აშშ-ს საჰაერო ძალების მოქმედმა ოფიცერმა "მის ამერიკის" ტიტული მოიპოვა - "ისეთ ქალებს წარმოვადგენ, რომლებსაც სტერეოტიპების დამსხვრევის არ ეშინიათ"

22 წლის მედისონ მარში აშშ-ს საჰაერო ძალების მოქმედი პირველი ოფიცერია, რომელმაც "მის ამერიკის" ტიტული მოიპოვა.

"ძალიან მიხარია, რომ ისეთ ქალებს წარმოვადგენ, რომლებსაც სტერეოტიპების დამსხვრევის არ ეშინიათ", - განაცხადა მარშმა "მის ამერიკას" ოფიციალურ "ინსტაგრამგვერდზე" ატვირთულ ინტერვიუში. მას შემდეგ, რაც მედისონს "მის ამერიკას" გვირგვინი დაადგეს, მან სამადლობელ სიტყვაში ქალებს მიმართა: "ნებისმიერი რამის მიღწევა შეგიძლიათ, რასაც მოისურვებთ. ერთადერთი, რამაც შესაძლოა დაგაბრკოლოთ, ისევ თქვენი თავია".

ქერა ლამაზმანი მხოლოდ "მის ამერიკის" ტიტულს და სამსახურს არ სჯერდება და სწავლისთვისაც პოულობს დროს. ის მედისონი საჰაერო ძალების მეორე ლეიტენანტია, ვინც ჰარვარდის კენედის სკოლაში საჯარო პოლიტიკის განხრით მაგისტრატურაზე სწავლობს.

მარში "მის კოლორადო" 2023 წლის მაისში გახდა.

"ეს ძალიან სურეალისტური იყო. როგორც ვიცი, პირველი აქტიური მორიგე ოფიცერი ვარ, ვინც "მის ამერიკის" კონკურსში ყოფილა."

"როცა ფორმას ვიცვამ, ამ დროს ჩემს სამშობლოს წარმოვადგენ და მას ვემსახურები, როცა გვირგვინს ვიდგამ, ჩემს საზოგადოებას ასე წარვადგენ და ასე ვემსახურები..."

სილამაზის კონკურსის განმავლობაში გოგონამ არაერთხელ ისაუბრა დედამისის პანკრეასის კიბოთი 2018 წელს გარდაცვალების შესახებ. მედისონის თქმით, დედის სიკვდილმა უბიძგა, რომ Whitney Marsh-ის საქველმოქმედო ფონდი დაეარსებინა, რათა პანკრეასის კიბოს კვლევებისთვის თანხა შეეგროვებინა.

მარშს სურს, რომ კარიერა კიბოს კვლევასა და საჯარო პოლიტიკის სფეროში მუშაობას მიუძღვნას:

"ძალიან ბედნიერი ვარ, რომ შევძელი და ჩემი ცხოვრების ორი საყვარელი ნაწილი გავაერთიანე. ახლა სხვებსაც ვეხმარები იმის გაცნობიერებაში, რომ აუცილებელი არაა შენს თავს ლიმიტი დაუწესო... "

წყარო: nypost

მოამზადა: ანა სიბოშვილმა