ზეს­ტა­ფო­ნის სო­ფელ პირ­ვე­ლი სვი­რის სა­ჯა­რო სკო­ლის დი­რექ­ტორს და ზეს­ტა­ფო­ნის რე­სურსცენ­ტრის ხელ­მძღვა­ნე­ლო­ბას სა­სა­მარ­თლო­ში ამა­ვე სოფ­ლის პე­დი­ატ­რი მა­ნა­ნა ცხა­და­ძე უჩი­ვის. ალ­ბათ, მალე და­ი­წყე­ბა ამ საქ­მის გან­ხილ­ვა. რო­გორც ირ­კვე­ვა, პე­დი­ატ­რი მა­ნა­ნა ცხა­და­ძე სკო­ლა­ში ექი­მის ვა­კან­სი­ა­ზე გა­მო­ცხა­დე­ბულ კონ­კურ­სში მო­ნა­წი­ლე­ობ­და, მაგ­რამ სკო­ლამ და რე­სურსცენ­ტრმა მას უარი უთხრეს და სკო­ლის ექი­მად სხვა კან­დი­და­ტი - გულ­თამ­ზე ოყუ­ჯა­ვა შე­არ­ჩი­ეს. თუმ­ცა მალე გა­ირ­კვა, რომ ის არ იყო კვა­ლი­ფი­ცი­უ­რი ექი­მი, სწო­რედ ამი­ტომ ატყდა დიდი ხმა­უ­რი და დღეს არა­კა­ნო­ნი­ერ მოქ­მე­დე­ბებ­ში სკო­ლის დი­რექ­ტორს ად­გი­ლობ­რი­ვე­ბიც ადა­ნა­შა­უ­ლე­ბენ.

მათ უკვე უჩივ­ლეს პირ­ვე­ლი სვი­რის სკო­ლის დი­რექ­ტორს გა­ნათ­ლე­ბის სა­მი­ნის­ტროს აუ­დი­ტი­სა და ხა­რის­ხის მარ­თვის სამ­სა­ხუ­რებ­ში. ამ უწყე­ბე­ბის დას­კვნით კა­ნონ­დარ­ღვე­ვე­ბი გა­მოვ­ლინ­და და სკო­ლის დი­რექ­ტო­რი იძუ­ლე­ბუ­ლი გახ­და ექი­მად და­ნიშ­ნუ­ლი კად­რი, რო­მე­ლიც იქ 9 თვე მუ­შა­ობ­და, სამ­სა­ხუ­რი­დან გა­ე­თა­ვი­სუფ­ლე­ბი­ნა. ხმა­უ­რი მა­შინ და­ი­წყო, როცა მშობ­ლებ­მა შე­ი­ტყვეს, რომ სკო­ლა­ში სა­პა­სუ­ხის­მგებ­ლო თა­ნამ­დე­ბო­ბა­ზე სკო­ლის ექი­მად კო­მი­სი­ამ არაპრო­ფე­სი­ო­ნა­ლი და­ნიშ­ნა და გა­მო­უც­დელ ადა­მი­ანს ანდო მათი შვი­ლე­ბის ბედი.

ზეს­ტა­ფო­ნის სო­ფელ პირ­ველ სვირ­ში მცხოვ­რე­ბი მა­დო­ნა ნი­კა­ჭა­ძე:

