მნიშვნელოვანი ინფორმაცია
18
მაისიდღის ზოგადი ასტროლოგიური პროგნოზი
კვირა, მთვარის ოცდამეერთე დღე დაიწყება 02:39-ზე, მთვარე მერწყულში იქნება 09:27-დან
კარგი დღეა ფინანსური საკითხების მოსაგვარებლად; გუნდური მუშაობისთვის; ვაჭრობისთვის. კარგია საერთო მიზნისთვის გაერთიანება, მომავლის დასახვა. კარგია მგზავრობა, მივლინება; საქმიანობის შეცვლა. მოაგვარეთ საოჯახო საქმეები; დაისვენეთ. კარგი დღეა ქორწინებისა და ნიშნობისათვის. ერთგულების ფიცის დასადებად; მავნე ჩვევებისგან გასათავისუფლებლად. ნუ გადატვირთავთ ღვიძლს. გაისეირნეთ სუფთა ჰაერზე. არ დაძაბოთ და გადაღალოთ თვალები. კარგი დღეა დასვენებისთვის, შიმშილისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ბავშვს 39 გრადუსამდე სიცხის დამწევი საშუალებაც არ სჭირდება, თუ გამომწვევი მიზეზი ცნობილია და სწორედ არის მართული" - რას ამბობს ცნობილი პედიატრი ბავშვებში გავრცელებულ გრიპის ვირუსებზე?
14:14 / 10-01-2024
უფროსებში 38 გრადუსზე მაღალი ტემპერატურა, რომელიც შესაძლოა, 5 დღეზე მეტხანსაც გაგრძელდეს, თავის, სახსრების, კუნთების ტკივილი და საერთო სისუსტე, ბავშვებში - მოთენთილობა, ხანგრძლივი ძილი, საკვებზე უარის თქმა - ეს არის ძირითადი სიმპტომები, რაც წელს გავრცელებული გრიპის ვირუსებისთვის არის დამახასიათებელი.
იაშვილის სახელობის ბავშვთა ცენტრალური საავადმყოფოს დირექტორი ივანე ჩხაიძე მედიასთან ამბობს, რომ ამჟამად გავრცელებულია გრიპის ორი ტიპის ვირუსი - H1N1 და H1N2. სპეციალისტები ვარაუდობენ, რომ ვირუსის გავრცელება პიკს იანვრის ბოლო ორ კვირაში მიაღწევს.
პედიატრები, სოციალურ ქსელში წერენ, რომ პაციენტების მიმართვიანობა საგრძნობლად გაზრდილია, ასევე შეშფოთებულები არიან, რომ შესაძლოა, მალე საწოლფონდი გადაიტვირთოს, რადგან ბავშვების დიდი ნაწილის შემთხვევაში აუცილებელია სტაციონარში მკურნალობა.
შეშფოთებას არ იზიარებს ცნობილი პედიატრი თემურ მიქელაძე. ის Ambebi.ge-სთან ინტერვიუში ამბობს, რომ მართალია, პაციენტების მომართვიანობა გაზრდილია, მაგრამ საერთო სურათი არ შეცვლილა, რადგან იგივე მდგომარეობაა ყოველ წელს, რაც ზომიერი კლიმატის ქვეყნებისთვის არის დამახასიათებელი.
თემურ მიქელაძე:
- დიახ, გაიზარდა მომართვიანობა, მაგრამ ამ სეზონზე ყოველთვის იმატებს ვირუსული ინფექციის და განსაკუთრებულად, გრიპის შემთხვევები. ასე იყო 5 წლის წინაც და შემდეგი ხუთი წელიც ასე იქნება. არაფერი განსაკუთრებული არ ხდება.
წელს, უფრო მეტად ცირკულირებს H1N1 ტიპის ვირუსი, რომელსაც ახასიათებს მაღალი ცხელება, ზოგადი ინტოქსიკაციის ნიშნები, ხველა, ყელის ტკივილი. სიცხე გრძელდება დაახლოებით 5-7 დღე. შემდეგ ზოგადი მდგომარეობა უმჯობესდება. მაგრამ, შესაძლოა იყოს რიგი გართულებებებიც, განსაკუთრებულად ქრონიკული დაავადებების მქონე ბავშვებში. ამისთვის მათ უნდა ჩაუტარდეთ გრიპის ვაქცინაცია.
- ხშირად გვესმის, რომ წელს ვირუსი ფილტვების ანთებით რთულდება.
- ფილტვების ანთებით რთულდება გრიპის ყველა ვირუსი, ამას სჭირდება მონიტორინგი, რომ ვირუსს თან არ ახლდეს ბაქტერიული ინფექცია. რაც მოითხოვს ანტიბიოტიკის ჩართვას მკურნალობის პროცესში. რთულდება ისე, როგორც რთულდებოდა აქამდეც, განსაკუთრებულ შემთხვევასთან არ გვაქვს საქმე.
- თუმცა ვკითხულობთ შეშფოთებულ კომენტარებს, რომ შესაძლოა საწოლფონდი გადაიტვირთოს, რადგან ბავშვების დიდი ნაწილი კლინიკაში რჩება. თქვენი პაციენტების შემთხვევაში, ბევრს დაჭირდა სტაციონარში მოთავსება?
