ოპო­ზი­ცი­ურ ფლანგზე გა­ზა­ფხუ­ლის­თვის ცვლი­ლე­ბებს გვპირ­დე­ბი­ან - "ნა­ცი­ო­ნა­ლუ­რი მოძ­რა­ო­ბის“ ყო­ფი­ლი თავ­მჯდო­მა­რე, ნიკა მე­ლია უახ­ლო­ეს დღე­ებ­ში, არა­უგ­ვი­ა­ნეს ერთი კვი­რი­სა, აპი­რებს ახა­ლი პარ­ტი­ის პრე­ზენ­ტა­ცი­ის გა­მარ­თვას; "მთა­ვა­რი ახ­რის“ დამ­ფუძ­ნე­ბელ ნიკა გვა­რა­მი­ას მარ­ტის და­სა­წყის­ში აქვს და­ა­ნონ­სე­ბუ­ლი სა­კუ­თა­რი პარ­ტი­ის სა­ზო­გა­დო­ე­ბის­თვის წარ­დგე­ნა, რო­მელ­საც, სა­ვა­რა­უ­დოდ, "ახა­ლი“ ერ­ქმე­ვა.

ნიკა მე­ლია, ნიკა გვა­რა­მია, მა­მუ­კა ხა­ზა­რა­ძე, ზურა გირ­ჩი ჯა­ფა­რი­ძე და ელე­ნე ხოშ­ტა­რია ჯერ კი­დევ არ არი­ან ჩა­მო­ყა­ლი­ბე­ბულ­ნი, ვის­თან და რა ფორ­მატ­ში ითა­ნამ­შრომ­ლე­ბენ. "ნა­ცი­ო­ნა­ლუ­რი მოძ­რა­ო­ბი­სა“ და "სტრა­ტე­გია აღ­მა­შე­ნე­ბე­ლის“ "გა­მარ­ჯვე­ბის კო­ა­ლი­ცია“ ნე­ბის­მი­ერ პრო­და­სავ­ლურ ოპო­ზი­ცი­ურ ძა­ლას­თან პარტნი­ო­რო­ბის­თვის მზად­ყოფ­ნას გა­მო­ხა­ტავს, თუმ­ცა ამ პო­ლი­ტი­კურ ჯგუფ­თან თა­ნამ­შრომ­ლო­ბას თით­ქმის ყვე­ლა ერი­დე­ბა.

"ნა­ცი­ო­ნა­ლე­ბის“ გარ­და, ყვე­ლა პრო­და­სავ­ლურ ოპო­ზი­ცი­ურ პარ­ტი­ას­თან თა­ნამ­შრომ­ლო­ბის­თვის მზად არის ალე­კო ელი­საშ­ვი­ლის პარ­ტია "მო­ქა­ლა­ქე­ე­ბი“, თუმ­ცა ჯერ ვე­რა­ვის­თან შე­თან­ხმდა.

"ნუ გვე­ტე­ნე­ბი­თო“, - შე­მო­უთ­ვა­ლა მთელ პო­ლი­ტი­კურ სპექტრს ექ­სპრე­მი­ერ გი­ორ­გი გა­ხა­რი­ას გუნ­დმა და 2024 წლის არ­ჩევ­ნებ­ში მარ­ტო ბრძო­ლა და­ა­ა­ნონ­სა. ყვე­ლას­გან და­მო­უ­კი­დებ­ლად აპი­რებს სა­არ­ჩევ­ნო მა­რა­თონ­ში მო­ნა­წი­ლე­ო­ბას ანა დო­ლი­ძეც. შე­იძ­ლე­ბა ით­ქვას, რომ ოპო­ზი­ცი­ურ ველ­ზე დიდი ქა­ო­სია.

ambebi.ge შე­ე­ცა­და გა­ერ­კვია, რას ფიქ­რო­ბენ არ­სე­ბულ მო­ცე­მუ­ლო­ბა­ზე, ცალ­კე­უ­ლი ოპო­ზი­ცი­ო­ნე­რი ლი­დე­რე­ბი და რო­გორ აფა­სებს მათ წი­ნა­სა­არ­ჩევ­ნო სტრა­ტე­გი­ას, მრა­ვა­ლი არ­ჩევ­ნე­ბი­სა და პო­ლი­ტი­კუ­რი პრო­ცე­სის მნახ­ვე­ლი და მო­ნა­წი­ლე, ანა­ლი­ტი­კო­სი ვახ­ტანგ ძა­ბი­რა­ძე.

