17
მაისიდღის ზოგადი ასტროლოგიური პროგნოზი
პარიზში ცნობილი სერიული მკვლელის მიშელ ფურნირეს ყოფილი მეუღლის, 74 წლის მონიკ ოლივიეს სასამართლო პროცესი სრულდება. 2008 წელს ქალს უკვე მიუსაჯეს სამუდამო პატიმრობა და ამჟამად ახალი ბრალდებით წარსდგა სასამართლოში.
პროცესი სამი კვირა გაგრძელდა...
მას ბრალად ედება 1990 წელს 20 წლის ბრიტანელი სტუდენტის ჯოანა პერიშის გატაცება და მკვლელობა, მოგვიანებით 18 წლის შშმ გოგონას მარი-ანჯელ დომეზის გატაცება და მკვლელობა და 2003 წელს 9 წლის ესტელ მუზანის გატაცება, რომლის ცხედარიც ამ დრომდე არ უპოვიათ. ცნობილია, რომ გოგონა მიშელ ფურნირემ მოკლა.
მიშელ ფურნირე არის ფრანგი სერიული მკვლელი, რომელიც იტაცებდა, აუპატიურებდა და კლავდა გოგონებს საფრანგეთსა და ბელგიაში.
ის 2003 წელს დააკავეს ერთ-ერთი მსხვერპლის გატაცების წარუმატებელი მცდელობის შემდეგ და 2008 წელს შვიდი გოგონასა და ქალის მკვლელობისთვის 1987-დან 2003 წლებში, სამუდამო პატიმრობა მიესაჯა.
მისი უმცროსი მსხვერპლი სასჯელის გამოტანისას 12 წლის იყო, ყველაზე უფროსი 22 წლის. 9 წლის ესტელ მუზანის საქმე მაშინ გაიხსნა, როცა ფურნირე უკვე ციხეში იყო.
გამოძიებამ დაადგინა, რომ ფურნირეს მეუღლე მონიკ ოლივიე დაეხმარა სისასტიკეების ჩადენაში და ქალს იმავე წელს, მიუსაჯეს სამუდამო პატიმრობა.
"ყველაზე გამოცდილი სერიული მკვლელები"
ბოლო სასამართლო პროცესი აგებულია ბრიტანელი სტუდენტის ჯოანა პერიშის მკვლელობის გარშემო, რომელიც მუშაობდა ინგლისურის ასისტენტად პარიზის სამხრეთით მდებარე ქალაქ ოსერში. იგი 1990 წლის მაისში მოკლეს.
2018 წელს ფურნირემ მკვლელობა აღიარა, 2021 წელს კი ციხეში გარდაიცვალა. მას შემდეგ გამოძიება დანაშაულში ოლივიეს თანამონაწილეობის გარემოებებს იძიებს.
გოგონამ ადგილობრივ გაზეთში განათავსა განცხადება, სადაც წერდა, რომ ინგლისურის გაკვეთილებს ატარებდა. მიშელ ფურნირე რეკლამას გამოეხმაურა და ახალგაზრდა მასწავლებელი ქალაქში შესახვედრად მიიწვია.
პერიშის ოჯახის ადვოკატის, სტეფანი პოტიეს თქმით, ჯოანა, სერიული მკვლელის შემდეგი სამიზნე გახდა, მონიკ ოლივიე კი დანაშაულის თანამონაწილე.
"ჯოანა პერიში ცოცხალი დარჩებოდა, მონიკ ოლივიე რომ არ ყოფილიყო იქ მისი გატაცების დღეს“, - ხაზგასმით აღნიშნა პოტიემ. "სწორედ ოლივიეს წყალობით ეს გატაცებები, გაუპატიურებები და მკვლელობები შესაძლებელი გახდა. ეს იყო მისი ცხოვრების აზრი. ეს იყო ორი სრულყოფილი კრიმინალის ბოროტი ალიანსი, რომლებიც ერთმანეთს ავსებდნენ".
"თქვენ გაასამართლებთ, რადგან ის (მონიკ ოლივიე) აღიარებს ყველა ფაქტს და ის არ გაასაჩივრებს თქვენს გადაწყვეტილებას”, - განუცხადა ოლივიეს ადვოკატმა რიჩარდ დელგენმა, ქალის ადვოკატმა ნაფიც მსაჯულებს მიმართა, რომ მისმა კლიენტმა გადაწყვიტა დანაშაული ეღიარებინა.
დასკვნით სიტყვაში მთავარმა პროკურორმა ჰიუ ჟულსმა თქვა, რომ ოლივიე იყო ფურნირეს იდეალური თანამზრახველი.
"ეს წყვილი ალბათ ყველაზე გამოცდილი სერიული მკვლელებია ბოლო 50 წლის განმავლობაში საფრანგეთსა და ბელგიაში. გაუპატიურება და მკვლელობა მათთვის ისეთივე ჩვეულებრივი ამბავი იყო, როგორც სუპერმარკეტში სიარული“, - თქვა მან...წყარო
რატო გეხალისებათ ნეგატიური სტატიების გამოჭენება???? ვის რას მატებს ? ახალი რა გავიგეთ? თან მთავარ გვერდზე...ძალიან უცნაურია. ეჭვი მაქვს რედაქტორი ნაცია და სტატუსის მიღების შოკიდან ვერ გამოდის.))))
ჩვენს გარდა, ჩვენს ქვეყანას, არავინ მოუვლის.