- სრუ­ლი გა­ნუ­კი­თხა­ო­ბა ხდე­ბა ზეს­ტა­ფო­ნის სო­ფელ პირ­ვე­ლი სვი­რის სა­ჯა­რო სკო­ლა­ში. ამ სკო­ლა­ში გა­მო­ცხად­და ექი­მის პო­ზი­ცი­ა­ზე ვა­კან­სია. ვი­ცო­დით, რომ ყვე­ლა სკო­ლა­ში ხდე­ბო­და ექი­მის და­ნიშ­ვნა და ისიც ვი­ცო­დით, რომ ამ კონ­კურ­სში მო­ნა­წი­ლე­ო­ბას მი­ი­ღებ­და ჩვე­ნი სოფ­ლის ექიმ-პე­დი­ატ­რი მა­ნა­ნა ცხა­და­ძე. ჩა­ტარ­და კონ­კურ­სი, მაგ­რამ მოგ­ვი­ა­ნე­ბით გა­ვარ­კვი­ეთ, რომ სკო­ლის დი­რექ­ტორ­მა და რე­სურსცენ­ტრმა კონ­კურ­სან­ტი არას­წო­რად შე­არ­ჩი­ეს. ეჭ­ვე­ბი მას შემ­დეგ გაჩ­ნდა, როცა მე­ზო­ბე­ლი სოფ­ლის მცხოვ­რებ­ლე­ბის­გან გა­ვი­გეთ, რომ მე­ო­რე სვი­რის სკო­ლის დი­რექ­ტო­რის მიერ და­წუ­ნე­ბუ­ლი კან­დი­და­ტი ჩვენ­თან და­ნიშ­ნეს ექი­მად. ამის შემ­დეგ და­ვინ­ტე­რეს­დით დე­ტა­ლე­ბით, მაგ­რამ ჩვე­ნი სკო­ლის დი­რექ­ტორ­მა იზა ღიბ­რა­ძემ გა­მოგ­ვი­ცხა­და, რომ ეს იყო სა­ი­დუმ­ლო ინ­ფორ­მა­ცია და არ გა­ა­სა­ჯა­რო­ვებ­და. თავ­და­პირ­ვე­ლად არც შერ­ჩე­უ­ლი კან­დი­და­ტის სა­ხე­ლი და გვა­რი გვი­თხრა, არც დიპ­ლო­მი გა­ა­სა­ჯა­რო­ვა. ჩვენ თით­ქოს შე­ვე­გუ­ეთ ამ სი­ტუ­ა­ცი­ას, მაგ­რამ მა­ლე­ვე გა­ვი­გეთ, რომ ჩვენს სკო­ლა­ში ექი­მად და­ნიშ­ნულ პირს არ ჰქონ­და ექი­მის კვა­ლი­ფი­კა­ცია და ექი­მად მუ­შა­ო­ბის უფ­ლე­ბა. მე­ო­რე სვი­რის სა­ჯა­რო სკო­ლის დი­რექ­ტორ­მა ორ­ჯერ და­ი­წუ­ნა ის ადა­მი­ა­ნი სა­თა­ნა­დო კომ­პე­ტენ­ცი­ის არ ქო­ნის გამო. არ ჰქონ­და შე­სა­ბა­მი­სი გა­ნათ­ლე­ბა, არც ექი­მად მუ­შა­ო­ბის გა­მოც­დი­ლე­ბა. ეს ინ­ფორ­მა­ცია, ბუ­ნებ­რი­ვია, შე­ი­ტყო მე­ო­რე კონ­კურ­სან­ტმა, ჩვე­ნი სოფ­ლის ცნო­ბილ­მა პე­დი­ატრმა ქალ­ბა­ტონ­მა მა­ნა­ნა ცხა­და­ძემ და გა­ა­სა­ჩივ­რა მი­ღე­ბუ­ლი გა­და­წყვე­ტი­ლე­ბა რე­სურსცენ­ტრში, სა­დაც ასე­ვე არ მი­აქ­ცი­ეს ყუ­რა­დღე­ბა, ამის შემ­დეგ კი მან სა­ჩივ­რით მი­მარ­თა სა­სა­მარ­თლოს. შე­ვიკ­რი­ბეთ ასე­ვე მშობ­ლე­ბი და შე­ვი­ტა­ნეთ იმ დღეს­ვე გან­ცხა­დე­ბა სკო­ლა­ში, რომ გვცოდ­ნო­და ვინ ინიშ­ნე­ბო­და ექი­მად, ვე­ლო­დე­ბო­დით ჩვენს გან­ცხა­დე­ბა­ზე პა­სუხს, მაგ­რამ გარ­კვე­უ­ლი პე­რი­ო­დის შემ­დეგ გა­ირ­კვა, რომ ეს გან­ცხა­დე­ბა სკო­ლის დი­რექ­ტორ­მა არც კი და­ა­რე­გის­ტრი­რა. ჩვენ კი უშე­დე­გოდ ვე­ლო­დე­ბო­დით პა­სუხს. ეს ყვე­ლა­ფე­რი ხდე­ბო­და გა­სუ­ლი წლის მა­ის­ში.

