მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"როდესაც საქართველოს საგარეო საქმეთა მინისტრი ჩუმად ზის ლავროვის პირისპირ, ხმამაღლა არ საუბრობს ოკუპაციაზე, ეს საქართველოს ინტერესებშია?" - ექსპერტი
13:45 / 30-11-2023
ჩრდილოეთ მაკედონიის დედაქალაქ სკოპიეში ეუთოს მინისტერიალის 30-ე სხდომა დაიწყო. მინისტერიალში ორგანიზაციის მონაწილე ქვეყნების დელეგაციები მონაწილეობენ. სკოპიეში იმყოფება აშშ-ს სახელმწიფო მდივანი და უსაფრთხოებისა და საგარეო პოლიტიკის საკითხებში ევროკავშირის უმაღლესი წარმომადგენელი. ღონისძიებაზე დასასწრებად ჩრდილოეთ მაკედონიაში ჩავიდა რუსეთის საგარეო საქმეთა მინისტრი სერგეი ლავროვიც. მის ჩასვლას ინციდენტის გარეშე არ ჩაუვლია. სერგეი ლავროვის თვითმფრინავს ბულგარეთმა საჰაერო სივრცეში შესვლაზე უარი უთხრა, ამის მიზეზად კი ბორტზე მარია ზახაროვას ყოფნა დასახელდა. ოკუპანტი ქვეყნის საგარეო საქმეთა მინისტრს ეუთოს მინისტერიალზე ჩასასვლელად მარშრუტის შეცვლა დასჭირდა.
მინისტერიალის ფარგლებში 57 ქვეყნის საგარეო საქმეთა მინისტრები ევროპისა და მეზობელი რეგიონების ყველაზე მნიშვნელოვან საკითხებს განიხილავენ. მათ შორისაა უკრაინის ომი და მიგრაციის თემები.
მინისტერიალს პროტესტის ნიშნად არ ესწრება უკრაინის საგარეო საქმეთა მინისტრი. დმიტრო კულება ეუთოს მინისტერიალს ბოიკოტს უცხადებს, მასში რუსეთის საგარეო საქმეთა მინისტრის, სერგეი ლავროვის დასწრების გამო. უკრაინას სოლიდარობას უცხადებენ ბალტიის ქვეყნები და სკოპიეში გამართულ შეხვედრებში მონაწილეობას არც ისინი იღებენ.
ეუთო-ს მინისტერიალს ესწრება საქართველოს საგარეო საქმეთა მინისტრი ილია დარჩიაშვილი, რომელსაც მონაწილეობაზე უარისკენ მოუწოდებდა ოპოზიციურმა პარტია "ლელო". პარტიის ოფისში გამართულ ბრიფინგზე "ლელოს" წარმომადგენელმა გრიგოლ გეგელიამ საქართველოს მთავრობას მოუწოდა, მიბაძოს უკრაინის, ლიეტუვის, ლატვიისა და ესტონეთის გადაწყვეტილებას და ბოიკოტი გამოუცხადოს სხდომას. ამასთანავე, პოლიტიკოსმა თქვა, რომ თუ ილია დარჩიაშვილი დაესწრება ეუთოს საგარეო საქმეთა მინისტერიალს, უნდა ჰქონდეს ძალიან მკაფიო ანტირუსული გზავნილები და გამოხატოს ბოიკოტი რუსეთის წინააღმდეგ, რაც შეიძლება სხდომის დატოვებაში გამოიხატოს.
მმართველი პარტია "ქართული ოცნების“ თავმჯდომარის, ირაკლი კობახიძის შეფასებით, ეუთოს ფორმატი და სხვა ფორმატებიც უნდა გამოიყენებოდეს საქართველოს ეროვნული ინტერესების დასაცავად. ასე გამოეხმაურა იგი პარლამენტში მედიის მიერ დასმულ კითხვას, უნდა მიიღოს თუ არა საქართველოს საგარეო საქმეთა მინისტრმა მონაწილეობა ეუთოს საგარეო საქმეთა მინისტრების საბჭოს შეხვედრაში, რომელსაც უკრაინა და ბალტიისპირეთის ქვეყნები ბოიკოტს უცხადებენ, რუსეთის საგარეო საქმე მინისტრის, სერგეი ლავროვის მონაწილეობის გამო.
