"ჰეფი მილის" ჯადოსნურ ყუთში ყველა ბავშვისთვის წარმატების გასაღებია - "მაკდონალდსის" ეს ინიციატივა  ბავშვებს წიგნებს უფრო შეაყვარებს  - ფსიქოლოგი ლალი ბადრიძე

„მაკდონალდსის“ ერთგულმა მომხმარებელმა ბავშვებმა უკვე იციან, რომ „ჰეფი მილში“ ტრადიციული სათამაშოებთან ერთად მსოფლიოს გამოჩენილ ადამიანებზე და მათი წარმატების მიღწევის გზებზე მოთხრობილი საინტერესო წიგნებიც ხვდებათ. წიგნების ახალ სერიაში „პატარები დიდი ოცნებებით“ წარმატებული ადამიანების ისტორიები ბავშვებისათვის გასაგები ფორმით არის მიწოდებული და მათ მოტივიაციას აძლევს თავადაც იშრომონ და მიაღწიონ წარმატებას.

ჰეფი მილის წიგნებს უკვე ბევრი გულშემატკივარი გამოუჩნდა. მშობლებს ახარებთ, რომ მათი შვილები გემრიელი მენიუს დაგემოვნებასთან ერთად, საინტერესო წიგნებსაც ეცნობიან. ფსიქოლოგები კი მიიჩნევენ, რომ ეს ინიციატივა ბავშვებს უფრო დააახლოვებს წიგნებთან. მეორე მხრივ, წარმატების ისტორიების გაცნობა ბავშვებისთვის წინ გადადგმული ნაბიჯია მათი მომავლის შექმნაში.

ფსიქოლოგი ლალი ბადრიძის თქმით, „მაკდონალდსის“ ეს სიახლე ძალიან პოზიტიური გავლენის მატარებელია ბავშვებისათვის.

- რამდენად მნიშვნელოვანია როდესაც ბავშვი მიდის მაკდონალდში და გემრიელ მენიუსთან ერთად „ჰეფი მილის“ ჯადოსნურ ყუთში აღმოაჩენს სათამაშოებს და ახლა უკვე წიგნებსაც?

- როგორც კი ეს კითხვა დამისვით, მაშინვე ჩემი ბავშვობა გამახსენდა. არასოდეს დამავიწყდება ერთ-ერთ დღესასწაულზე დედამ მომიტანა შეფუთული საჩუქარი, არ ვიცოდი შიგნით რა იყო. ის მომენტი, როდესაც არ იცი რა სიურპრიზი გელოდება, ძალიან სასიამოვნოა. ჩემი საჩუქარი თოჯინა აღმოჩნდა. წარმოიდგინეთ, მას შემდეგ რამდენი საჩუქარი მიმიღია, მაგრამ ის ლამაზად შეფუთული საჩუქარი დღემდე მახსოვს. სიურპრიზს ძალიან დიდი მნიშვნელობა აქვს ბავშვისთვის, მაკდონალდს ასეთი დღესასწაულის მოწყობა გამოსდის - როდესაც ბავშვი მიდის თავის საყვარელ მაკდონალდსში, და ამ დროს იქ სასიამოვნო მოულოდნელობა ხვდება. ეს სათამაშო იქნება თუ საინტერესო წიგნი, რომელიც მას კიდევ უფრო მეტ მოტივაციას აძლევს იყოს ბედნიერი და წარმატებული.

- რამდენად დიდი მნიშვნელობა აქვს ბავშვის განვითარებისა და წიგნის სიყვარულის გაღრმავებისათვის იმ ფაქტს, რომ ჰეფი მილის ყუთში მას ლამაზი და საინტერესო წიგნი დახვდება?

- ძალიან მნიშვნელოვანია, რომ სიურპრიზის ყუთი ბავშვმა თვითონ გახსნას. მაკდონალდსის ეს ინიციატივა ბავშვებს წიგნებს უფრო შეაყვარებს. ბავშვებს რა უყვართ? მოქმედება, თავგადასავალი, სიურპრიზები. როდესაც ბავშვს უბრალოდ აძლევ წიგნს და ეუბნები, წაიკითხე, ის ნაკლებ ინტერესს გამოხატავს. მისთვის გაცილებით საინტერესოა ის წიგნი, რომელიც სიურპრიზით, თავგადასავალით, აქვს მოპოვებული. ბავშვი როცა მოქმედებაშია ჩართული, მიღებული შედეგი მისთვის უფრო ძვირფასია. მაკდონალდსის წიგნების სერიის გამოშვება ძალიან კარგი ინიციატივაა და დარწმუნებული ვარ, სულ მალე აღმოვაჩენთ კოლექციონერ ბავშვებს, რომლებსაც ყველა სერია აქვს შენახული და ისევე უფრთხილდება თითოეულ წიგნს, როგორც ჩვენს თაობაში მაკდონალდსის სათამაშოების კოლექციებს ვინახავდით. დარწმუნებული ვარ, მაკდონალდსი ამ ინიციატივას კიდევ უფრო გააფართოებს და ჰეფი მილი ყოველთვის შეძლებს თაობების გამოწვევებს უპასუხოს.