• ბაჩო დო­ლი­ძე, ნიკა მე­ლი­ას პარტნი­ო­რი, "ნაც­მოძ­რა­ო­ბის" ყო­ფი­ლი წევ­რი:

- ერთ კვი­რა­ში, სა­ბო­ლო­ოდ ჩა­მოვ­ყა­ლიბ­დე­ბით, თუ რა კონ­ფი­გუ­რა­ცი­ით წარვსდგე­ბით ამომ­რჩევ­ლის წი­ნა­შე. ამ კონ­ფი­გუ­რა­ცი­ამ უნდა მო­ი­ტა­ნოს სა­ერ­თო შე­დე­გი და არა კონ­კრე­ტუ­ლი ჯგუ­ფის ლო­კა­ლუ­რი შე­დე­გი. სა­ბო­ლოო გა­და­წყვე­ტი­ლე­ბის მი­ღე­ბა მარ­ტი­ვად არ არის. არ გვინ­და, რომ გა­ერ­თი­ა­ნე­ბამ ოპო­ზი­ცი­უ­რი ხმე­ბი დაგ­ვა­კარ­გი­ნოს. ამ არ­ჩევ­ნებ­ში თი­თო­ე­უ­ლი ხმა იქ­ნე­ბა მნიშ­ვნე­ლო­ვა­ნი.

- ამ ცოტა ხნის წინ ნიკა გვა­რა­მი­ამ თქვა, რომ თქვენს შო­რის ჯერ კი­დევ იყო შე­უ­თან­ხმე­ბე­ლი სა­კი­თხე­ბი...

- ისევ არის სა­კი­თხე­ბი, რა­საც ჩვენ გან­სხვა­ვე­ბუ­ლად ვუ­ყუ­რებთ, თუმ­ცა, არის სა­კი­თხე­ბი, რა­შიც ვთან­ხმდე­ბით. ერთი რამ ნამ­დვი­ლად შე­მიძ­ლია გი­თხრათ, ჩვე­ნი პო­ლი­ტი­კუ­რი ჯგუ­ფი ყვე­ლა­ნა­ი­რი გავ­ლე­ნის­გან იქ­ნე­ბა თა­ვი­სუ­ფა­ლი. ერთ მხა­რე­საც დიდი ფული დევს და მე­ო­რე მხა­რე­საც, ჩვენ კი ვამ­ბობთ, რომ საქ­მის კე­თე­ბის­თვის დიდი ფული არ არის აუ­ცი­ლე­ბე­ლი.

- ალ­ბათ, თქვე­ნი ერთ-ერთი პარტნი­ო­რი "ლელო“ იქ­ნე­ბა...

- არ ვიცი, რა­ტომ, მაგ­რამ არა­ერ­თხელ გავ­რცელ­და ვერ­სია, რომ ნიკა მე­ლია "ლე­ლოს“ შე­უ­ერ­თდე­ბო­და. "ლე­ლოს­თან“ პარტნი­ო­რუ­ლი ურ­თი­ერ­თო­ბე­ბი გვაქვს და იმე­დია, ეს გაგ­რძელ­დე­ბა კი­დეც, თუმ­ცა ჩვე­ნი ერთი ნომ­რით წარ­მოდ­გე­ნა არც "ლე­ლოს“ ინ­ტე­რე­სებ­ში შე­დის და არც ჩვენს გეგ­მებ­ში. და­სავ­ლურ ოპო­ზი­ცი­ურ ფლანგზე ძა­ლი­ან ბევრ მო­კავ­ში­რეს ვხე­დავთ - კონ­კრე­ტულ, სტრა­ტე­გი­ულ სა­კი­თხებ­თან და­კავ­ში­რე­ბით, მაგ­რამ ერ­თი­ა­ნი სიით არა­ვის­თან ერ­თად არ წარვსდგე­ბით.

- ანა­ლი­ტი­კო­სე­ბის ვერ­სი­ით, მე­ლია და გვა­რა­მია ერ­თად თუ იქ­ნე­ბი­ან, 5%-იანი ბა­რი­ე­რის გა­და­ლახ­ვის ბევ­რად მეტი შან­სი ექ­ნე­ბათ...

- ერთი ან ორი ოპო­ზი­ცი­უ­რი პარ­ტია, თუ ხვდე­ბა, რომ სა­არ­ჩევ­ნო ბა­რი­ერს ვერ გა­და­ლა­ხავს, ნამ­დვი­ლად უნდა იფიქ­როს გამ­სხვი­ლე­ბა­ზე... მო­მა­ვა­ლი გვიჩ­ვე­ნებს, ვინ რო­გო­რი იპო­ზი­ცი­ო­ნი­რებს, ვის რა შან­სე­ბი ექ­ნე­ბა. ვფიქ­რობ, პრაგ­მა­ტუ­ლი გა­და­წყვე­ტი­ლე­ბის მი­ღე­ბა ბევ­რს მო­უ­წევს.

- ხა­ტია დე­კა­ნო­ი­ძე და რო­მან გო­ცი­რი­ძე თქვენს გუნდში იქ­ნე­ბი­ან?