7 სექ­ტემ­ბერს კი სოფ­ლის მო­სახ­ლე­ო­ბამ შე­ვაგ­რო­ვეთ ხელ­მო­წე­რე­ბი და გა­ნათ­ლე­ბის სა­მი­ნის­ტრო­ში შე­ვი­ტა­ნეთ გან­ცხა­დე­ბა, რომ ეს უწყე­ბა დაგ­ვხმა­რე­ბო­და იმის გარ­კვე­ვა­ში თუ რა სპე­ცი­ა­ლო­ბის პირი მუ­შა­ობ­და სკო­ლა­ში ექი­მად. მშობ­ლე­ბი რამ­დე­ნი­მე დღის გან­მავ­ლო­ბა­ში ვრე­კავ­დით გა­ნათ­ლე­ბის სა­მი­ნის­ტრო­ში, იქ გვე­უბ­ნე­ბოდ­ნენ, რომ აშ­კა­რად იყო დარ­ღვე­ვე­ბი და საქ­მე წა­ვი­დო­და წარ­მო­ე­ბა­ში. სამი თვის შემ­დეგ უკვე გა­ნათ­ლე­ბის სა­მი­ნის­ტრო­დან მოგ­ვი­ვი­და აუ­დი­ტის დას­კვნა. ამ პე­რი­ოდ­ში ჩვე­ნი სკო­ლა გა­დი­ო­და ასე­ვე ავ­ტო­რი­ზა­ცი­ას და ვაკ­ვირ­დე­ბო­დით ამ სა­კი­თხსაც. მა­ნამ­დე ორი წელი ვი­ყა­ვი ამ სკო­ლის სა­მე­ურ­ვეო საბ­ჭოს წევ­რი და გარ­კვე­ულ­წი­ლად ვი­ცო­დი, რა უფ­ლე­ბე­ბი ჰქონ­და მო­სახ­ლე­ო­ბას. ვაკ­ვირ­დე­ბო­დი ამ პრო­ცესს და გვქონ­და იმე­დი, რომ ხა­რის­ხის მარ­თვის სამ­სა­ხუ­რი და­დებ­და ობი­ექ­ტურ დას­კვნას. 9 თვე მორ­ჩი­ლად, ყო­ველ­გვა­რი ხმა­უ­რის გა­რე­შე ვე­ლო­დე­ბით ამ დას­კვნას.

- რას ამ­ბობ­და სკო­ლის დი­რექ­ტო­რი?

- ამ ხნის გან­მავ­ლო­ბა­ში სკო­ლის დი­რექ­ტო­რი მშობ­ლებს გვიმ­ტკი­ცებ­და, რომ და­ნიშ­ნუ­ლი პირი იყო პრო­ფე­სი­ით პე­დი­ატ­რი. მე­ო­რე კონ­კურ­სანტს, მა­ნა­ნა ცხა­და­ძეს, რო­გორც აღ­ვნიშ­ნე, სა­სა­მარ­თლო­ში აქვს სარ­ჩე­ლი შე­ტა­ნი­ლი, მაგ­რამ ჯერ გან­ხილ­ვაც არ და­წყე­ბუ­ლა. რად­გან უკვე ორი უწყე­ბა, გა­ნათ­ლე­ბის სა­მი­ნის­ტროს აუ­დი­ტი და ხა­რის­ხის მარ­თვის სამ­სა­ხუ­რი იძი­ებ­და საქ­მეს, დარ­წმუ­ნე­ბუ­ლი ვი­ყა­ვით, ამ უკა­ნო­ნო­ბა­ზე ისი­ნი თვალს არ და­ხუ­ჭავ­დნენ. მთე­ლი სოფ­ლის სა­ხე­ლით მად­ლი­ე­რე­ბა მინ­და გა­მოვ­ხა­ტო ამ სამ­სა­ხუ­რე­ბის მი­მართ, რად­გან და­ი­ნა­ხეს ის დარ­ღვე­ვე­ბი, რა­ზეც ვსა­უბ­რობ­დით. 12 ნო­ემ­ბერს და­ი­დო ეს გა­და­წყვე­ტი­ლე­ბა და ზუს­ტად ის პრობ­ლე­მე­ბია აღ­წე­რი­ლი, რაც მო­სახ­ლე­ო­ბამ და­ა­ყე­ნა. ჩვენს ხელთ არ­სე­ბუ­ლი ინ­ფორ­მა­ცია აღ­მოჩ­ნდა სწო­რი, ექი­მად და­ნიშ­ნულ კან­დი­დატს არ აქვს და­მო­უ­კი­დებ­ლად ექი­მად მუ­შა­ო­ბის უფ­ლე­ბა და ასე­თი კან­დი­და­ტი წე­სით მე­ო­რე ტურ­შიც ვერ უნდა გა­და­სუ­ლი­ყო თვი­თონ სკო­ლის გა­ნა­წე­სი­დან გა­მომ­დი­ნა­რე, ასე­ვე ორი მი­ნის­ტრის ბრძა­ნე­ბა არ­სე­ბობს იმა­ზე, რო­გორ უნდა ჩა­ტარ­დეს კონ­კურ­სი. ჩვე­ნი შვი­ლე­ბის ჯან­მრთე­ლო­ბა ჩა­ა­ბა­რეს ადა­მი­ანს, რო­მელ­საც ექი­მად მუ­შა­ო­ბის უფ­ლე­ბა არ აქვს.

