1
აპრილიდღის ზოგადი ასტროლოგიური პროგნოზი
მეცნიერებმა საშვილოსნოს ყელის კიბოს სამკურნალოდ ახალი მედიკამენტების კურსი შექმნეს - ბოლო ორი ათწლეულის განმავლობაში, ეს ამ დაავადების მკურნალობის ყველაზე დიდი მიღწევაა.
- ჩვეულებრივ დადგენილი სხივური თერაპიის გარდა, რომელსაც თან ახლავს ბევრი ძალიან უსიამოვნო გვერდითი მოვლენა, რეკომენდებულია შედარებით იაფი მედიკამენტების კომპლექტის გამოყენება, რაც მნიშვნელოვნად ზრდის მკურნალობის ეფექტიანობას.
ევროპის სამედიცინო ონკოლოგთა საზოგადოების (ESMO) შეხვედრაზე წარმოდგენილი კლინიკური კვლევების მონაცემები აშკარად მიუთითებს შემოთავაზებული თერაპიის ეფექტურობაზე: მკურნალობა ზრდის პაციენტის გამოჯანმრთელების შანსებს მესამედზე მეტით (35%).
საშვილოსნოს ყელის კიბო მსოფლიოში ერთ-ერთი ყველაზე გავრცელებული დაავადებაა. სხვა სიტყვებით რომ ვთქვათ, ბევრ პაციენტში ავთვისებიანი სიმსივნე ლოკალიზებულია სწორედ ამ ადგილას.
მიუხედავად იმისა, რომ რადიაციული თერაპიის ეფექტურობა მნიშვნელოვნად გაიზარდა ბოლო ნახევარი საუკუნის განმავლობაში, დაავადება პაციენტების თითქმის მესამედს მკურნალობის შემდგე ისევ უბრუნდება.
რადიაციული თერაპიის კურსის დაწყებამდე ახალი მედიკამენტის მიღება დაავადების დაბრუნების შანსებს ამცირებს. "ყველაზე მნიშვნელოვანი ფაქტორი ნებისმიერი კიბოს მკურნალობისას არის დრო", - შეახსენა აუდიტორიას Cancer Research UK-ის აღმასრულებელმა დირექტორმა იან ფოუკსმა.
”მზარდი მტკიცებულება ვარაუდობს, რომ კიბოს ზოგიერთი სხვა სახეობის შემთხვევაში, შესაძლოა სასარგებლო იყოს [მედიკამენტების] დამატებითი კურსის მიღება, სანამ მიმართავთ სხივურ თერაპიას ან ოპერაციას. ამ მიდგომას შეუძლია მნიშვნელოვნად შეამციროს კიბოს დაბრუნების ალბათობა“, - აღნიშნა ფოუკსმა.
- ჩატარებულ კვლევაში 500 ქალი მონაწილეობდა: მათგან ნახევარს – 250 პაციენტს, მკურნალობის "ჩვეულებრივი" კურსი ურჩიეს. ანუ ე.წ ქიმიორადიოთერაპია: ჯერ რადიაციული ზემოქმედების კურსი (ბრაქითერაპია), შემდეგ კი - ცისპლატინის ყოველკვირეული დოზა.
მეორე ნახევარს თავდაპირველად დაუნიშნეს ორი სხვა წამლის ინტენსიური ექვსკვირიანი კურსი: კარბოპლატინი და პაკლიტაქსელი (ორივე ასევე ფართოდ გამოიყენებოდა ონკოლოგიაში ათწლეულების მანძილზე). ხუთი წლის შემდეგ ექიმებმა შეაჯამეს წინასწარი შედეგები.
იმ პაციენტებიდან, რომლებიც იღებდნენ სტანდარტულ მკურნალობას, მეოთხედზე მეტი (28%) გარდაიცვალა, ყოველ მესამეს (36%) დაავადება დაუბრუნდა.
ქალთაგან, რომლებმაც წამლით მკურნალობის დამატებითი კურსი გაიარეს, პაციენტთა თითქმის სამ მეოთხედს (73%) განუვითარდა სტაბილური რემისია, ანუ სიმსივნე არ დაბრუნდა.
ლონდონის კიბოს ინსტიტუტის საუნივერსიტეტო კოლეჯის წამყვანი მკვლევარის მერი მაკკორმაკის თქმით, კვლევა "გვიჩვენებს, რომ დამატებითი წამლის მკურნალობის ხანმოკლე კურსს, რომელიც მიიღება უშუალოდ სტანდარტული ქიმიორადიოთერაპიის დაწყებამდე, შეუძლია შეამციროს პაციენტის კიბოს დაბრუნების ან სიკვდილის რისკი 35%-ით".
კი ნამდვილად დიდი მიღწევებია. მნიშვნელოვანი გახანგრძლივება რემისიის და შესაბამისად სიცოცლის გახანგრძლივების ამ დაავადებოს მქონე ავადმყოფებში. აქვე რუსთა მოყვარულებს მივმართავ - გახრწნილი დასავლეთი, არა??
საქართველოში როდის შემოვა ეს წამლები და როდის დაიწყება ამ მედიკამენტებით მკურნალობა.