მნიშვნელოვანი ინფორმაცია
18
მაისიდღის ზოგადი ასტროლოგიური პროგნოზი
კვირა, მთვარის ოცდამეერთე დღე დაიწყება 02:39-ზე, მთვარე მერწყულში იქნება 09:27-დან
კარგი დღეა ფინანსური საკითხების მოსაგვარებლად; გუნდური მუშაობისთვის; ვაჭრობისთვის. კარგია საერთო მიზნისთვის გაერთიანება, მომავლის დასახვა. კარგია მგზავრობა, მივლინება; საქმიანობის შეცვლა. მოაგვარეთ საოჯახო საქმეები; დაისვენეთ. კარგი დღეა ქორწინებისა და ნიშნობისათვის. ერთგულების ფიცის დასადებად; მავნე ჩვევებისგან გასათავისუფლებლად. ნუ გადატვირთავთ ღვიძლს. გაისეირნეთ სუფთა ჰაერზე. არ დაძაბოთ და გადაღალოთ თვალები. კარგი დღეა დასვენებისთვის, შიმშილისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
გრეტა გერვიგის "ბარბის" გამოსვლის შემდეგ საქართველოში სათამაშოს გაყიდვები 50%-ით გაიზარდა - "პეპელა"
14:26 / 12-03-2024
გრეტა გერვიგის „ბარბის“ მთელი მსოფლიოს მასშტაბით გამოსვლისთანავე დიდი რეზონანსი და წარმატება მოჰყვა. 2023 წლის მონაცემებით ფილმის შემოსავალმა 1.446 მილიარდ დოლარს მიაღწია. ამასთან, მისმა პოპულარობამ მსოფლიოს სხვადასხვა ქვეყანაში მნიშვნელოვანი ზეგავლენა მოახდინა სათამაშოს გაყიდვებზეც.
ფორბსის 2023 წლის ოქტომბრის მონაცემებით, ფილმის ეკრანებზე გამოსვლის შემდეგ სათამაშო ბარბის გაყიდვები 14%-ით გაიზარდა. კომპანიის წარმომადგენლების პროგნოზით წელს და მომავალ წლებში კიდევ უფრო პოზიტიური შედეგები ექნებათ.
საქართველოში „ბარბის“ ოფიციალური წარმომადგენლის მაღაზიათა ქსელ „პეპელას“ ინფორმაციით, 2023 წელს, 2022 წელთან შედარებით ბარბის გაყიდვები 50%-ით გაიზარდა და ზოგადად, მოთხოვნა გაიზარდა Mattel-ის წარმოების სათამაშოებზე.
მათივე ინფორმაციით, მიმდინარე წელს აღნიშნულ პროდუქციაზე ისევ მოთხოვნის გაზრდილი დინამიკა ფიქსირდება.
გრეტა გერვიგის „ბარბის“ შესახებ
2023 წელს ეკრანებზე გამოსვლის შემდეგ „ბარბის“ ბევრი კრიტიკოსი გამოუჩნდა, ბევრმაც მას მეტი სიღრმე მოუძებნა ის ფემინისტი რეჟისორის ფემინისტურ ნამუშევრად აღიქვა. ფილმის დასაწისი სტენლი კუბრიკის 2001 წლის შედევრის „კოსმოსური ოდისეის“ სტილშია გადაწყვეტილი. ბარბის იდეალური სამყარო აქვს, თავადაც იდეალურია და მისი ყოველი დღე შფოთვის, ყოფითი საჭიროებებისა და რეალური სამყაროსთვის დამახასიათებელი პრობლემებისგანაა დაცლილი. მეორე მხრივ, კენი, რომელიც წესით მისი შეყვარებული უნდა იყოს, თუმცა არ არის, ბარბის გარეშე არაფერს წარმოადგენს, რაც მას აწუხებს.
ბარბის იდეალურ სამყაროში დისონანსი მაშინ შემოდის, როცა ის მოულოდნელად დასვამს კითხვას „ოდესმე ფიქრობთ სიკვდილზე?”
როგორც ბარბის ეუბნებიან, ასეთი ფიქრები იმის ბრალია, რომ რეალურ ადამიანთან, რომელიც მისით თამაშობდა ემოციური კავშირი გაუჩნდა. ის გრძნობს, რომ აღარ არის იდეალური, მის ცხოვრებაში პრობლემები იჩენს თავს, რაც მისთვის კატასტროფის ტოლფასია. იმისათვის, რომ ძველი ცხოვრება დაიბრუნოს, აღნიშნული პრობლემები უნდა გადაჭრას, რაც რეალურ სამყაროში გადასვლის გარეშე ვერ მოხდება.
