გარდაიცვალა ცნობილი ბრაზილიელი მსახიობი, ლეგენდარული სერიალის "კლონის" ვარსკვლავი ჟანდირა მარტინი
78 წლის ასაკში გარდაიცვალა ბრაზილიელი სცენარისტი, რეჟისორი, პროდიუსერი და მსახიობი ჟანდირა მარტინი. ის ქართველი მაყურებლისთვის ცნობილია ზორაიდეს როლით ლეგენდარული სერიალიდან "კლონი", .
"მან დღეს დაგვტოვა, ჩემი მარადიული ზორაიდე, იმხელა პრივილეგია იყო შენთან მუშაობა", - წერს სოციალურ ქსელში TV Globo-ს სცენარისტი გლორია პერესი.
ის ბრაზილიის ქალაქ სანტოსში დაიბადა. ახალგაზრდობაში დაინტერესებული იყო თეატრში თამაშით, რამაც სამუდამოდ განსაზღვრა მისი მომავალი. სან პაულოში საცხოვრებლად გადასვლის შემდეგ, თეატრალურ უნივერსიტეტში, დრამის ფაკულტეტზე ჩაირიცხა.
თავდაპირველად ცნობილი გახდა როგორც მწერალი, ნიჭიერი სცენარისტი და დრამატურგი. დროთა განმავლობაში რეჟისურას დაეუფლა. ის არ ოცნებობდა დიდებაზე.
ჟანდირას, როგორც კინო მსახიობის დებიუტი 1977 წელს შედგა, როდესაც ითამაშა ფილმში "Será Que Ela Agüenta?". ამის შემდეგ, ოც წელზე მეტი ხნის განმავლობაში, პერიოდულად ჩნდებოდა ეკრანზე. ძირითადად მეორეხარისხოვან როლებს თამაშობდა. ის სამსახიობო კარიერას დიდ მნიშვნელობას არ ანიჭებდა და როგორც მსახიობი, არც თუ ისე ცნობილი იყო, სანამ სერიალ "კლონში“ არ ითამაშა.