარ მონდრაგონის დასახიჩრებული ცხედარი იპოვეს. მათი ცნობით, შემთხვევის შედეგად სულ დაიღუპა 6 და დაიჭრა 25 ადამიანი.
- დაკარგული სტუდენტების საქმე
პოლიციასთან შეტაკების შემდეგ 43 სტუდენტი დაიკარგა. მათი გაუჩინარებიდან რამდენიმე კვირაში ჩატარებულმა გამოძიებამ დაადგინა, რომ ისინი მუნიციპალურმა ოფიცრებმა დააკავეს და მიმდებარე ქალაქ კოკულას პოლიციის განყოფილებაში წაიყვანეს. იქ კორუმპირებულმა პოლიციელებმა ადგილობრივი ნარკობანდის, Guerreros Unidos (გაერთიანებული მეომრები) წევრებს გადასცეს. ერთ-ერთი სატვირთო მანქანა, რომელიც გამოიყენებოდა სტუდენტების გადასაყვანად, ეკუთვნოდა ჯილდარდო ლოპეს ასტუდილოს (იგივე "ელ გილი"), ბანდის მაღალი რანგის ლიდერს, რომელიც თვლიდა, რომ სტუდენტები საფრთხეს უქმნიდნენ ბანდის მიერ ტერიტორიის კონტროლს. Guerreros Unidos-ი სავარაუდოდ იმასაც ფიქრობდა, რომ ზოგიერთი სტუდენტი იყო კონკურენტი ბანდის წევრი, რომელიც ცნობილია როგორც Los Rojos.
გამომძიებლების თქმით, სტუდენტები კოკულას გარეუბანში არსებულ ნაგავსაყრელზე გადაიყვანეს და მოკლეს. კვალის განადგურების მიზნით კი ცხედრები დაწვეს. შემდეგ მათი ნაშთები რვა პლასტმასის ჩანთაში მოათავსეს და მდინარე სან ხუანში გადაყარეს.
"ჩვენ ისინი მტვრად ვაქციეთ და მათი ნაშთები წყალში გადავყარეთ. ისინი (ხელისუფლება) მათ ვერასოდეს იპოვიან", - ვკითხულობთ ტექსტში, რომელიც ელ გილმა, ბანდის ერთ-ერთ ლიდერს გაუგზავნა.
- დაკავებები და გამოძიება
2014 წლის 28 სექტემბერს გერეროში გენერალური პროკურატურის წევრებმა 22 პოლიციელი დააკავეს. შტატის მთავრობამ განაცხადა, რომ იგუალაში მუნიციპალური პოლიციის 280 თანამშრომელი გამოიძახეს დაკითხვაზე. 22-ის გარდა ყველა მათგანი ბრალის გარეშე გაათავისუფლეს. გამოძიებამ დაასკვნა, რომ 22 პოლიციელიდან 16-მა გამოიყენა ცეცხლსასროლი იარაღი სტუდენტების წინააღმდეგ. ყველა მათგანს პატიმრობა მიესაჯა.
2014 წლის 18 ოქტომბერს Guerreros Unidos-ის დაჯგუფების ლიდერი სინდრონიო სალგადო დააკავეს. ამ დროისთვის ითვლება, რომ სტუდენტების მკვლელობა მექსიკელმა ნარკობარონმა, ალფრედო ბელტრან ლეივამ დაუკვეთა - მეტსახელად El Mochomo (უდაბნოს ჭიანჭველა).
- ცხედრები
2014 წლის 5 ოქტომბერს იგუალას მახლობლად აღმოაჩინეს მასობრივი საფლავი. ითვლებოდა, რომ ამ ტერიტორიაზე 28 სტუდენტის ცხედრის ნაშთები იპოვეს - გავრცელებული ინფორმაციით, ისინი ჯერ აწამეს, შემდეგ კი ცოცხლად დაწვეს. საბოლოოდ, ექსპერტიზამ დაადგინა, რომ ცხედრები დაკარგულ სტუდენტებს არ ეკუთვნოდათ.
იმავე წელს აღმოჩენილი ძვლის ფრაგმენტები ემთხვევა ალექსანდრე მორას, რომელიც გატაცების დროს 19 წლის იყო, თუმცა სად იპოვეს მისი ნეშტი, სადავოა. ახლა უკვე დისკრედიტირებული გამოძიება ამტკიცებდა, რომ მორას ნეშტი კოკულაში, ნაგავსაყრელზე აღმოაჩინეს.
2019 წელს, კოკულას მახლობლად, ხევში იპოვეს ფეხის ძვლის ნაშთები, რომელიც 19 წლის კრისტიან ალფონსო როდრიგესს ეკუთვნოდა. იმავე ადგილას იპოვეს 20 წლის ჯოსივანი გერერო დე ლა კრუზის ცხედრის ფრაგმენტები.
მიუხედავად იმ ინფორმაციებისა, რასაც მედია და სამართალდამცველები ავრცელებენ, ეს ამბავი დღემდე საიდუმლოებით მოცულად ითვლება და მექსიკელი დეტექტივები ამ დრომდე აგრძელებენ გამოძიებას გაუჩინარებული სტუდენტების თუნდაც ცხედრების საპოვნელად.
მკითხველის კომენტარები /
8 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ამერიკა რომელიც მშვიდობას ამყარებს სხვა კონტინენტზე ამ დროს მოსაზღვრე ქვეყანაში ადამიანებს იტაცებენ რას მიკეთებს? შფოთავს ალბათ
მერე მიშამ რაო? სად არიან გატაცებული ქართველებიო