კობახიძის განცხადებით, საქართველო ეუთოს წევრი ქვეყანაა, გარდა ამისა, სკოპიეში სამიტს დაესწრებიან აშშ-ის სახელმწიფო მდივანი ენტონი ბლინკენი და ევროკავშირის საგარეო-პოლიტიკური ხელმძღვანელი ჟოზეპ ბორელი.
"გამომდინარე იქიდან, რომ ნებისმიერი ფორმატი უნდა იქნეს გამოყენებული ჩვენი ეროვნული ინტერესების დასაცავად. როცა იქ ჩადიან ბლინკენი და ბორელი და არ ჩადის საქართველოს საგარეო საქმეთა მინისტრი, მინიმუმ გაუგებარი იქნება ასეთი რამ. ეუთო არის ის ფორმატი, სადაც განიხილება, პირველ რიგში, უსაფრთხოების საკითხები და მუდმივ რეჟიმში ჩვენი მხრიდან ეს ფორმატი გამოიყენება იმისათვის, რომ საერთაშორისო საზოგადოების ყურადღება გავამახვილოთ ჩვენს ეროვნულ საკითხებზე. მათ შორის ერთ-ერთი პრიორიტეტული საკითხი, რა თქმა უნდა, არის ჩვენი ტერიტორიების ოკუპაცია“, - განაცხადა ირაკლი კობახიძემ.
მინისტერიალის თაობაზე "სტრატეგიული ანალიზის ცენტრის“ დამფუძნებელმა, გიორგი რუხაძემ "პალიტრანიუსის“ გადაცემა "დღის ნიუსრუმში“ ისაუბრა. ის ჩრდილოეთ მაკედონიის დედაქალაქ სკოპიეში მიმდინარე ხდომაზე საგარეო საქმეთა მინისტრის, ილია დარჩიაშვილის დასწრებასაც გამოეხმაურა.
როგორც მან აღნიშნა, ილია დარჩიაშვილი არ გამოირჩევა რუსეთის მიმართ კრიტიკული ტონით, შესაბამისად, მისი შეფასებით, ეუთო-ს მინისტერიალზე მინისტრი "იმას გააკეთებს, რაც აქამდე გაუკეთებია“.
მისი განმარტებით, უკეთესი იქნებოდა, თუ საქართველო ბალტიისპირეთის ქვეყნების და უკრაინის პოზიციას დაიკავებდა.
"ალბათ, ყველაზე სწორი იქნებოდა, თუ საქართველო დაიკავებდა ისეთ პოზიციას, როგორც დაიკავა უკრაინამ ან ბალტიის სახელმწიფოებმა, აქედან გამომდინარე, რომ საქართველოს აქვს ძალიან კონკრეტული მიზეზი, რატომ არ უნდა იჯდეს ჩვენი საგარეო უწყების ხელმძღვანელი რუსეთის საგარეო უწყების ხელმძღვანელთა პირისპირ. ყველაფერს, რომ თავი დავანებოთ, მარტო თამაზ გინტურის სიკვდილი არის საკმარისი იმისთვის, რომ შენ რაღაც ფორმით გამოხატო პროტესტი. გასაგებია, რომ ვიღაცამ შეიძლება თქვას, რადგან ეს საერთაშორისო ფორმატია, იქ არის მათ შორის, ევროკავშირის სხვადასხვა ქვეყნის წარმომადგენლები, ჩვენი საგარეო უწყების წარმომადგენელიც იყოს. მონაწილეობას და არ მონაწილეობასაც რაღაც აზრი უნდა ჰქონდეს, რომლითაც შენ შენი ქვეყნის ინტერესებს ატარებ, არმონაწილეობას ის გამართლება ექნებოდა, რომ შენ როგორც ოკუპირებული ქვეყანა, უკრაინის მსგავსად დადგებოდი უკრაინასთან და ბალტიისპირეთის სახელმწიფოებთან ერთად და იტყოდი, რომ რადგან ამას აკეთებს რუსეთი - მე აი, ამიტომ ამ შეკრებას ბოიკოტს ვუცხადებ. ეს იქნებოდა გასაგები, ჩემთვისაც ეს იქნებოდა მისაღები. მეორე