- ხა­ტი­ას­თან ძა­ლი­ან აქ­ტი­უ­რად მიმ­დი­ნა­რე­ობს სხვა­დას­ხვა სა­კი­თხე­ბის შე­ჯე­რე­ბა. და­ნარ­ჩე­ნი ალ­ბათ თა­ვად უნდა თქვას. ერ­თა­დერ­თი, რისი თქმაც და­ზუს­ტე­ბით შე­მიძ­ლია ის არის, რომ რა გა­და­წყვე­ტი­ლე­ბაც არ უნდა მი­ვი­ღოთ და რო­გო­რი კონ­ფი­გუ­რა­ცი­ე­ბიც არ უნდა და­ლაგ­დეს, ის არ იქ­ნე­ბა კარ­გი "ქარ­თუ­ლი ოც­ნე­ბის­თვის“.

• რო­მან გო­ცი­რი­ძე, პარ­ლა­მენ­ტა­რი:

- ქა­ო­სი, რო­მე­ლიც ახლა ოპო­ზი­ცი­ურ ველ­ზეა, იმით არის გან­პი­რო­ბე­ბუ­ლი, რომ "ნა­ცი­ო­ნა­ლუ­რი მოძ­რა­ო­ბის“ დაშ­ლის პრო­ცე­სი ჯერ კი­დევ არ არის დას­რუ­ლე­ბუ­ლი. მოვ­ლე­ნე­ბი სწრა­ფად იც­ვლე­ბა, ორი თვის წინ იყო გან­ცდა, რომ "ნა­ცი­ო­ნა­ლებს“ გა­მო­ე­ყო­ფო­და საკ­მა­ოდ მძლავ­რი ჯგუ­ფი, ნიკა მე­ლი­ა­სა და მისი მომ­ხრე­ე­ბის სა­ხით, რომ­ლებ­საც საკ­მა­ოდ დიდი გავ­ლე­ნა აქვთ რე­გი­ო­ნებ­ში და ასე­ვე დიდი წარ­მო­მად­გენ­ლო­ბა აქვთ საკ­რე­ბუ­ლო­ებ­შიც. აღ­მოჩ­ნდა, რომ პარ­ტი­ის ფრაგ­მენ­ტა­ცია გაგ­რძელ­და, რო­გორც გა­რეთ, ასე­ვე პარ­ლა­მენ­ტშიც, "ნა­ცი­ო­ნა­ლებს" გა­მო­ე­ყო სამი ჯგუ­ფი - ერთი ნიკა მა­ჭუ­ტა­ძეს ხელ­მძღვა­ნე­ლო­ბით, მე­ო­რე ნატო ჩხე­ი­ძის, მე და ხა­ტია დე­კა­ნო­ი­ძემ შევ­ქმე­ნით პო­ლი­ტი­კუ­რი ჯგუ­ფი, რო­მელ­საც "ევ­რო­ოპ­ტი­მის­ტე­ბი“ და­ვარ­ქვით. ვიდ­რე, "ნა­ცი­ო­ნა­ლურ მოძ­რა­ო­ბა­ში“ ტურ­ბუ­ლენ­ტუ­რი პრო­ცე­სე­ბი არ დამ­თავ­რდე­ბა, მა­ნამ­დე არა­ვი­თა­რი აზრი არ აქვს რა­ი­მე ტი­პის კონ­ფი­გუ­რა­ცი­ებ­ზე სა­უ­ბარს.

- თქვე­ნი ვერ­სი­ით, რო­დის დამ­თავ­რდე­ბა ეს ტურ­ბუ­ლენ­ტუ­რი პრო­ცე­სი?

- პრო­ცე­სი უკვე ფი­ნი­შის­კენ მი­დის. ე.ი. ოპო­ზი­ცი­ურ ფლანგზე დღეს არის ერთი ბლო­კი - "ნა­ცი­ო­ნა­ლუ­რი მოძ­რა­ო­ბა“ და ვა­შა­ძე, რო­მელ­მაც შე­იძ­ლე­ბა რამ­დე­ნი­მე პა­ტა­რა პარ­ტია კი­დევ შე­მო­ი­ერ­თოს, არის ასე­ვე გა­ხა­რი­ას პარ­ტია, რო­მე­ლიც არა­ვის­თან არ აპი­რებს გა­ერ­თი­ა­ნე­ბას, მხო­ლოდ შე­იძ­ლე­ბა ცალ­კე­უ­ლი პერ­სო­ნე­ბით გაძ­ლი­ერ­დეს. არა­ვის­თან გა­ერ­თი­ა­ნე­ბას არ აპი­რებს არც "ლელო“, მაგ­რამ არა­ვინ იცის, რა მოხ­დე­ბა ზა­ფხულ­ში და რო­გორ შე­იც­ვლე­ბა მათი გეგ­მე­ბი. პა­ტა­რა პარ­ტი­ე­ბი, რომ­ლე­ბიც ახ­ლოს არ არი­ან, 5%-თან და ამ­ბო­ბენ, რომ არა­ვის არ გა­უ­ერ­თი­ან­დე­ბი­ან, უნე­ბუ­რად წყალს ას­ხმენ "ქარ­თუ­ლი ოც­ნე­ბის“ წის­ქვილ­ზე. არ ვამ­ბობ, რომ ამას მი­ზან­მი­მარ­თუ­ლად აკე­თე­ბენ, მაგ­რამ ცხა­დია, რომ პა­ტა­რა პარ­ტი­ე­ბი­დან, ვინც და­მო­უ­კი­დებ­ლად გავა არ­ჩევ­ნებ­ზე, მმარ­თვე­ლი გუნ­დის ლუკ­მა გახ­დე­ბა. 5%-ს მი­ახ­ლო­ე­ბულ პარ­ტი­ებ­საც საკ­მა­ოდ დიდი პა­სუ­ხის­მგებ­ლო­ბა ენი­ჭე­ბათ. თუ ბა­რი­ე­რი ვერ გა­და­ლა­ხეს, მათი ხმე­ბიც "ოც­ნე­ბის“ ყუ­ლა­ბა­ში მოხ­ვდე­ბა. ასე რომ, ყვე­ლას დიდი და­ფიქ­რე­ბა მარ­თებს. ვნა­ხოთ, რა მოხ­დე­ბა... უახ­ლო­ეს მო­მა­ვალ­ში ნიკა მე­ლი­ას პარ­ტი­ის და­ფუძ­ნე­ბას ვე­ლო­დე­ბით. ამის შემ­დეგ უფრო მარ­ტი­ვი იქ­ნე­ბა იმის ვა­რა­უ­დი, თუ რა სუ­რა­თი და­ლაგ­დე­ბა "ნა­ცი­ო­ნა­ლუ­რი მოძ­რა­ო­ბის“ დაშ­ლის შემ­დეგ.

