მატრონა მოსკოველის ხატი, რომელზეც სტალინი იყო გამოსახული, ამ მომენტისთვის სამების საკათედრო ტაძარში აღარ არის
სამების საკათედრო ტაძარში მატრონა მოსკოველის ხატი, რომელზეც სტალინი იყო გამოსახული, ამ მომენტისთვის აღარ არის. მის ადგილას კი კედელზე ახლა მატრონას სხვა ხატი კიდია. როგორც ტაძარში გვითხრეს "ხატი გვიან ღამით გააბრძანეს სამებიდან". დიდი ალბათობით, მის გადასაწერად. მოგეხსენებათ, საპატრიარქოს გადაწყვეტილებით უნდა მოხდეს სტალინის ეპიზოდის შეცვლა.
უცნობია როდის დააბრუნებენ ხატს სამების ტაძარში ცვლილებების შემდეგ. გავრცელებული ინფორმაციით, ხატზე სტალინის გამოსახულება გადაიწერება და მის ნაცვლად სიმსივნისგან განკურნებული ქალი გამოისახება.