ვარიანტი, მონაწილეობაც გასაგები და მისაღები იქნებოდა, თუ ამ მონაწილეობას აზრი ექნებოდა, ის კი არა, რომ რაღაც მორცხვი ბავშვივით კუთხეში აიტუზება და ხმას არ ამოიღებს და მერე შეიძლება თქვას, რომ "უიმე, დედა ჩვენ მშვიდობა გვინდა და ომი არ გვინდა და კარგი ხალხი ვართ“. თუ ამის სათქმელად ჩავიდა, სჯობდა, რომ არ ჩასულიყო. თუ ის ასე ვთქვათ, ადგება და ლავროვს სილას გააწნის (ვერბალურად ვგულისხმობ) და სათქმელს იტყვის, ამ მხრივ საქართველო გამოირჩევა, რა თქმა უნდა, ეს კარგი იქნება. მე ამის იმედი არ მაქვს, შესაბამისად, ამ კონტექსტში ბუნებრივია სჯობდა, რომ არ წასულიყო და საქართველო აღმოჩნდებოდა ისეთი ქვეყნების გვერდით, როგორიც არის ესტონეთი, ლიტვა, ლატვია და უკრაინა, ეს იქნებოდა კარგი.
როდესაც საქართველოს საგარეო საქმეთა მინისტრი ჩუმად ზის რუსეთის საგარეო საქმეთა მინისტრის პირისპირ, ხმამაღლა არ საუბრობს ოკუპაციაზე, არ ამბობს, რომ ამ ადამიანის უბრალოდ აქ ჯდომა მიუღებელია, ეს საქართველოს ინტერესებშია? ის არის საქართველოს ინტერესებში, რომ გუშინ და გუშინწინ რუსეთის დუმიდან დაწყებული, რომ არ დარჩა არცერთი უწყება რუსეთში ზახაროვას ჩათვლით, რომელიც არ აქებს საქართველოს ხელისუფლებას და ამბობს, რომ "რა კარგად იქცევაო“, ეს არის საქართველოს ინტერესებში?
რაც შეეხება დარჩიაშვილი რას გააკეთებს? - რაც აქამდე გაუკეთებია, იმას გააკეთებს. აქამდე მისი არცერთი გამორჩეული ნაბიჯი არ მახსოვს, განსაკუთრებით რუსეთთან მიმართებით და საერთოდ მისი კრიტიკული ტონი არ მახსოვს. მარტო რუსეთთან კი არა, საერთოდ არ მახსოვს მისი კრიტიკული ტონი.
დღეს რუსეთი მართლა კეთროვანი და გარიყულია. მცირე შემთხვევები არის, მაგალითად: ეუთო-ს მინისტერიალი, ოღონდ ეუთო-ს მინისტერიალზეც, როგორ მოექცევიან ლავროვს, მაგასაც დავინახავთ. მე დარწმუნებული ვარ, რომ ძალიან ბევრი ქვეყნის წარმომადგენელი მას პირდაპირ შეაფურთხებს, (არა პირდაპირი გაგებით, მაგრამ დამოკიდებულება იქნება ასეთი) მას მოექცევიან ისე, როგორც არარაობას და ეს იქნება სწორი. პირველ რიგში, საქართველო უნდა ექცეოდეს ლავროვს, როგორც არარაობას და ეს სწორი იქნება. როგორც საქართველო იქცევა, ეს არის არასწორი“, - განაცხადა რუხაძემ.
იხილეთ ასევე:
მკითხველის კომენტარები /
60 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ასეთი ექსპერტები რომ ყავს ოპოზიციას იმიტო აქვთ შესაბამისი რეიტინგიც.არჩევნებამდე ეცადეთ გაანულოთ თქვენი მხარდამჭერების რიცხვი აბა ჰე და აბა ჰო.
რაო ბატონო ექსპერტებო, ნაციონალებო და ხალხმოძულეებო, აბა რა უნდა ექნა დარჩიაშვილს, წყალი მიესხა ლავროვისთვის თუ დედა ეგინებინა თქვე ვაიპატრიოტებო და უვიცებო