- თქვენ და ხა­ტია დე­კა­ნო­ი­ძეც იქ­ნე­ბით, მე­ლი­ას პარ­ტი­ა­ში?

- ამ ეტაპ­ზე არ შე­მიძ­ლია ამ კი­თხვა­ზე პა­სუ­ხის გა­ცე­მა.

• და­ვით კირ­კი­ტა­ძე, "ნა­ცი­ო­ნა­ლუ­რი მოძ­რა­ო­ბის" ერთ-ერთი ლი­დე­რი:

- არ მინ­და გან­ვსა­ჯო, რო­მე­ლი­მე ოპო­ზი­ცი­უ­რი პარ­ტი­ის ლი­დე­რი, დარ­წმუ­ნე­ბუ­ლი ვარ, ყვე­ლა თა­ვი­სე­ბუ­რად შე­ეც­დე­ბა, "ქარ­თულ ოც­ნე­ბას“ ხე­ლი­სუფ­ლე­ბა­ში დარ­ჩე­ნის სა­შუ­ა­ლე­ბა არ მის­ცეს. ჩვე­ნი ჩვე­ნი სათ­ქმე­ლი ვთქვით - ძალა არის ერ­თო­ბა­ში. კო­ა­ლი­ცია გა­ვა­კე­თეთ "სტრა­ტე­გია აღა­მა­შე­ნებლთან“ და სხვე­ბის­თვი­საც ფარ­თოდ გა­ვა­ღეთ კარი.

- რო­გორ წარ­მო­გიდ­გე­ნი­ათ, რა­ტომ არა­ვის სურს თქვენს ფარ­თოდ გა­ღე­ბულ კარ­ში შე­მოს­ვლა?

- არა­ვის გან­სჯას ვა­პი­რებ, ყვე­ლამ თა­ვი­სი საქ­მე იცის. ჩვენ დღე­საც მზად ვართ, დავ­ჯდეთ ნე­ბის­მი­ერ პრო­და­სავ­ლურ პო­ლი­ტი­კურ ძა­ლას­თან და ვი­სა­უბ­როთ, არ­ჩევ­ნე­ბამ­დე იქ­ნე­ბა ეს თუ არ­ჩევ­ნე­ბის შემ­დეგ.

- ამ ეტაპ­ზე ხომ არა­ვის­თან აწარ­მო­ებთ მო­ლა­პა­რა­კე­ბას?

- ძა­ლი­ან მალე ჩვენ­თან ერ­თად ბევრ სა­ინ­ტე­რე­სო ადა­მი­ანს ნა­ხავთ.

• მი­ხე­ილ და­უშ­ვი­ლი, დე­პუ­ტა­ტი პარ­ტი­ი­დან "სა­ქარ­თვე­ლოს­თვის":

- ჩვენს პო­ლი­ტი­კურ ჯგუფს არა­ვი­თარ შემ­თხვე­ვა­ში არ ექ­ნე­ბა არა­ნა­ი­რი კავ­ში­რი არც "ნა­ცი­ო­ნა­ლურ მოძ­რა­ო­ბა­თან“, არც - გვა­რა­მი­ას­თან და არც - მე­ლი­ას­თან. ჩვენ შო­რის არის ღი­რე­ბუ­ლე­ბი­თი სხვა­ო­ბე­ბი, რო­გორც წარ­სულ­თან, ასე­ვე მო­მა­ვალ­თან და­კავ­ში­რე­ბით.