მნიშვნელოვანია კენის როლიც, Mattel-ის მეორეხარისხოვანი სათამაშოსი, რომელიც „ბარბის“ სამყაროში მხოლოდ მაშინ წარმოადგენს რამეს, თუ მას ბარბი უბრალოდ მიესალმება მაინც. კენი ბარბის რეალურ სამყაროში მიჰყვება და აქ გამეფებულ პატრიარქატს აღმოაჩენს, რაც მასზე დიდ ზეგავლენას მოახდენს და ბარბის სამყაროშიც კენების ერთგვარ აჯანყებას იწყებს.
ფილმში თითქოს სარკასტულადაა წარმოჩენილი ფემინისტური მონოლოგები, რომლის შინაარსიც, სიმართლეა, მაგრამ მოსაწყენად ჟღერს. ასევე, კომიკურად არიან წარმოჩენილი Mattel-ის მმართველები, რომელთა რიგებშიც ქალს ვერ აღმოაჩენთ.
საბოლოოდ, ბარბის სამყაროში კენიც პოულობს თავის ადგილს და ბარბიც - ჰარმონიას. ის ისევ მთავარ გმირად რჩება და შეუძლია იცხოვროს ისე, როგორც თავად სურს, მაგრამ მისი ფიქრები უკვე მეტად ადამიანური და ბუნებრივია.
ბარბის სლოგანია „შეგიძლია იყო ის, ვინც გინდა“, რაც ერთგვარად ფემინისტურ ნარატივს ემსახურება. თუმცა იდეალურობის გამო მას ხშირად აკრიტიკებენ და სტანდარტების განმტკიცებაში „ადანაშაულებენ“.
ბარბი რუთ ჰენდლერმა 40-იან წლებში შექმნა. პირველი თოჯინა გაყიდვაში 1959 წელს გამოვიდა. პირველივე წელს დაახლოებით 300 000 ბარბი გაიყიდა.
1945 წელს ცოლ-ქმარი რუთ და ელიოტ ჰენდლერებმა ჰაროლთ მეთ მეთსონთან ერთად ბავშვებისთვის ინოვაციური სათამაშოების შექმნაზე დაიწყეს მუშაობა. თავდაპირველად, სურათების ჩარჩოები და თოჯინების სახლისთვის სათამაშო ავეჯი დაამზადეს. მათი პირველი წარმატებული წამოწყება იყო უკულელეს ტიპის სათამაშო ინსტრუმენტი. კომპანიის დაფუძნებიდან 15 წლის შემდეგ კი ბარბის ერა დაიწყო. რუთ ჰენდლერი ქალიშვილთან, ბარბარასთან ერთად შვეიცარიის ქუჩებში სეირნობდა, როდესაც მაღაზიის ვიტრინაში შენიშნეს თოჯინა სახელად Bils Lilli. რუთმა შეამჩნია, რომ მის მიერ შექმნილი სათამაშოებისგან განსხვავებით, ლილის ტანსაცმელიც ჰქონდა, რაც მას ყველაზე მეტად მოსწონდა. აღნიშნული თოჯინისა და ბარბარას ვიზუალის შთაგონებით შეიქმნა ბარბი, რომელიც ბოლო 60 წელია, ერთ-ერთი ყველაზე მოთხოვნადი სათამაშოა.
რუთ ჰენდლერი გატაცებული იყო ახალი თოჯინის შექმნის იდეით, თუმცა მის ქმარს, ელიოტს არ სჯეროდა მისი წარმატების, ფიქრობდა, რომ წამგებიანი იქნებოდა. მიუხედავად ამისა, რუთი დიდი მონდომებით მუშაობდა. თოჯინას თავისი ქალიშვილის - ბარბარას სახელი დაარქვა.
ბარბის გამოსვლიდან სამი წლის შემდეგ, 1962 წელს Mattel-მა გადაწყვიტა ბარბისთვის შეყვარებული ეჩუქებინა. თოჯინას ჰენდლერის ვაჟის სახელი, კენი უწოდეს.
1968 წელს Mattel-მა წარმოადგინა კრისტი - პირველი ფერადკანიანი ბარბი, რომლის წარმატების შემდეგ უკვე სხვადასხვა ეროვნების თოჯინაც შეიქმნა. ბარბებს ჰქონდათ პროფესიები, იყვნენ ლამაზები, რეალიზებულები და ჰქონდათ საოცნებო სახლი, რაც მათ მილიონობით გოგონასთვის ყველაზე სასურველ სათამაშოდ აქცევდა.
R
00:00 / 00:00
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
