"ტკბილეული და საჭმელი მინდა მქონდეს ახალ წელს, მეტს ვერაფერს ვიტყვი, მერიდება" - 12 წლის ნიკოლოზის სურვილი და მარტოხელა დედა, რომელიც 4 შვილს, მათ შორის ტყუპ შშმ ბავშვს ზრდის
თბილისში, ნუცუბიძის ქუჩაზე მცხოვრებ სოციალურად დაუცველ ოჯახს საზოგადოების დახმარება სჭირდება.
46 წლის ესენია აკოპოვა 4 შვილს სრულიად მარტო ზრდის, მათგან 12 წლის ტყუპი ბავშვი შშმ პირია. მათ განსაკუთრებული მზრუნველობა სჭირდებათ. მარტოხელა დედის ერთადერთი შემოსავალი სოციალური დახმარებაა, რომლის ნაწილსაც ქირაში იხდის, ნაწილს კი საბურთალოს რაიონის გამგეობა უფარავს.
"ჩემს შვილებსაც აქვთ საახალწლო სურვილები, მაგრამ, არ ვიცი, რომელ ერთს შევუსრულო. 4 შვილი მყავს, მათგან ტყუპი შშმ პირია. ანასტასიას აქვს ჰიდროცეფალია, მწოლიარეა და ვერ ხედავს. ასევე, არ აქვს ღეჭვის რეფლექსი.
ნიკოლოზს ცერბრალური დამბლა დაუდგინდა და ეტლს არის მიჯაჭვული. ანასტასიას ფაფები და პამპერსი სჭირდება, ძირითადად, ბოთლით იკვებება, როგორც ჩვილი ბავშვი. თავისებური ენით გვატყობინებს, როცა შია.
მარტო ვზრდი ბავშვებს, რადგან მეუღლემ მიგვატოვა, წავიდა. დამხმარე არავინ გვყავს. საყოფაცხოვრებო ნივთები, ჰიგიენური საშუალებები გვჭირდება. პამპერსი გვინდა "ქამ ბებე" 7 ზომა და ნიკოლოზისთვის მედიუმ ზომის ტრუსები", - ამბობს მარტოხელა დედა.
რაც შეეხება ბავშვებს, მათი სურვილები ასეთია:
"ფლომასტერები მინდა, ყველაზე ძალიან ხატვა მიყვარს. ასევე მიყვარს მანდარინი...
"ტკბილეული და საჭმელი მინდა მქონდეს ახალ წელს, მეტს ვერაფერს ვიტყვი, მერიდება" - ამბობს ნიკოლოზი.
- დახმარების მსურველებს შუძლიათ თანხა ჩარიცხონ ესენია აკოპოვას პირად ნომერზე: 25001008686