- "ლე­ლოს­თან“ ან სხვა ოპო­ზი­ცი­ურ პარ­ტი­ას­თან თუ აპი­რებთ რა­ი­მე ტი­პის თა­ნამ­შრომ­ლო­ბას?

- არ­ცერთ პო­ლი­ტი­კურ სუ­ბი­ექტთან არ ვა­პი­რებთ არა­ნა­ირ გა­ერ­თი­ა­ნე­ბას. პარ­ტია "სა­ქარ­თვე­ლოს­თვის“ 2024 წლის არ­ჩევ­ნებ­ზე და­მო­უ­კი­დებ­ლად გავა. ნე­ბის­მი­ერ სხვა ვერ­სი­ა­ზე ლა­პა­რა­კი, ვის­გა­ნაც არ უნდა მო­დი­ო­დეს, არის ტყუ­ი­ლი და "ოც­ნე­ბის“ პრო­პა­გან­დის ნა­წი­ლი.

- თქვე­ნი აზ­რით, "ოც­ნე­ბას“ აძ­ლევს ხელს ოპო­ზი­ცი­უ­რი პარ­ტი­ე­ბის გა­ერ­თი­ა­ნე­ბა?

- "ოც­ნე­ბამ“ კარ­გად იცის, ვის უჭი­რავს ხელ­ში მისი და­მარ­ცხე­ბის გა­სა­ღე­ბი, ამი­ტომ ცდი­ლობს, "ნა­ცი­ო­ნა­ლე­ბის“ მო­კავ­ში­რე­ე­ბად მოგ­ვნათ­ლოს და ამ გზით დაგ­ვა­ზი­ა­ნოს. ჩვე­ნი და­ზი­ა­ნე­ბა თა­ნაბ­რად შე­დის რო­გორც კო­ლექ­ტი­უ­რი "ოც­ნე­ბის“, ასე­ვე კო­ლექ­ტი­უ­რი "ნაც­მოძ­რა­ო­ბის“ ინ­ტე­რე­სებ­ში. ლე­ვან ბეჟაშ­ვი­ლი­სა და ნიკა გვა­რა­მი­ას გან­ცხა­დე­ბე­ბი სა­ეჭ­ვოდ მოკ­ლე დრო­ში გარ­და­იქ­მნა პრო­დუქ­ტად - "ოც­ნე­ბის“ პრო­პა­გან­დუ­ლი მე­დი­ე­ბის ტყუ­ი­ლის­თვის. ყვე­ლას, ვინც ამ ტყუ­ი­ლით და მავ­ნე სპე­კუ­ლა­ცი­ე­ბი­თაა და­კა­ვე­ბუ­ლი, ვურ­ჩევთ სა­კუ­თარ პარ­ტი­ებს და პო­ლი­ტი­კურ ცხოვ­რე­ბას მი­ხე­დონ.

• ბად­რი ჯა­ფა­რი­ძე, პარ­ტია "ლე­ლოს“ ერთ-ერთი ლი­დე­რი:

- ჩვე­ნი პარ­ტი­ის რე­ი­ტინ­გი დღეს გა­ცი­ლე­ბით მა­ღა­ლია, ვიდ­რე გა­სულ წლებ­ში იყო და ამა­ზე მოწ­მობს ბოლო დროს ჩა­ტა­რე­ბუ­ლი ყვე­ლა კვლე­ვა. ჩვე­ნი გაზ­რდი­ლი რე­ი­ტინ­გის გამო გავ­ხდით "ქარ­თუ­ლი ოც­ნე­ბის“ სა­მიზ­ნე. თქვენც ხე­დავთ, რო­გო­რი თავ­დას­ხმე­ბი ხორ­ცი­ელ­დე­ბა მმარ­თვე­ლი გუნ­დის ლი­დე­რე­ბის მხრი­დან, ჩვე­ნი მი­სა­მარ­თით. ჩვე­ნი ამო­ცა­ნა არის, გა­ცი­ლე­ბით მეტი ვიდ­რე 5%-იანი ბა­რი­ე­რი. ჩვე­ნი მი­ზა­ნია მი­ვაღ­წი­ოთ იმას, რაც ამ ქვე­ყა­ნას სჭირ­დე­ბა - ეს არის კო­ა­ლი­ცი­უ­რი მმარ­თვე­ლო­ბა და რა თქმა უნდა, გვინ­და, რომ ამ კო­ა­ლი­ცი­ურ მთავ­რო­ბა­ში, პო­ლი­ტი­კის გან­მსა­ზღვრე­ლი ერთ-ერთი მნიშ­ვნე­ლო­ვა­ნი ძალა ვი­ყოთ.

- თუმ­ცა, არი­ან ისე­თი პარ­ტი­ე­ბი, რო­მელ­თა შე­სა­ხებ და­ზუს­ტე­ბით ვი­ცით, რომ ბა­რი­ერს ვერ გა­და­ლა­ხა­ვენ და შე­სა­ბა­მი­სად, მათი ხმე­ბი "ოც­ნე­ბის“ ყუ­ლა­ბა­ში მოხ­ვდე­ბა. ეს ხომ სა­ერ­თო ჯამ­ში ოპო­ზი­ცი­ას აზი­ა­ნებს?

