"საქართველომ უნდა იპოვოს დამნაშავეები, ჩვენ ვუდგავართ ქართველ ხალხს გვერდით" - რა თქვა ოლივერ ვარჰეიმ ოკუპანტების მიერ თამაზ გინტურის მკვლელობაზე?

ევროკავშირის გაფართოების შესახებ ევროკომისიის ყოველწლიური ანგარიში გამოქვეყნდა. ანგარიშის მიხედვით, ევროკომისიამ საქართველოსთვის ევროკავშირის წევრობის კანდიდატი ქვეყნის სტატუსის მინიჭების რეკომენდაცია გასცა, - ამის თაობაზე ევროკომისიის ხელმძღვანელობამ სპეციალური პრესკონფერენცია გაიმართა, რომელზეც ქართველმა ჟურნალისტმა ქეთი ქარდავამ რუსი ოკუპანტების მიერ ახალხან მოკლულ თამაზ გინტურზეც დასვა შეკითხვა, რომელზეც სამეზობლო პოლიტიკისა და გაფართოების საკითხებში ევროკომისარმა, ოლივერ ვარჰეიმ განაცხადა:

"ჩვენ თვალს ვადევნებთ საქართველოში მიმდინარე მოვლენებს, ვიცით, რაც მოხდა, ეს არის შემაშფოთებელი ამბავი, იმ ტერიტორიაზე, რომელსაც აკონტროლებს საქართველოს მთავრობა. ვფიქრობთ, რომ საქართველომ უნდა იპოვოს დამნაშავეები, ჩვენ ვუდგავართ ქართველ ხალხს და საქართველოს გვერდით“.

იხილეთ ასევე:

• "ლომისა შენს ძალას ვენაცვალე... რაზე ჩაკეტეს ეს კარი" - საოკუპაციო ძალების მედია თამაზ გინტურისა და ლევან დოთიაშვილის კადრებს ავრცელებს