- ამ სეზონის განმავლობაში რამდენიმე ასეულ პაციენტს ვუმკურნალე და მათგან მხოლოდ ორი-სამი ბავშვი მოვათავსეთ კლინიკაში. პნევმონიით არავინ დამიწვენია, რადგან ფილტვების ანთება იმართება ბინის პირობებში, ასეთი რამდენიმე ათეული შემთხვევა მქონდა.
ზოგადად, ჩემი შეხედულებაა, რომ ცხელების გამო არ უნდა დააწვინო პაციენტი კლინიკაში. და ის საწოლფონდი უნდა შევინახოთ მძიმე პაცინეტებისთვის. ორი და ოთხდღიანი ცხელების გამო არ უნდა ხდებოდეს პაციენტის მოთავსება კლინიკაში, თუ ზოგადი მდგომარეობა დამაკმაყოფილებელია. ცხელება არის ორგანიზმის დამცველობითი რეაქცია, თუ გამომწვევი მიზეზი ცნობილია და სწორედ არის მართული, სიცხის დამწევი საშუალებაც არ სჭირდება ბავშვს 39 გრადუსამდე.
თუ პაციენტს ანამნეზში აქვს რაიმე ქრონიკული პათოლოგია, გულყრა ან ნევროლოგიური დარღვევები, უფრო ნაკლებ ტემპერატურაზეც ვიყენებთ დამწევ საშუალებას.
მთავარია სიმშვიდე, როცა მშობელი მშვიდად არის და არ აყვება პანიკას, ბავშვიც ვირუსული ინფექციების სეზონზე დროულად მორჩება. ამიტომ ჯობია სახლში ვუმკურნალოთ, ვიდრე სტრესულ გარემოში, ორ კვადრატულ სივრცეში. კიდევ ერთხელ ვიმეორებ, თუ არ გვაქვს კლინიკური ნიშნებით გართულება, ნევროლოგიური დარღვევები, რომელსაც თან ახლავს ლეთარგია, გონების დაბინდვა და ბავშვი კონტაქტში ვერ შემოდის. ამ დროს მშობელმა დროულად უნდა მიმართოს კლინიკას და ექიმი გადაწყვეტს, საჭიროა თუ არა მისი სტაციონარში მოთავსება.
გრიპის ვირუსის დროს, თუ გამოხატულია სუნთქვის უკმარისობის ნიშნები, რაც მერყეობს 40-60-მდე, ამ დროსაც აუცილებელია დროული ჰოსპიტალიცაზია. მდგომარეობას შესაძლოა თან ახლდეს ნაწლავთა გახშირებული მოქმდება, ღებინება, სისხლიანი დიარეა, ამ დროს გაუწყლოვნების თავიდან ასაცილებლად, რა თქმა უნდა, მშობლემა ექიმს უნდა მიმართოს.
- ბატონო თემურ, ამბობენ, რომ კონკრეტულად ამ ვირუსების შემთხვევაში ანთება ფილტვებში არ ისმინება, როდის დგება რენტგენის გადაღების საჭიროება?
- ფილტვების ანთება, ძირითადად ვირუსული ეტიმოლოგიის არის ხოლმე, ისიც უნდა იმართოს ბინის პირობებში. როდესაც სახეზეა რეტრაქცია, სუნთქვის უკმარისობის ნიშნები, ამის შემდეგ ვაკეთებთ რენტგენოლოგიურ კვლევას და შემდეგ ვწყვეტთ, სად იმკურნალებს პაციენტი.
- მშობელთა ჯგუფებში ხშირად წერენ ქალები, რომ მიუხედავად იმისა, რომ ბავშვს ექიმმა ანტიბიოტიკი დაუნიშნა, არ ასმევენ, რადგან თითქოს შიში გაჩნდა ანტიბიოტიკის მოხმარების მიმართ.
- ბოლო დროს ძალიან მოიმატა ანტიბიოტიკურმა რეზისტენტობამ, რაც ბევრად უფრო უარესია და შეიძლება აღმოვჩნდეთ პრეანტიბიოტიკურ ერაში, რაც ხდებოდა მე-19 საუკუნის ბოლოს და მე-20 - ის დასაწყისში. თუ ექიმი ნიშნავს ანტიბიოტიკს, მაშინ უნდა მივცეთ, მაგრამ ხველას არ სჭირდება განსაკუთრებული მკურნალობა, თუ გამომწვევი მიზეზი ცნობილია. ამ დროს მთავარია ბავშვის სითხეებით დატვირთვა და ზოგადი მდგომარეობის შეფასება. საერთოდ ვირუსის მიმდინარეობის პერიოდში უმჯობესია, მდგომარეობა ერთხელ მაინც შეაფასოს ექიმმა.
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
არაა მართებული რჩევა,ყველა შემთხვევა ინდივიდუალურია,ბავშვს რომელსაც 38 გრადუსზე გულყრა ემართება რა უნდა გააკეთოს მშობელმა??რას ემსახურება ასეთი არაპროფესიონალური;დანაშაულებრივი განცხადება??
მაღალმა სიცხემ 38 და ზემოთ შეიძლება შეუქცევადი დაზიანებები გამოიყვიოს თავის ტვინში მითუმეტეს ბავშვებში.
ასევე დაბალი 37-ის ირგვლივ და მუდმივი სიცხეები სერიოზულ ყურადღებას მოითხოვს
ფრთხილად და ყურადღებით!