- "ქარ­თუ­ლი ოც­ნე­ბის“ მი­ზა­ნიც ეს არის, რომ გა­უ­ნა­წი­ლე­ბე­ლი ხმე­ბით ისარ­გებ­ლოს. ამი­ტომ, კი­დევ ერთხელ მო­ა­ტყუ­ეს ხალ­ხი და აღარ შე­ას­რუ­ლეს და­პი­რე­ბა, სა­არ­ჩევ­ნო ბა­რი­ე­რის და­წე­ვას­თან და­კავ­ში­რე­ბით. თუმ­ცა, გარ­წმუ­ნებთ "ქარ­თუ­ლი ოც­ნე­ბის“ ოც­ნე­ბა არ ას­რულ­დე­ბა, ეს პო­ლი­ტი­კუ­რი ძალა გა­უ­ნა­წი­ლე­ბელ ხმებს სა­კუ­თარ ყუ­ლა­ბა­ში ვერ წა­ი­ღებს.

- ამის თქმის სა­ფუძ­ველს რა გაძ­ლევთ, მო­ლა­პა­რა­კე­ბებს ხომ არ აწარ­მო­ებთ რო­მე­ლი­მე პარ­ტი­ას­თან, მა­გა­ლი­თად, ხომ არ ითა­ნამ­შრომ­ლებთ ნიკა მე­ლი­ას მო­მა­ვალ პარ­ტი­ას­თან?

- არა­ნა­ი­რი მო­ლა­პა­რა­კე­ბა არ მიმ­დი­ნა­რე­ობს არც სხვებ­თან და არც ნიკა მე­ლი­ას­თან, სა­არ­ჩევ­ნო კო­ა­ლი­ცი­უ­რი ერ­თო­ბის შე­სა­ხებ. თუმ­ცა, გვინ­და, რომ მაქ­სი­მა­ლუ­რად შე­ვა­ჯროთ ერ­თმა­ნეთ­თან პო­ზი­ცი­ე­ბი, იმ უმ­ნიშ­ვნე­ლო­ვა­ნეს სა­კი­თხებ­თან და­კავ­ში­რე­ბით, რაც სა­ზო­გა­დო­ე­ბას აწუ­ხებს. პარ­ტი­ე­ბი მსჯე­ლო­ბენ, სა­უბ­რო­ბენ... ეს ყვე­ლა­ფე­რი სა­ჯა­რო ვერ იქ­ნე­ბა, მო­დით, ყვე­ლას მივ­ცეთ სა­შუ­ა­ლე­ბა, აწარ­მო­ონ კონ­სულ­ტა­ცი­ე­ბი და იმ­დაგ­ვა­რად მო­ემ­ზა­დონ, რომ "ქარ­თულ­მა ოც­ნე­ბამ“ ვე­ღარ შეძ­ლოს გა­უ­ნა­წი­ლე­ბე­ლი ხმე­ბის მი­ტა­ცე­ბა.

• ვახ­ტანგ ძა­ბი­რა­ძე, ექ­სპერ­ტი:

90-იანი წლე­ბი­დან ან ვმო­ნა­წი­ლე­ობ არ­ჩევ­ნებ­ში ან ვაკ­ვირ­დე­ბი და შე­მიძ­ლია ვთქვა, რომ ელექ­ტო­რა­ტის გან­წყო­ბა ასე­თი ნა­თე­ლი და გა­სა­გე­ბი, რო­გორც ახ­ლაა, არას­დროს ყო­ფი­ლა. თით­ქოს ყვე­ლა ყვე­ლა­ფერს ხე­დავს, ყვე­ლამ ყვე­ლა­ფე­რი იცის, მაგ­რამ არ და­ად­გა საშ­ვე­ლი ოპო­ზი­ცი­ის ჩა­მო­ყა­ლი­ბე­ბას. 5% ბა­რი­ერს ყვე­ლა ვერ გა­და­ლა­ხავს, ოპო­ზი­ცი­უ­რი ხმე­ბი გა­ი­ფან­ტე­ბა და წავა "ქარ­თულ ოც­ნე­ბას­თან “. ამის მი­უ­ხე­და­ვად, ყვე­ლა ამ­ბობს, რომ 2024 წლის არ­ჩევ­ნებ­ზე და­მო­უ­კი­დებ­ლად გავა. ნიკა მე­ლი­ას ფაქ­ტო­რი ოპო­ზი­ცი­ა­ში პრობ­ლე­მას არ ქმნის. ის ძი­რი­თა­დად "ნა­ცი­ო­ნა­ლურ მოძ­რა­ო­ბას“ უყოფს ხმებს. ვის რამ­დე­ნი შეხ­ვდე­ბა ამ გა­ყო­ფილ ხმებ­ში, იმა­ზეა და­მო­კი­დე­ბუ­ლი, ვინ რამ­დე­ნად სწო­რად შე­ა­ფა­სებს არ­სე­ბულ სი­ტუ­ა­ცი­ას და ვის რამ­დე­ნად ძლი­ე­რი ჯგუ­ფი ეყო­ლე­ბა.