- სა­მე­დი­ცი­ნო გა­ნათ­ლე­ბა არ აქვს?

- დამ­თავ­რე­ბუ­ლი აქვს თბი­ლი­სის სა­ე­რო ეროვ­ნუ­ლი ინ­სტი­ტუ­ტი "მე­ტე­ხი", ჯან­დაც­ვის ფა­კულ­ტე­ტი და არ აქვს ექი­მის კვა­ლი­ფი­კა­ცია მი­ნი­ჭე­ბუ­ლი. არა­სო­დეს და­მო­უ­კი­დე­ბელ ექი­მად არ უმუ­შა­ვია. არა­ვის დიპ­ლომს არ ვა­ყე­ნებ ეჭქვეშ, მაგ­რამ მას ჯერ­ჯე­რო­ბით აქვს ექთ­ნად მუ­შა­ო­ბის უფ­ლე­ბა, მაგ­რამ ის სკო­ლა­ში მო­ვი­და, რო­გორც ექი­მი. ეს ორი­ვე უწყე­ბამ აღი­ა­რა, აქ არა­ფე­რია სა­და­ვო, მაგ­რამ მი­დი­ო­და მი­ზან­მი­მარ­თუ­ლი ტყუ­ი­ლი და მთე­ლი სოფ­ლის გა­სა­გო­ნად სკო­ლის დი­რექ­ტო­რი ამ­ტკი­ცებ­და, რომ სკო­ლა­ში ექი­მად და­ნიშ­ნა პე­დი­ატ­რი.

ხა­რის­ხის მარ­თვის სამ­სა­ხურ­მა სკო­ლას მოს­თხო­ვა გა­ე­თა­ვი­სუფ­ლე­ბი­ნა ეს პირი სამ­სა­ხუ­რი­დან, არა­და, მან ამ ხნის გან­მავ­ლო­ბა­ში 9 თვე სრუ­ლი­ად უკა­ნო­ნოდ იმუ­შა­ვა ამ თა­ნამ­დე­ბო­ბა­ზე. ჩვე­ნი პრო­ტეს­ტის მი­უ­ხე­და­ვად, ის მა­ინც აგ­რძე­ლებ­და მუ­შა­ო­ბას და ვიდ­რე არ და­ი­დო ოფი­ცი­ა­ლუ­რი დას­კვნა, სპე­ცი­ა­ლუ­რად არ გა­ა­თა­ვი­სუფ­ლა სკო­ლის დი­რექ­ტორ­მა იზა ღიბ­რა­ძემ. 28 დე­კემ­ბრის­თვის ხა­რის­ხის მარ­თვის სამ­სა­ხურ­თან შე­თან­ხმე­ბუ­ლი ოქ­მის სა­ფუძ­ველ­ზე მას უნდა ჰყო­ლო­და და­ნიშ­ნუ­ლი სერ­თი­ფი­ცი­რე­ბუ­ლი ექი­მი, რო­მელ­საც ითხოვ­და მი­ნის­ტრის ბრძა­ნე­ბა.

