მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ისრაელისა და ლიბანს შორის დაძაბულობა იზრდება: ორ ქვეყანას შორის საზღვარი შესაძლოა ახალ ფრონტად იქცეს - "ყველაფერი დამოკიდებულია იმაზე, თუ რა მოხდება ღაზაში"
13:35 / 21-10-2023
ისრაელისა და ლიბანის საზღვარზე უკვე რამდენიმე დღეა დაძაბულობა იზრდება. ტერორისტებსა და ისრაელის არმიას შორის შეტაკებები აჩენს შიშს, რომ დაპირისპირება შეიძლება გადაიზარდოს სრულმასშტაბიან კონფლიქტში.
"ჰეზბოლას“ გააქტიურების გამო, ისრაელმა ქალაქ კირიათ შმონას ევაკუაცია გამოაცხადა, რომელიც ქვეყნის ჩრდილოეთით, ლიბანის საზღვართან მდებარეობს.
სამხედროების განცხადებით, ევაკუირებულები სასტუმროებში სახელმწიფოს ხარჯზე განთავსდებიან. კირიათ შმონაში დაახლოებით 20 ათასი ადამიანი ცხოვრობს, მაგრამ ბევრმა უკვე დატოვა ქალაქი ლიბანის ტერიტორიიდან განხორციელებული მუდმივი სარაკეტო თავდასხმების გამო.
წუხელ, ისრაელის ავიაციამ იერიში მიიტანა ჰებზოლას პოზიციებზე, რომლებიც, გავრცელებული ინფორმაციით, ისრაელის მიმართულებით ტანკსაწინააღმდეგო რაკეტების გაშვებას გეგმავდნენ. შედეგად, ისრაელის სამხედროების ცნობით, სამი ტერორისტი დაიღუპა. ლიბანურმა მხარემ განაცხადა, რომ თავდასხმის შედეგად ერთი ჟურნალისტი გარდაიცვალა.
ლიბანის საზღვრიდან 4 კილომეტრში, ქალაქ ბინტ ჯუბაილში ქუჩები დაცარიელებულია, მაღაზიების უმეტესობა კი დაკეტილი. თუმცა არიან ისეთებიც, ვინც ქალაქის დატოვებაზე უარს ამბობს.
”სანამ სიტუაცია კონტროლიდან არ გამოვა, არსად წასვლას არ ვაპირებ”, - განუცხადა BBC-ის ჟურნალისტს მუჰამედ ბაიდუნმა - "მთელი გულით მჯერა, რომ "ჰეზბოლა" დაგვიცავს“.
ისრაელი ყოველთვის განიხილავდა "ჰეზბოლას" როგორც ჰამასზე ბევრად სერიოზულ ძალას. მართლაც, ეს დაჯგუფება ფლობს იარაღის უზარმაზარ არსენალს და ჰყავს ათიათასობით კარგად გაწვრთნილი მებრძოლი. თუმცა, ჯერჯერობით, "ჰეზბოლას" მოქმედებები მხოლოდ საზღვრისპირა დარტყმებით შემოიფარგლება. ამ შეტაკებებს უკვე მოჰყვა მსხვერპლი ორივე მხრიდან, მათ შორის მშვიდობიანი მოსახლეობა.
ჰეზბოლასთან დაახლოებულმა წყარომ BBC-ის ჟურნალისტს განუცხადა, რომ ჯგუფის ქმედებები დამოკიდებული იქნება იმაზე, თუ რა მოხდება ღაზაში.
"თუ ისრაელი ღაზაში შეიჭრება, ეს რეგიონულ კატასტროფას გამოიწვევს“, - თქვა წყარომ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ეს ცხოველები გავეშებულები რომ მიიწევენ ღაზას სექტორში არაბების დასახმარებლად! ეკონომიკურად დაეხმარონ! იზრაელს რომ გერად შეეტენა! რომ გაწყვიტოს იზრაელმა ღაზასთან ყველანაირი ურთიერთობა! იზრაელის ტერიტორიზე გაჩნდება ბევრად სახიფათო " ოლქი " ! მერე! გვირაბები საბავშვო "ტუნელობა იქნება!!!