მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ბაროკოს მუსიკალური ფესტივალი საქართველოში უკვე მე-9-ედ ტარდება
14:17 / 20-10-2023
თბილისის სახელმწიფო კამერული ორკესტრი „საქართველოს სინფონიეტა“, საქართველოს კულტურის, სპორტისა და ახალგაზრდობის სამინისტროს, თბილისის მერიის, იტალიისა და გერმანიის საელჩოების მხარდაჭერით, 20 სექტემბრიდან 30 ნოემბრის ჩათვლით, თბილისის სახელმწიფო კონსერვატორიის დიდ დარბაზში და რუსთაველის ეროვნული თეატრის მცირე სცენაზე, „თბილისის ბაროკო ფესტივალს“ ატარებს.
„თბილისის ბაროკო ფესტივალი“ 2015 წელს, საქართველოს კულტურის სამინისტრო მხარდაჭერით დაარსდა და მას შემდეგ ყოველწლიურად ტარდება. ფესტივალს სტუმრებენ მსოფლიოში აღიარებული ძველებური მუსიკის შემსრულებლები და სპეციალისტები. ამ 9 წლის განმავლობაში, ფესტივალის ფარგლებში უკვე არაერთმა მსოფლიო ვარსკვლავმა და ანსამბლმა გამართა კონცერტი, მათ შორის არის: ჟორდი სავალი, ქრისტინა ბუში, დავიდე ამადიო, ჟან რონდო, ორკესტრი „ძველი მუსიკის აკადემია“ (AKAMUS), ანსამბლი ZEFIRO და სხვა.
ფესტივალი, 20 სექტემბერს, თბილისის სახელმწიფო კონსერვატორიის დიდ დარბაზში, იტალიური ბაროკოს კონცერტით გაიხსნა. „საქართველოს სინფონიეტასთან“ ერთად კონცერტში მონაწილეობდნენ იტალიელი და პოლონელი ვარსკვლავები: სერჯო აცოლინი, ფაგოტი (იტალია), ფრანჩესკო გალიჯონი, ჩელო (იტალია), დიეგო კანტალუპი, თეორბო (იტალია), ალინა რატკოვსკა, კლავესინი (პოლონეთი). ამ საღამოს, ფრანჩესკო ჯემინიანის, ჯოვანი ბენედეტო პლატის მუსიკასთან ერთად ბენედეტო მარჩელოს ახლადაღმოჩენილი ნაწარმოებების მსოფლიო პრემიერა შედგა.
რიგით მე-9 „თბილისის ბაროკო ფესტივალი“, 10 ნოემბერს, რუსთაველის ეროვნული თეატრის მცირე დარბაზში მრავალფეროვანი პროგრამით გაგრძელდება: 10 ნოემბერს, ფესტივალს ქართული და ევროპული საეკლესიო მუსიკის კონცერტი გახსნის, სადაც „საქართველოს სინფონიეტასთან“ ერთად, მსმენელების წინაშე, ანსამბლი „სახიობა“, თბილისის სახელმწიფო კონსერვატორიის სტუდენტთა გუნდი (ხელმძღვანელი - ლიანა ჭონიშვილი) და გერმანელი დირიჟორი - კორნელია ფონ კერსენბროკი წარდგებიან, კონცერტის პირველ განყოფილებაში ქართული ტრადიციული სიმღერა-გალობა, ხოლო მეორე განყოფილებაში, პირველად საქართველოში, კალდარა/ზელენკას „განგების მესა“ შესრულდება; 15 ნოემბერს, როგორც საორკესტრო, ასევე საოპერო მუსიკა აჟღერდება კონცერტზე - Opera Gala, სადაც აზერბაიჯანელი სტუმრები: ფარიდა მამედოვა (სოპრანო), ილჰამ ნაზაროვი (კონტრტენორი) და ეიუბ გულიევი (დირიჟორი) მონაწილეობენ; 24 ნოემბერს განსაკუთრებული საღამო გველოდება, „საქართველოს სინფონიეტა“, ყველასთვის ცნობილ და საყვარელ ზურა ბალანჩივაძესთან (მთხრობელი) ერთად სპეციალურად ბავშვებისთვის გამართავენ კონცერტს - „ბაროკო ბავშვებისთვის“; 27 ნოემბერის კონცერტი, ბაროკოს ეპოქის ერთ-ერთი გამორჩეული კომპოზიტორის, გეორგ ფილიპ ტელემანის შემოქმედებას დაეთმობა, სადაც გერმანელი მევიოლინე ქრისტინე ბუში და კლავესინისტი იორგ ჰალუბეკი, „საქართველოს სინფონიეტას“ სოლისტებთან ერთად ტელემანის მუსიკას შემოგვთავაზებენ; ფესტივალი საზეიმოდ, 30 ნოემბერს დაიხურება და დასკვნით კონცერტზე, თბილისის სახელმწიფო კამერული ორკესტრი - „საქართველოს სინფონიეტა“, გერმანიიდან ჩამოსულ სოლისტებთან: ქრისტინე ბუშთან (ვიოლინო) და იორგ ჰალუბეკთან (კლავესინი) ერთად ლეკლერის, ტელემანის, ბახისა და პერსელის მუსიკას შეასრულებენ.
მრავალფეროვანი კონცერტების გარდა, ფესტივალის ფარგლებში, მასტერკლასები და საჯარო ლექციები ჩატარდება. საჯარო ლექციები, თბილისის მუზეუმების გაერთიანების მხარდაჭერით, სხვადასხვა მუზეუმში გაიმართება: 16 ნოემბერს, 19:00-ზე, ილია ჭავჭავაძის ლიტერატურულ - მემორიალური მუზეუმი, სოციალური მეცნიერებების დოქტორს, ბატონ მალხაზ ერქვანიძეს უმასპინძლებს და ქართულ ტრადისიულ მუსიკაზე ისაუბრებს; 20 ნოემბერს, 17:00-ზე, თბილისის სახელმწიფო კონსერვატორიის ასოციერებული პროფესორი, გვანცა ღვინჯილია, ნიკოლოზ ბარათაშვილის მემორიალური სახლ - მუზეუში, ბახის „მათეს პასიონზე“ გამართავს საჯარო ლექციას; 25 ნოემბერს, 19:00-ზე კი, მუსიკოსი შიო აბრახამია, ევროპულ და ქართულ ვოკალურ მუსიკაზე ისაუბრებს ზაქარია ფალიაშვილის მემორიალური სახლ - მუზეუმში. საჯარო ლექციებზე დასწერება თავისუფალია.
10 ნოემბრიდან 30 ნოემბრის ჩათვლით, საფესტივალო კონცერტები რუსთაველის ეროვნული თეატრის მცირე დარბაზში ჩატარდება, დასაწყისი 19:30.
კონცერტების ბილეთების შეძენა შესაძლებელია პორტალზე www.biletebi.ge
R
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