28 დე­კემ­ბერს ქალ­ბა­ტონ იზა ღიბ­რა­ძეს ხე­ლახ­ლა კონ­კურ­სი უნდა გა­მო­ე­ცხა­დე­ბი­ნა და მან დადო ვა­კან­სია შეც­ვლი­ლი პი­რო­ბე­ბით, უკვე და­წია ის სტან­დარ­ტი და მო­თხოვ­ნე­ბი, რა­საც ითხოვს გა­ნათ­ლე­ბის მი­ნის­ტრის ბრძა­ნე­ბა და თა­ვი­სი სტან­დარ­ტი მო­არ­გო იმ კან­დი­დატს, რო­მე­ლიც უკვე და­ნიშ­ნუ­ლი ყავ­და და რომ­ლის გა­თა­ვი­სუფ­ლებ­საც ითხოვ­და მის­გან ახლა უკვე ზემ­დგო­მი უწყე­ბა. ეს და­წე­უ­ლი მო­თხოვ­ნე­ბი რომ ვნა­ხეთ, სას­წრა­ფოდ მივ­მარ­თეთ ისევ გა­ნათ­ლე­ბის სა­მი­ნის­ტროს და ხა­რის­ხის მარ­თვის სამ­სა­ხურს, ად­გი­ლობ­რივ რე­სურსცენ­ტრს. მე­რი­ას­თან და საკ­რე­ბუ­ლოს ხელ­მძღვა­ნე­ლებ­თან მო­ვი­თხო­ვეთ შეხ­ვედ­რა. ამ ხმა­უ­რის შემ­დეგ სას­წრა­ფოდ აი­ღეს ის გა­ნა­ცხა­დი, რაც ედოთ ვა­კან­სი­ა­ზე და ამ­ტკი­ცებ­დნენ, რომ თით­ქოს ტექ­ნი­კუ­რი ხარ­ვე­ზი იყო. ჩვენ ამის შემ­დეგ გა­და­ვა­მოწ­მეთ წინა ვა­კან­სი­ის პი­რო­ბე­ბი და წინა ვა­კან­სი­ის პი­რო­ბებ­ში, რო­მე­ლიც ადრე, 13 აპ­რილს იყო და­დე­ბუ­ლი და აღ­მოჩ­ნდა, რომ იქაც შეც­ვლი­ლი იყო პი­რო­ბე­ბი. ამა­ზე წვდო­მა ჰქონ­და მხო­ლოდ სკო­ლის დი­რექ­ტორს. მან პა­სუ­ხი უნდა აგოს. რად­გან სა­ზო­გა­დო­ე­ბა მი­ზან­მი­მარ­თუ­ლად შე­ყავ­და შეც­დო­მა­ში და 9 თვე სკო­ლა­ში არაპრო­ფე­სი­ო­ნა­ლი ყავ­და ექი­მად.

ხა­რის­ხის მარ­თვის სამ­სა­ხუ­რის მო­თხოვ­ნით 20 დე­კემ­ბერს და­ი­წე­რა მისი გა­თა­ვი­სუფ­ლე­ბის ბრძა­ნე­ბა, მაგ­რამ ის მა­ინც აგ­რძე­ლებ­და მუ­შა­ო­ბას. ექი­მის ხა­ლა­თით 28 დე­კემ­ბრამ­დე იყო სკო­ლა­ში. რო­გორც ჩანს, სკო­ლის დი­რექ­ტორს ჰქონ­და იმის იმე­დი, რომ ხე­ლახ­ლა გა­მო­ა­ცხა­დებ­და კონ­კურსს, იმა­ვე პი­როვ­ნე­ბას თა­ვი­დან და­ნიშ­ნავ­და და ამ ამ­ბავს ვე­რა­ვინ გა­ი­გებ­და. დო­კუ­მენ­ტე­ბით ირ­კვე­ვა, რომ ეს პი­როვ­ნე­ბა გა­თა­ვი­სუფ­ლე­ბუ­ლი იყო სამ­სა­ხუ­რი­დან და ამა­ზე ინ­ფორ­მა­ცია სკო­ლა­ში არც პე­და­გო­გებს ჰქონ­დათ და არც მშობ­ლებს. ამ ბრძო­ლით მო­ვე­დით აქამ­დე, გა­სა­ხა­რია, რომ გა­ნათ­ლე­ბის სა­მი­ნის­ტრომ და ხა­რის­ხის მარ­თვის სამ­სა­ხურ­მა უკა­ნო­ნო­ბა­ზე თვა­ლი არ და­ხუ­ჭა და იმე­დი მაქვს, დამ­ნა­შა­ვე პა­სუხს აგებს ამ უკა­ნო­ნო­ბის­თვის. სო­ფელ­მა და­ვამ­ტკი­ცეთ, რომ ტყუ­ი­ლად არ ვიბ­რძო­ლეთ.

