ბაღდათის სოფლებში მეწყერს გარემოს ეროვნული სააგენტო ჯერ კიდევ 2022 წელს პროგნოზირებდა - რა დოკუმენტს აქვეყნებს "რადიო თავისუფლება"?
ბაღდათის მუნიციპალიტეტის სოფლებში მეწყრულ პროცესებს გარემოს ეროვნული სააგენტო ჯერ კიდევ 2022 წელს პროგნოზირებდა. ამის შესახებ გეოლოგიის დეპარტამენტის ბიულეტენშია ნათქვამი, რომელიც 2023 წელს არის მომზადებული და მოიცავს საქართველოში 2022 წლის სტიქიური გეოლოგიური პროცესების შედეგებს და 2023 წლის პროგნოზებს. დოკუმენტს "რადიო თავისუფლება" ავრცელებს.
ბიულეტინში დასახელებულია ბაღათის რაიონის რამდენიმე სოფელი და მათ შორის ნერგეეთი, სადაც გამთენიისას მეწყრული პროცესები განვითარდა. ასევე სოფლები ობჩა, დიმი, წილეთხევი, ფერსათი, შუბანი და ზეგანი... ამავე დოკუმენტის თანახმად, ასევე მოსალოდნელია ქვათაცვენების და ნაპირგარეცხვითი პროცესების წარმოქმნა-გააქტიურება ბაღდათი-ზეკარის მშენებარე საავტომობილო გზის გასწვრივ, მდ. ხანისწყლის და მისი შენაკადების ხეობებში გამავალი საავტომობილო გზების გასწვრივ... ვრცლად წაიკითხეთ "რადიო თავისუფლების" გვერდზე
ცნობისთვის, გამთენიისას ბაღდათის მუნიციპალიტეტის სოფელ ნერგეეთში მეწყერი ჩამოწვა. მიწის მასამ 4 სახლი მოყოლა. მაშველებმა ამ დროისთვის ოთხი ადამიანის ცხედარი იპოვეს. მიმდინარეობს 5 ადამიანის ძებნა-შველის სამუშაოები. ერთი დაშავებული კლინიკაშია გადაყვანილი.
იმერეთში სახელმწიფო რწმუნებულის, ზვიად შალამბერიძის ინფორმაციით, მიწის მასის ქვეშ არასრულწლოვანი ბავშვებიც არიან მოყოლილი. მისივე ცნობით, მიწის მასის ქვეშ მოყოლილთა შორის არის მამა და მისი სამი შვილი. შალამბერიძის თქმით, სოფელ ნერგეეთში რამდენიმე მილიონი კუბური მეტრი მიწაა ჩამოსული და გზა 200 მეტრის სიგრძეზეა გადაკეტილი.
წაიკითხეთ ასევე:
- "ჩემო ნიაკო, რამდენი წარმატება გელოდა წინ" - ცნობილი ხდება ბაღდათში, მეწყრის ჩამოწოლისას დაღუპული 20 წლის გოგონას ვინაობა
- "ბავშვების დედა იტალიაშია, ყველა შოკირებული ვართ... მათი სახლის სახურავი მდინარის მეორე ნაპირზე გდია..." - რას ჰყვება სოფელ ნერგეეთის სკოლის პედაგოგი?
- უმძიმესი კადრები ბაღდათიდან: მიწაში მოყოლილი სახლები და ადგილზე მობილიზებული 200-მდე მეხანძრე-მაშველი