რუსეთში დააკავეს კაცი, რომელმაც მეხუთე ცდაზე, მარკეტიდან 1 ცალი მანდარინი მოიპარა
რუსეთში, ქალაქ ნოვოსიბირსკში დააკავეს კაცი, რომელიც დღის განმავლობაში ერთი ცალი მანდარინის მოპარვას ცდილობდა.
შემთხვევა 8 იანვარს მოხდა. დეტალები გვარდიის დაცვის სააგენტოს პრესსამსახურმა გაავრცელა.
"დააკავეს მამაკაცი, რომელმაც მანდარინის მოპარვა მეხუთე ცდაზე მოახერხა. იგი მაღაზიაში ოთხჯერ მივიდა და ხილის მოპარვა სცადა, თუმცა უშედეგოდ. მეხუთედ ქურდმა სალარო ხაზის გადალახვა შეძლო, მაგრამ მისმა სიხარულმა დიდხანს არ გასტანა - ის დაცვამ დააკავა".
მათ მამაკაცს აუხსნეს, რომ ქურდობა დაუშვებელია. ამის შემდეგ მანდარინი დახლთან დააბრუნეს და დაკავებული გაათავისუფლეს. ამის შემდეგ ქურდი მაღაზიაში არ გამოჩენილა.