- თქვენ აღ­ნიშ­ნეთ, რომ სოფ­ლის პე­დი­ატრს სურს სკო­ლა­ში ექი­მად მუ­შა­ო­ბა, ის პა­რა­ლე­ლურ რე­ჟიმ­ში იმუ­შა­ვებ­და?

- 20 მეტ­რის და­შო­რე­ბით არის ერ­თმა­ნე­თის­გან სკო­ლა და ამ­ბუ­ლა­ტო­რია, ასე ახ­ლოს სხვა სოფ­ლებ­ში არ არის, მაგ­რამ სოფ­ლის სკო­ლე­ბის უმ­რავ­ლე­სო­ბა­ში და­საქ­მე­ბუ­ლია ად­გი­ლობ­რი­ვი პე­დი­ატ­რე­ბი. თან ამ სკო­ლა­ში მყო­ფი ბავ­შვე­ბის 80 პრო­ცენტზე მე­ტის ოჯა­ხის ექი­მია ეს ქალ­ბა­ტო­ნი და თი­თო­ე­უ­ლი მათ­გა­ნის ის­ტო­რია, ანამ­ნე­ზი იცის. ამით კა­ნო­ნი არ ირ­ღვე­ვა. მთე­ლი რეს­პუბ­ლი­კის მას­შტა­ბით ასე მუ­შა­ო­ბენ ექი­მე­ბი. მა­ნა­ნა ცხა­და­ძე პირ­ვე­ლი სვი­რის სოფ­ლის პე­დი­ატ­რია და შე­უ­რა­ცხყო­ფი­ლიც არის, რად­გან არაპრო­ფე­სი­ო­ნა­ლი და­ნიშ­ნეს და 35 წლის სტა­ჟის მქო­ნე ექიმ პე­დი­ატრს უარი უთხრეს სკო­ლა­ში ექი­მად მუ­შა­ო­ბა­ზე.

- ხომ არ გაქვთ ინ­ფორ­მა­ცია, რა ინ­ტე­რე­სი ჰქონ­და სკო­ლის დი­რექ­ტორს, რა­ტომ და­ნიშ­ნა არაპრო­ფე­სი­ო­ნა­ლი?

- ვერ და­ვამ­ტკი­ცებ ვინ­მეს პრო­ტეჟეა თუ არა ეს კან­დი­და­ტი, მაგ­რამ კი­თხვე­ბი ჩნდე­ბა, რად­გან ერთ მხა­რეს იდგა პრო­ფე­სი­ო­ნა­ლი, ხოლო მე­ო­რე მხა­რეს გა­მო­უც­დე­ლი კვა­ლი­ფი­კა­ცი­ა­გა­უვ­ლე­ლი კად­რი და სკო­ლის დი­რექ­ტორ­მა, რე­სურს ცენ­ტრის ხელ­მძღვა­ნელ­მა და რე­სურსცენ­ტრის იუ­რის­ტმა არა­ფე­რი არ გა­ა­კე­თეს იმის­თვის, რომ სკო­ლა­ში პრო­ფე­სი­ო­ნა­ლი კად­რი მოხ­ვედ­რი­ლი­ყო. ეს აჩენს ბუ­ნებ­რი­ვია, კი­თხვებს. რა დგას ამის უკან, ეს შე­სა­ბა­მის­მა სა­გა­მო­ძი­ე­ბო ორ­გა­ნო­ებ­მა უნდა და­ად­გი­ნონ.

- სკო­ლამ აკ­რე­დი­ტა­ცია გა­ი­ა­რა?

