პერუში 4 მუმიფიცირებული ბავშვის ცხედარი იპოვეს - რას ამბობენ მეცნიერები უცნაური აღმოჩენის შესახებ: "ითვლება, რომ ისინი სულ მცირე 1000 წლის არიან"
პერუში, ლიმას ერთ-ერთ უძველეს უბანში 4 მუმიფიცირებული ბავშვის სხეული აღმოაჩინეს - ითვლება, რომ ისინი სულ მცირე 1000 წლის არიან.
მჭიდრო დასახლებაში დაწყებული არქეოლოგიური სამუშაოები ქვეყნის ერთ-ერთი საუკეთესო საფეხბურთო გუნდის Sporting Cristal-ის სავარჯიშო სტადიონთან მიმდინარეობს. აღმოჩენილი მუმიების საფლავები შემაღლებულ გორაკზე იპოვეს.
მკვლევარები თვლიან, რომ ბავშვები იჩმას (ინკების პერიოდამდე მცხოვრები ხალხის საზოგადოება) კულტურის ნაწილი იყვნენ. მათი ნაშთები შემაღლებულ გორაკზე, ზრდასრული ადამიანის მუმიის გვერდით იპოვეს. არქეოლოგების თქმით, ცხედრებს არანაირი კავშირი არ აქვთ მსხვერპლშეწირვასთან.
"მუმიის დამუშავებისა და მუმიფიცირებული ადამიანის დაკრძალვის სრულიად განსხვავებული მიდგომა აღმოვაჩინეთ ამ მუმიების სახით. მათი ბალზამირების საშუალებები, შეხვევისას გამოყენებული ტექნოლოგია და მასალა განსხვავდება პერუში სხვა დროს ნაპოვნი ნაშთებისგან. მალე ალბათ, მიმდებარე ტერიტორიების გათხრასაც დავიწყებთ. ვფიქრობთ, რომ ეს დასახლება მხოლოდ ამ 5 მუმიით არ შემოიფარგლება“,- აცხადებს არქეოლოგთა გუნდის ხელმძღვანელი ლუის ტაკუდა.
ლიმა სავსეა მდიდარი არქეოლოგიური ძეგლებით; 2023 წელს ქალაქსა და მის შემოგარენში კიდევ რამდენიმე მუმია აღმოაჩინეს. რამდენიმე თვის წინ, არქეოლოგებმა ლიმაში 3000 წლის მუმია აღმოაჩინეს. ლიმას მდიდარი ისტორიის მიუხედავად, პერუში ყველაზე ცნობილია მე-15 საუკუნის შუა ხანებში გაშენებული მაჩუ-პიქჩუ, რომელიც ქვეყნის უდიდესი ტურისტული ღირსშესანიშნაობაა...წყარო