- თქვე­ნი ვა­რა­უ­დი რო­გო­რია, შეძ­ლებს მე­ლია 5%-იანი ბა­რი­ე­რის გა­და­ლახ­ვას?

- ვფიქ­რობ, შეძ­ლებს. უფრო მე­ტიც, თუ ხოშ­ტა­რი­ა­სა და ჯა­ფა­რი­ძეს­თან სა­ერ­თო ენას გა­მო­ნა­ხავს, ხა­ბე­იშ­ვი­ლი-კე­ზე­რაშ­ვი­ლის გუნდს გა­ას­წრებს კი­დეც. ოპო­ზი­ცი­ურ ველ­ზე მთა­ვარ პრობ­ლე­მას ვხე­დავ შუ­ა­შის­ტურ ფრთა­ში, სა­დაც არი­ან: გა­ხა­რია, "ლელო“, ელი­საშ­ვი­ლის პარ­ტია, ანა დო­ლი­ძე, იაგო ხვი­ჩი­ას "გირ­ჩი“ და და­მო­უ­კი­დე­ბე­ლი დე­პუ­ტა­ტე­ბი. თუ ეს სუ­ბი­ექ­ტე­ბი გა­ერ­თი­ან­დე­ბი­ან, ძა­ლი­ან ძლი­ერ ძა­ლად ჩა­მო­ყა­ლიბ­დე­ბი­ან, რომ­ლე­ბიც არა­მარ­ტო სრუ­ლად აით­ვი­სე­ბენ შუ­ა­შის­ტურ ელექ­ტო­რატს, არა­მედ ამომ­რჩე­ველს წა­მო­იყ­ვა­ნენ "ქარ­თუ­ლი ოც­ნე­ბი­დან“ და ასე გან­სა­ჯეთ, "ნა­ცი­ო­ნა­ლუ­რი მოძ­რა­ო­ბის“ ლი­ბე­რა­ლუ­რი ფრთი­და­ნაც. ეს იქ­ნე­ბა ისე­თი ძალა, რო­მე­ლიც არ­ჩევ­ნებ­ში პირ­ველ ად­გილ­ზე გავა. პირ­ველ ად­გილს დიდი მნიშ­ვნე­ლო­ბა აქვს, იმი­ტომ, რომ კონ­სტი­ტუ­ცი­ით, პირ­ველ რიგ­ში მას ენი­ჭე­ბა მთავ­რო­ბის და­კომ­პლექ­ტე­ბის უპი­რა­ტე­სო­ბა. სამ­წუ­ხა­როდ, ამ ფრთა­ში გა­ხა­რი­ამ უკვე გა­მო­ა­ცხა­და, რომ არ­ჩევ­ნებ­ში მარ­ტო გავა. დარ­ჩნენ: "ლელო“, ელი­საშ­ვი­ლი, ხვი­ჩი­ას "გირ­ჩი" და ანა დო­ლი­ძე. თუ "ლელო“ ამათ გა­ა­ერ­თი­ა­ნებს, გა­ხა­რი­ას ბორ­ტს მიღ­მა და­ტო­ვებს. ხოლო თუ გა­ხა­რი­აც ცალ­კე იქ­ნე­ბა, "ლე­ლოც“ და მხო­ლოდ წვრი­ლი პარ­ტი­ე­ბი გა­ერ­თი­ან­დე­ბი­ან, მა­შინ სა­მი­ვე სუ­ბი­ექ­ტის წარ­მა­ტე­ბა დად­გე­ბა კი­თხვის ნიშ­ნის ქვეშ - დაძ­ლე­ვენ კი სა­ერ­თოდ 5%-იან ბა­რი­ერს?..

გა­სათ­ვა­ლის­წი­ნე­ბე­ლია ისიც, რომ სა­ქარ­თვე­ლო­ში ძა­ლი­ან ბევ­რი პა­ტა­რა პარ­ტი­აა - ბურ­ჯა­ნა­ძის პარ­ტია, "ლე­ი­ბო­რის­ტე­ბი“, "პატ­რი­ოტ­თა ალი­ან­სი“ და ა.შ. ესე­ნი 1%-საც ვერ აი­ღე­ბენ. ბა­რი­ერს კი ვერ გა­და­ლა­ხა­ვენ, მაგ­რამ ხმებს წა­ი­ღე­ბენ, რო­მელ­თა რა­ო­დე­ნო­ბა სა­ერ­თო ჯამ­ში იმ­დე­ნად დიდი იქ­ნე­ბა, რომ უფრო დიდ, ზემ­ოთხსე­ნე­ბულ მსხვილ ჯგუ­ფებს პრობ­ლე­მებს შე­უქ­მნის, ბა­რი­ე­რის გა­და­ლახ­ვის თვალ­საზ­რი­სით, ასე რომ ყვე­ლა­ფე­რი ძა­ლი­ან მარ­ტი­ვია!

- "ლე­ლო­სა“ და მე­ლი­ას პარ­ტი­ის გა­ერ­თი­ა­ნე­ბას რას პერ­სპექ­ტი­ვა აქვს?

- ძლი­ე­რი გა­ერ­თი­ა­ნე­ბა იქ­ნე­ბა, მაგ­რამ არ ექ­ნე­ბა სი­ნერ­გია. ასეთ შემ­თხვე­ვა­ში "ლელო“ დიდი რა­ო­დე­ნო­ბის ამომ­რჩე­ველს ვერ წა­იყ­ვანს, იმი­ტომ რომ მე­ლია მა­ინც "ნა­ცი­ო­ნა­ლებ­თან“ ასო­ცირ­დე­ბა, შუ­ა­შის­ტურ ელექ­ტო­რატს კი ძი­რი­თა­დად "ქარ­თუ­ლი ოც­ნე­ბის“ ყო­ფი­ლი ამომ­რჩე­ვე­ლი წარ­მო­ად­გენს. ამ ხალ­ხმა 2012 წელს "ოც­ნე­ბას“ "ნა­ცი­ო­ნა­ლე­ბის“ წი­ნა­აღ­მდეგ და­უ­ჭი­რა მხა­რი.

- სა­ლო­მე ზუ­რა­ბიშ­ვი­ლის როლი რო­გორ შე­იძ­ლე­ბა გა­ნი­სა­ზღვროს ამ არ­ჩევ­ნებ­ზე?

- ზუ­რა­ბიშ­ვი­ლის მხრი­დან ყვე­ლა­ზე ძლი­ერ ნა­ბი­ჯად ჩა­ით­ვლე­ბო­და "ლე­ლოს“, გა­ხა­რი­ას, ელი­საშ­ვი­ლის, ანა დო­ლი­ძი­სა და ხვი­ჩი­ას "გირ­ჩის“ გა­ერ­თი­ა­ნე­ბის ხელ­შე­წყო­ბა. გა­სა­გე­ბია, რომ გა­ხა­რი­ას ცალ­კე პო­ზი­ცი­ო­ნი­რე­ბა უნდა და არც ზუ­რა­ბიშ­ვი­ლის ბო­ლოდ­რო­ინ­დე­ლი ინი­ცი­ა­ტი­ვა გა­ი­ზი­ა­რა, თუმ­ცა, გა­ხა­რი­ას გა­რე­შეც შე­იძ­ლე­ბა ამ ოთხი სუ­ბი­ექ­ტის­გან ძლი­ე­რი პო­ლი­ტი­კუ­რი ძა­ლის ჩა­მო­ყა­ლი­ბე­ბა, რო­მე­ლიც ულა­პა­რა­კოდ ჩა­ძი­რავს გა­ხა­რი­ას, 4%-ზე დაბ­ლა და­ტო­ვებს. ამის­თვის სა­ჭი­როა, პრე­ზი­დენ­ტის პოს­ტის და­ტო­ვე­ბა, მაგ­რამ რო­გორც ვა­ტყობ, ის ამას არ აპი­რებს. უფრო სწო­რად, ან ვერ ახერ­ხებს პარ­ტი­ის ლი­დე­რებს შო­რის შე­თან­ხმე­ბის მიღ­წე­ვას, ან სა­ერ­თოდ არ ფიქ­რობს ამა­ზე. თუ ეს მარ­თლა ასეა, საპ­რე­ზი­დენ­ტო ვა­დის ამო­წურ­ვის­თა­ნა­ვე და­ას­რუ­ლებს პო­ლი­ტი­კურ კა­რი­ე­რას (ყო­ველ შემ­თხვე­ვა­ში სა­ქარ­თვე­ლო­ში). საფ­რან­გეთ­ში ან და­სავ­ლეთ­ში რას იზამს, ეს არ ვიცი. თუ იმის იმე­დი აქვს, არ­ჩევ­ნებ­ში გა­მარ­ჯვე­ბის შემ­დეგ, ხელ­მე­ო­რედ გახ­დე­ბა პრე­ზი­დენ­ტი, პირ­და­პირ ვე­ტყვი, რომ ფუჭ ოც­ნე­ბებ­შია. თუ 2024 წლის არ­ჩევ­ნებ­ში დღე­ვან­დე­ლი ოპო­ზი­ცია კო­ა­ლი­ცი­ას შეკ­რავს, პრე­ზი­დენ­ტის თა­ნამ­დე­ბო­ბა ერთ-ერთი მთა­ვა­რი სა­ვაჭ­რო სა­გა­ნი გახ­დე­ბა და ზუ­რა­ბიშ­ვი­ლი იქ არა­ვის არ დას­ჭირ­დე­ბა.