მნიშვნელოვანი ინფორმაცია
18
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ნუ შევარდები მაინც და მაინც იმ რესტორანში, სადაც 45 ლარი ღირს ხაჭაპური" - ნინო ხაჟომია გუდაურის ფასებსა და ზამთრის კურორტებზე არსებულ სიტუაციაზე
11:50 / 22-01-2024
გასულ კვირას სოციალურ ქსელში გამოჩნდა პოსტები, სადაც გუდაურში მყოფი დამსვენებლები გაზრდილ ფასებზე წუწუნებდნენ. "პური - 10 ლარი, წყალი - 5 ლარი, ხაჭაპური - 45 ლარი...“ - ვკითხულობთ სტატუსებში, სადაც მოქალაქეები წერენ, რომ სამთო კურორტზე ხელმისაწვდომ ფასად დასვენება შეუძლებელია.
კაფე CUB-ის დამფუძნებელი, ნინო ხაჟომია Ambebi.ge-თან საუბარში ამბობს, რომ გავრცელებული ინფორმაცია გუდაურში არსებული ფასების შესახებ გაზვიადებულია და "ვერ ხვდება, ვის ამოძრავებს სამთო კურორტზე სეზონის ჩაგდების სურვილი".
- ნინო, წინა წლებთან შედარებით მომარაგების ხარჯი რამდენი პროცენტით არის გაზრდილი და მიუხედავად ფასებისა, ტურისტები თუ არიან გუდაურში?
- მომარაგება წელს მინიმუმ 30%-ით გაიზარდა, რაც შეეხება ტურისტებს, ძალიან ბევრია. ტყუილია, რომ გუდაურში ხალხი არ არის, მთას, გუდაურს, მესტიას გოდერძის სეზონზე 2-კვირიანი ჩავარდნები ახასიათებს. მე რვა წელია მთაში ვარ და სულ ასეა. 14 იანვრიდან თვის ბოლომდე ნაკლები ხალხია. თებერვლის ბოლოს იქნება ასევე ათი დღე ნაკლები ხალხი და მარტიდან ისევ გავივსებით. ეს ყველამ ვიცით, ვინც მთაში ვოპერირებთ. ვემზადებით იმისთვის, რომ ისევ იყოს ისეთი შემოტევა, როგორიც გვქონდა ახალი წლის პერიოდში.
- ნინო, ძირითადად, რომელი ქვეყნებიდან არიან ტურისტები?
- არაბთა გაერთიანებული საამიროებიდან არიან, თუმცა არ არიან არაბები. ესენი არიან ევროპელები, რომლებმაც არაბთა საამიროებში გადაიტანეს ბიზნესი საგადასახადო ლიბერალური პოლიტიკის გამო და რაც არ უნდა გასაკვირი იყოს, მიუხედავად ომისა, ძალიან ბევრია ისრაელიდან. საოცრებაა და რუსები არიან ძალიან ცოტა, შარშანდელისგან განსხვავებით. სავარაუდოდ, ვინც აქ დარჩა, ფული აღარ აქვს და ვერ ისვენებს, ან თავად გახსნეს რაღაცები და თავიანთ ხალხთან დადიან.
- ადგილზე თუ გინახავთ უკმაყოფილება ფასების გამო და რა ღირს რეალურად გუდაურში ხაჭაპური.
- ჩემთან, მაგალითად, ღირს 36 ლარი, ეს არის რვა ნაჭრიანი სამეფო ხაჭაპური, იმერული სულგუნით. ისეთია, სამი კაცი დაჯდება და იქეიფებს. სხვების ფასები არ ვიცი, მე ვარ მთაში და იქ რომ ავდივარ, ჩამოსვლის სურვილი აღარ მაქვს.
- საუბრობენ მომარაგების სირთულეზეც, თქვენ როგორ ახერხებთ?
