პოლიციამ თბილისში, ავლაბარში მომხდარი მკვლელობის ფაქტზე ძმები დააკავა. შსს-ს ინფორმაციით, შინაგან საქმეთა სამინისტროს თბილისის პოლიციის დეპარტამენტის თანამშრომლებმა, ცხელ კვალზე ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, წარსულში ნასამართლევი ორი პირი, ძმები: 1987 წელს დაბადებული ე.ბ. და 1985 წელს დაბადებული კ.გ. დააკავეს.
"მათ ბრალად ედებათ ჯგუფურად ჩადენილი განზრახ მკვლელობა და ცეცხლსასროლი იარაღის უკანონო შეძენა-შენახვა-ტარება.
დანაშაული 20 წლამდე ან უვადო თავისუფლების აღკვეთას ითვალისწინებს.
გამოძიებით დადგინდა, რომ ბრალდებულებმა, მიმდინარე წლის 11 თებერვალს, თბილისში, ნაცნობზე - 1977 წელს დაბადებულ ფ.კ. - ზე მათ შორის არსებული უთანხმოების ნიადაგზე, მისსავე საცხოვრებელი სახლის მიმდებარედ, ჯერ ფიზიკურად იძალადეს, შემდეგ კი ის სანადირო თოფიდან გასროლით მოკლეს და შემთხვევის ადგილიდან მიიმალნენ.
სამართალდამცველებმა ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, ბრალდებულები ცხელ კვალზე დააკავეს.
პოლიციამ დანაშაულის ჩადენის იარაღი - გადაჭრილი სანადირო თოფი ნივთმტკიცებად ამოიღო.
დამამძიმებელ გარემოებაში, ჯგუფურად ჩადენილი განზრახ მკვლელობისა და ცეცხლსასროლი იარაღის ჯგუფურად, უკანონო შეძენა-შენახვა-ტარების ფაქტებზე, გამოძიება სისხლის სამართლის კოდექსის 109-ე მუხლის "ი" ქვეპუნქტითა და სსკ-ის 236-ე მუხლის მე-6 ნაწილის "ა" ქვეპუნქტით მიმდინარეობს“, - ნათქვამია ინფორმაციაში.
მოგენატრათ ვანოს სპეცრაზმი და ახალაიები.? მართლები ხართ.ტყუიან თუ არ ტყუიან,ყველას ნეკნები უნდა ჩაულეწონ.7და 8 მარტს მოლოტოვის კოქტეილები ვინც ისროლა,ვანოს დროს მაგათ ცოცხლებს ვეღარ ნახავდნენ და სწორიც იქნებოდა.ასე რომ დააბრუნეთ ვანო მერაბიშვილი და ნახავთ თუ ვინმე გაბედავს ქუჩაში სროლას.
ბატონო ბიძგვინი და ბატონო ფიზკუტურის ინსტიტუტის კურსდამთავრებულო შსს მინისტრო! არ გვინდა არც პროევროპელობა და არც პრორუსობა, ნუ პროქართველობა ისედაც არ განიხილება პოზიცია-ოპოზიციაში, რეალურად როგორც ვართ, პროკოლუმბიური კურსი გამოვაცხადოთ ოფიციალურად და ჩვენ, ეს ხელფასებზე მომუშავე და გადასახადების გადამხდელებიც შევიარაღდებით არალეგალურად, რომ ვუზრუნველყოთ საკუთარი თავის და ოჯახების უსაფრთხოება!