ტომ კრუზმა შეყვარებულის შვილები გაიცნო, შემდეგ კი ქალს დაშორდა - რას წერს მედია ჰოლივუდის ვარსკვლავისა და რუსი ქალის შეუმდგარ სიყვარულზე?
ტომ კრუზი რუს შეყვარებულს, ელსინა ხაიროვას მისი შვილების გაცნობიდან რამდენიმე დღეში დაშორდა. 61 წლის მსახიობისა და 36 წლის ელსინას დაშორების შესახებ ინფორმაციას The Sun ავრცელებს.
დაშორების ინიციატორი თავად კრუზი იყო: გამოცემის ინსაიდერების თქმით, მან "დაკარგა ინტერესი" ელსინას მიმართ, მაგრამ სურს, რომ მეგობრებად დარჩნენ.
"რადგან ისინი ლონდონში მდებარე მილიონერების კორპუსში ცხოვრობენ, უხერხული იქნებოდა ურთიერთობის ცუდად დასრულება, ისინი ერთმანეთს მინიმუმ ლიფტში მაინც შეხვდებიან", - ამბობს წყარო გამოცემასთან საუბრისას.
- "მათ შორის დიდი გრძნობები არ არსებობდა, ტომისთვის ამ ურთიერთობამ ჩაიარა და დასრულდა," - ამბობს წყარო.
შეგახსენებთ, რომ ბოლო დროს მედიაში თითქმის ყოველ დღე წერდნენ ტომ კრუზისა და ელსინა ხაიროვას რომანის შესახებ. წყვილი პირველად გასული წლის დეკემბერში, ერთ-ერთ წვეულებაზე ნახეს ერთად.
თვითმხილველების თქმით, ისინი მთელი საღამო ერთად იყვნენ და ტომი შეპყრობილი იყო ქალით.
ერთი კვირის შემდეგ, მსახიობმა ლონდონის ძვირადღირებულ რესტორანში საყვარელ ქალთან პაემნისთვის ერთი სართული იქირავა. მალე შეწყვიტეს მეგობრებისთვის გრძნობების დამალვა და ცნობილი გახდა, რომ ისინი ოფიციალურად ერთად იყვნენ, თუმცა კონფიდენციალურობის შესანარჩუნებლად ცდილობდნენ საერთო ფოტო არ გავრცელებულიყო.
- რამდენიმე დღის წინ გავრცელდა ინფორმაცია, რომ ტომმა ელსინას შვილები გაიცნო. მედია წერდა, რომ ისინი ურთიერთობის სერიოზულ ეტაპზე გადადიოდნენ, მაგრამ როგორც ჩანს, წყვილი ქორწინებამდე ვერ მივიდა.
ელსინა ადრე იყო დაქორწინებული რუს ბიზნესმენ დიმიტრი ცვეტკოვზე: ისინი 2021 წელს დაშორდნენ და დიდი ხნის განმავლობაში სასამართლოში იყოფდნენ ძვირადღირებულ ქონებას, მათ შორის, სასახლეს ლონდონში და ხელოვნების ნიმუშებს. ცვეტკოვის თქმით, რომელთანაც ელსინას ორი შვილი ჰყავს, ქალს უყვარს ფული და ფუფუნება. ამის შესახებ ყოფილმა ქმარმა მედიის საშუალებით გააფრთხილა ტომ კრუზი.
წაიკითხეთ ასევე: