მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
როგორ იქცა ყოფილი პოლიციელი კრიმინალური ბანდების ლიდერად - ვინ არის ჯიმი შერიზიე, მეტსახელად, "ბარბექიუ"?
15:50 / 07-03-2024
ჰაიტი სამოქალაქო ომისა და სახელმწიფო გადატრიალების წინაშე დგას. ყოფილმა პოლიციელმა ჯიმი შერიზიემ, მეტსახელად "ბარბექიუმ“ ქვეყნის კრიმინალური დაჯგუფებები გააერთიანა და მათ ლიდერად იქცა. ახლა ქვეყნის დედაქალაქის, პორტ-ო-პრენსის დიდ ნაწილს სწორედ ისინი აკონტროლებენ. ისინი მოქმედი პრეზიდენტის, არიელ ანრისა და მისი მთავრობის გადადგომას ითხოვენ.
- ვინ არის ჯიმი შერიზიე?
2 მარტს შეიარაღებულმა კრიმინალებმა ჰაიტის უმსხვილესი ციხე აიღეს და 4000-მდე პატიმარი გაათავისუფლეს, რომლებმაც ქვეყნის დედაქალაქ პორტ-ო-პრენსში არეულობა მოაწყვეს. შეიარაღებული ბანდები ახლა ქვეყნის დიდ ნაწილს აკონტროლებენ.
ამბოხი მას შემდეგ დაიწყო, რაც შერიზიემ, რომელიც ყოფილი პოლიციელია, კრიმინალურ დაჯგუფებებს გაერთიანებისა და პრემიერ-მინისტრის ჩამოგდებისკენ მოუწოდა. 46 წლის "ბარბექიუ" ადრე ჰაიტის ეროვნული პოლიციის ოფიცერი იყო.
შერიზიე დიდი შემწყნარებლობით სამართალდამცველად მუშაობის დროსაც არ გამოირჩეოდა. გაეროს მონაცემებით, ის მონაწილეობას იღებდა მასობრივ მკვლელობებში, მათ შორის 2018 წელს, როდესაც დედაქალაქში რეიდისას, 70 ადამიანი მოკვდა, ხოლო 400-ზე მეტი სახლი დაიწვა.
ის მას მერე მოექცა ყურადღების ცენტრში, რაც 2020 წელს დედაქალაქის 9 დაჯგუფება გააერთიანა და ერთ ალიანსად გადააქცია, რომელსაც "G9 ოჯახი და მოკავშირეები“ ჰქვია.
ის კარგა ხანია გაეროსა და აშშ-ის მიერ არის დასანქცირებული. "როიტერის" ინფორმაციით, ის პორტ-ო-პრენსის დელმას რაიონიდან არის.
განახლებული კრიმინალური ჯგუფი მსოფლიო სიახლეების მთავარ თემად 2021 წელს იქცა, როდესაც ჰაიტის მთავარი ნავთობის პორტი აიღეს და ქვეყნის პრეზიდენტი ჟოვენელ მოიზე მოკლეს.
ამით, გაერთიანებამ, ფაქტობრივად, მთელი ქვეყანა მძევლად აიყვანა - ტრანსპორტი გაჩერდა, საავადმყოფოების ენერგომომარაგება შეწყდა. ბლოკადა 1 თვის შემდეგ დასრულდა.
პრეზიდენტის მკვლელობის შემდეგ ქვეყანაში გარდამავალი პერიოდი გამოცხადდა და ხელისუფლებაში არჩევნების გარეშე მოვიდა არიელ ანრი. თებერვლის დასაწყისში ათასობით ჰაიტელი პროტესტის ნიშნად ქუჩებში გავიდა და ხელისუფლების გადადგომა მოითხოვა. მათ ბოლო ვადად 7 თებერვალი დაასახელეს, მაშინ ანრი ხალხის მოთხოვნას დათანხმდა, თუმცა საბოლოოდ, ეს ნაბიჯი არ გადადგა, რასაც არეულობა მოჰყვა.
ანრი სამართლიანი არჩევნების ჩატარებას ითხოვს. "ვფიქრობ, მოვიდა დრო, რომ სხვანაირად მოვიქცეთ და ჰაიტი გადავარჩინოთ“, - განაცხადა მან 8 თებერვალს.
მისი თქმით, ჰაიტელებს მშვიდობა, უსაფრთხოება, სამსახური და ქვეყანაში თავისუფლად გადაადგილების საშუალება სჭირდებათ. ის მოსახლეობას საყოველთაო არჩევნებს დაჰპირდა, თუმცა არჩევნები, მისი თქმით, ჩატარდება მაშინ, როცა ქვეყნის უსაფრთხოების პრობლემები მოგვარდება.
"თუ ანრი არ გადადგება და საერთაშორისო საზოგადოება გააგრძელებს მის მხარდაჭერას, ჩვენ სამოქალაქო ომში გავეხვევით, რაც გენოციდს გამოიწვევს“, - ამბობდა იმჟამად შერიზიე.
"ჰაიტი ან სამოთხე გახდება, ან ჩვენ ყველასთვის ჯოჯოხეთად იქცევა. გამორიცხულია, რომ მდიდარი ადამიანების მცირე ჯგუფმა, რომლებიც ძვირფას სასტუმროებში ცხოვრობენ, ჩვენი ხალხის ბედი გადაწყვიტონ“, - განაცხადა მან.
დაჯგუფებებს ახლა დედაქალაქის სტრატეგიული და სამთავრობო ობიექტები აღებული აქვთ, მათ შორის ორი აეროპორტი, პოლიციის განყოფილება და პორტი.
მათ 4 და 5 მარტს ტუსსენ-ლუვერტიურის აეროპორტის აღების მცდელობა ჰქონდათ, თუმცა ამ ეტაპისთვის გაურკვეველია, მიაღწიეს თუ არა მიზანს.
პრეზიდენტი ანრი კი, ბოლო ცნობებით, პუერტო-რიკოში იმყოფება და კრიზისის დაძლევის გეგმაზე მუშაობს.
- მოამზადა ანრი კურტანიძემ
მკითხველის კომენტარები /
17 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჯიმა, რავა გაშავებულხარ
ტონტონ-მაკუტა იყო უკეთესი თუ ეს შერაზიეს ბანდა?