- ქართველი ბავშვებისთვის „ჰეფი მილის“ საშუალებით მიწოდებულია მსოფლიოში წარმატებული ადამიანების წარმატების ფორმულა. რა ეფექტია აქვს ამას ბავშვებისთვის?

- რა თქმა უნდა, პირველ რიგში მისაბაძი მაგალითია. ბავშვებზე ყოველთვის მუშაობს გმირული მაგალითები. მოზარდს ყოველთვის აქვს სურვილი გმირის და გადამრჩენელის როლში იყოს. როდესაც ის რეალური ადამიანის წარმატების ისტორიას კითხულობს, თვითონაც უნდა რომ წარმატებას მიაღწიოს. ბავშვი სწავლობს სხვა ადამიანის ყურებით, მიბაძვით.

- რა უნდა გავაკეთოთ იმისათვის რომ ბავშვებს სწავლის მოტივაცია ავუმაღლოთ?

- პირველ რიგში უნდა გავიგოთ ბავშვის ინტერესები. ჯერ უნდა გავარკვიოთ, რა არის მისი მიზანი, რას უნდა მიღწიოს. შემდეგ კი ამ მიზნის მიღწევის გზა უნდა დავანახოთ რომ სწავლაშია. თუ ბავშვმა არ იცის რომ წარმატების მიღწევაში მას სწავლა და სხვა უნარ-ჩვევები გამოადგება, ის ამის მიმართ ინტერესს არ გამოავლენს. გარდა ამისა, საოცარი გარემოა „მაკდონალდსში“. ბავშვები, პატარები რომ მყავდა, ხშირად დაბადების დღეები „მაკდონალდსში“ გადამიხდია და ყოველთვის ძალიან კმაყოფილი და ბედნიერები წამოვსულვართ. ჟრიამული, ბედნიერი ბავშვები, მათზე მზრუნველი პერსონალი - მეტი რა გვინდა. მაკდონალდსის გარემო ბავშვებისთვის პირველ რიგში არის კონტაქტის საშუალება და თავისუფლება. ამ სივრცეში ბავშვებს იმ დოზით თავისუფლებას ვაძლევთ, რაც ხშირად სხვა სივრცეებში არ აქვთ.

- ბავშვების სიყვარული კომპიუტერებისა და გაჯეტების მიმართ როგორ უნდა ჩავანაცვლოთ წიგნის სიყვარულით?

- წიგნის კითხვის შეყვარების მხოლოდ ერთადერთი რეცეპტი მაქვს. ბავშვს პატარაობიდანვე უნდა დაუჯდე და უკითხო წიგნები. მხოლოდ მითითება, რომ წიგნი წაიკითხე, ეს უსარგებლოა. ყველაფერი უნდა აკეთოთ ერთად. ერთად ვიკითხოთ, ერთად ვითამაშოთ, ერთად დავდგათ სპექტაკლები, ამაში მთელი ოჯახი უნდა იყოს ჩართული. რაც შეეხება გაჯეტებს, აქ აუცილებლად უნდა იყოს დროის შეზღუდვა. ბავშვმა უნდა იცოდეს, რომ ის ამით დღეში ერთ საათზე მეტხანს არ უნდა იყოს დაკავებული. ბავშვმა როდესაც იცის, რომ ამ აქტივობის შემდეგ, მას უკვე მშობლის ჩართულობით სხვა აქტივობა ელოდება, ის უკვე ამას აღარ გააპროტესტებს. ყველაზე ცუდი მიდგომაა, როდესაც მშობელი ბავშვს უკრძალავს გაჯეტს და თვითონ არის მთელი დღე მასში ჩართული. ამ დროს ბავშვს უჩნდება განცდა, რომ ის დაჩაგრეს. ამიტომ ჯობს, რომ ჩვენც წიგნი ავიღოთ და ბავშვი ამაში მოგვბაძავს.

R