- რო­გორც გან­გვი­მარ­ტეს, ჩვენ­მა სკო­ლამ გა­ი­ა­რა აკ­რე­დი­ტა­ცია დათ­ქმით, გა­ნათ­ლე­ბის ხა­რის­ხის მარ­თვის სამ­სა­ხურ­ში გვი­თხრეს, მი­ვე­ცით სკო­ლას ამ გზით არ­სე­ბო­ბის უფ­ლე­ბაო და ბევ­რი რამ აქვს გა­მო­სას­წო­რე­ბე­ლიო. წარ­მო­იდ­გი­ნეთ, მე­ო­რე სვი­რის სკო­ლის დი­რექ­ტორ­მა ორ­ჯერ და­ი­წუ­ნა ეს კან­დი­და­ტი და ამ სა­კი­თხის გან­ხილ­ვის დროს კო­მი­სი­ა­ში იყო რე­სურსცენ­ტრის იუ­რის­ტი ნო­დარ კამ­ლა­ძე, რო­მელ­მაც მე­ო­რე სკო­ლა­ში არ­და­ნიშ­ვნის მი­ზე­ზად სწო­რედ არა­სა­თა­ნა­დო კვა­ლი­ფი­კა­ცია მი­უ­თი­თა, მაგ­რამ იგი­ვე კად­რი ამ სკო­ლა­ში და­ნიშ­ნა იმა­ვე კო­მი­სი­ამ. აქ იყო თვა­ლის ახ­ვე­ვა. ჩვენ ვი­თხოვთ, პა­სუ­ხი აგონ.

ბუ­ნებ­რი­ვია და­ვუ­კავ­შირ­დი სკო­ლის დი­რექ­ტორს ქალ­ბა­ტონ იზა ღიბ­რა­ძეს, მას ავუხ­სე­ნით, რომ ვი­ყა­ვი ჟურ­ნა­ლის­ტი, მაგ­რამ მო­უც­ლე­ლო­ბა მო­ი­მი­ზე­ზა და გვი­თხრა, რომ მოგ­ვი­ა­ნე­ბით დაგ­ვე­რე­კა, თუმ­ცა შემ­დეგ ტე­ლე­ფო­ნი სა­ერ­თოდ გა­თი­შა. შემ­დე­გაც ბევ­რჯერ ვცა­დეთ მას­თან სა­ტე­ლე­ფო­ნო კო­მუ­ნი­კა­ცია, მაგ­რამ ნო­მე­რი, რომ­ლი­და­ნაც ვრე­კავ­დით, დაბ­ლო­კა. ასე­ვე და­ვუ­კავ­შირ­დი რე­სურსცენ­ტრის იუ­რისტს, ნო­დარ კამ­ლა­ძეს, რომ აეხ­სნა, ერთ სკო­ლა­ში კომ­პე­ტენ­ცი­ის არ­ქო­ნის გამო და­წუ­ნე­ბუ­ლი კად­რი რა­ტომ და­ნიშ­ნეს მოგ­ვი­ა­ნე­ბით პირ­ვე­ლი სვი­რის სა­ჯა­რო სკო­ლა­ში, მაგ­რამ მა­ნაც არ ისურ­ვა ამ სა­კი­თხზე კო­მენ­ტა­რის გა­კე­თე­ბა.

"სამ­წუ­ხა­როდ, ვერ მოგ­ცემთ ვე­რა­ნა­ირ კო­მენ­ტარს", - გვი­თხრა იუ­რის­ტმა.

ყვე­ლა­ზე გა­მა­ოგ­ნე­ბე­ლი კი რე­სურსცენ­ტრის დი­რექ­ტო­რის კა­ხა­ბერ კუ­პა­ტა­ძის პა­სუ­ხი აღ­მოჩ­ნდა, როცა მას ავუხ­სე­ნი თუ რა სა­კი­თხზე ვუ­რე­კავ­დი, მი­თხრა: "მე თქვენ არ გიც­ნობთ პი­რა­დად და ამი­ტომ ვე­რა­ფერს გე­ტყვით!" როცა ვუ­თხა­რი, წარ­მო­გიდ­გენთ ჟურ­ნა­ლის­ტის და­მა­დას­ტუ­რე­ბელ სა­ბუთს-მეთ­ქი, მი­პა­სუ­ხა, რომ ეს მას არ აინ­ტე­რე­სებს. სა­ბო­ლო­ოდ კი, მა­ნაც ტე­ლე­ფო­ნი გა­მი­თი­შა. იმე­დია, ამ სა­კი­თხით შე­სა­ბა­მი­სი უწყე­ბე­ბი და­ინ­ტე­რეს­დე­ბი­ან და ამ ადა­მი­ა­ნებს იქ მა­ინც მო­უ­წევთ გან­მარ­ტე­ბე­ბის გა­კე­თე­ბა.