- გეტყვით მე როგორ ვაკეთებ და წყალზე რომ წუწუნებენ, ხუთი ლარი რა ამბავიაო. მთაში წყალი არ არის. საჭმლისთვის და ყველაფრისთვის თბილისიდან მიმაქვს. ჯერ მივიტან "გარაჟებამდე“, იქიდან ხან "კესბორელზე“ ვტვირთავ და ამაქვს, თუ "კესბორელი“ არ არის, ბორნით გადამაქვს "კანატკამდე", სადაც ვცლი და იქიდან ხელით მივათრევ კაფემდე.
- ინფრასტრუქტურაზე გკითხავთ, ხშირად გვესმის, რომ უცხოურ კურორტებს რომ ადარებთ ფასებს, იქ საუკეთესო ინფრასტრუქტურააო...
- მოდით, ვისაუბროთ როგორც მოთხილამურეები აფასებენ კურორტს, რას ვგულისხმობთ ინფრასტრუქტურაში? - მე ვარ მოთხილამურე, მჭირდება კარგი ტრასა, საპირფარეშო და კვების ობიექტი მთაზე. ტრასები საუკეთესოა, ევროპულ ბევრ კურორტს ვჯობივართ იმით, რომ იქ ტრასები გადატვირთულია. ალპებში 80 ევროს რომ იხდი, შეიძლება იმ პერიოდში მხოლოდ ორჯერ მოახერხო ჩამოსრიალება, იმდენად დიდი რიგებია. ამ მხრივ ჩვენთან სამოთხეა, ტრასები არ ჩამოუვარდება ალპებისას, საბაგიროები დაემატა და ეს ძალიან კარგია.
- საშუალოდ, რა დაუჯდება ერთ ადამიანს გუდაურში დასვენება?
- ასე ვერ დაგითვლით, რადგან სათხილამურო სპორტი იმდენად ძვირია, რომ მინიმუმ ეკიპირება ჯდება 5-7 ათასი ლარი. მესმის, სტუდენტსაც უნდა ჰქონდეს საშუალება თხილამურებით ისრიალოს, მაგრამ მე რომ სტუდენტი ვიყავი და ვერმუნდში მივდიოდი სათხილამუროდ, ვიცოდი, ვერ შევწვდებოდი ფეშენებელურ რესტორანს და ჩემი ლანჩით დავდიოდი.
გუდაური აძლევს ყველას იმის საშუალებას, რომ ყველა "ფენსი“ რესტორანში არ შევიდეს. არ ვიცი, შეიძლება მართლა ღირდეს სადმე 45 ლარი, მაგრამ იქ ისეთი მომსახურება იქნებოდა, ღირდა. უამრავ არჩევანს სთავაზობს, მთაზე ამოდი, სადაც უფრო იაფია და ფასს ბიზნესი ადგენს, ასე ვიცოდი აქამდე.
- როგორ ფიქრობთ ეს აჟიოტაჟი იმოქმედებს დამსვენებლების შემცირებაზე?
- არა, არანაირად არ იმოქმედებს, ეს მართული პროცესია და ვერ ვხვდები, ვისგან. შარშან ხომ უთოვლობის გამო გავსწორდით მიწასთან და წელს თითიდან გამოწურული თემებით უნდათ იგივე. ნუ შევარდები მაინც და მაინც იმ რესტორანში, სადაც 45 ლარი ღირს ხაჭაპური.
წაიკითხეთ ასევე:
მკითხველის კომენტარები /
97 /
თარიღის მიხედვით
მოწონების მიხედვით
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
2 კაცს ვეძებ 8 ნაჭრიან ხაჭაპურზე უნდა დავჯდე და ვიქეიფო ნინოსთან, 36 ლარს მე ვიხდი დაგასწარით.
ძველი ანეგდოტი გამახსენდა: ტიპი შედის კაფეში და ხაჭაპურს შეუკვეთავს. მიმტანი ეკითხება, 4 ნაჭრად გავჭრა თუ 8 ნაჭრადო? 4 ნაჭრად კაცო, 8 ნაჭერს რა შემაჭმევსო.
რა ხაჭაპურია ასეთი, 36 ან 45 ლარი რომ ღირს? დევმა რომ ნაცარქექიას გამოუცხო ისა? მე ბეჩავს კიდევ 20 ლარიანი ხაჭაპურიც ძვირი მეგონა :)