როგორ მოვაწყოთ ბინა ისე, რომ ერთდროულად იყოს თანამედროვე, ხარისხიანი და ბიუჯეტური - რჩევები დიზაინერისგან
ბინის რემონტი ყოველთვის ბევრ ფიქრთან, გაუთვალისწინებელ პრობლემებთან და რაც მთავარია, დიდ ქაოსთან ასოცირდება, რაც სამუშაო პროცესს არც თუ ისე სასიამოვნოს ხდის. ამას ემატება, ხარჯები, რომლის წინასწარ გათვლა თითქოს, წარმოუდგენელიც კი არის.
პროექტირება, ფერებისა, თუ მასალის შერჩევაც დიდი დროსა და ენერგიას მოითხოვს, მით უფრო, თუ გვინდა, რომ საბოლოო შედეგი თანამედროვეობისა და ხარისხის გამოწვევებს ბიუჯეტურადაც პასუხობდეს.
როგორც T-სტუდიოს დიზაინერი გვეუბნება, ბინის იდეალურად მოწყობის საიდუმლო, ფუნქციურობასა და სიმარტივეშია, რასაც კომპანიის დიზაინერები სხვადასხვა პროექტზე მუშაობისას ყოველთვის იყენებენ.
მართალია, კომპანია დიდი ხანი არ არის რაც ქართულ ბაზარზე გამოჩნდა, მაგრამ განსხვავებული მიდგომებით, კომფორტულობითა და რემონტის სასიამოვნო პროცესად ქცევაში, საკუთარი თავის დამკვიდრება უკვე შეძლო.
სწორედ ამიტომ, გთავაზობთ, T-სტუდიოს არქიტექტორ-დიზაინერის, ვახო შამანაურის რამდენიმე რჩევას, რომელიც ბინის რემონტისას აუცილებლად გამოგადგებათ!
როდესაც ვიწყებთ ბინის რემონტს, პირველ რიგში უნდა გავითვალისწინოთ ...
ბინის რემონტის დაწყებისას აუცილებლად უნდა განისაზღვროს მობინადრეთა საჭიროებები და მოთხოვნილებები, შემდეგ კი თითოეული მობინადრის გემოვნების თავისებურებები პროექტირებისას შესაბამისად ავსახოთ.
რა თქმა უნდა, დაგეგმვისას, ფუნქციური და ვიზუალური კონცეფცია უნდა მოერგოს არქიტექტურულ, ასევე, საინჟინრო სტანდარტებსა და ჩარჩოებს.
მცირე ფართის შემთხვევაში, როგორ ავითვისოთ სივრცე ისე, რომ ბინა მაქსიმალურად კომფორტული გამოვიდეს
გარდა სივრცის პრაქტიკულად განაწილებისა, შეიძლება გამოვიყენოთ ე.წ ჭკვიანი ავეჯი, რომელსაც გააჩნია ტრანსფორმირების ფუნქცია, დიზაინი შევიმუშაოთ ღია ფერებში, რომელიც ოპტიკურად მცირე ფართს დიდი ზომისად წარმოაჩენს.
რა ფერების და მასალის გამოყენებაა რეკომენდებული მცირე ფართის ბინის შემთხვევაში?
ამ შემთხვევაში მთავარი მაინც ძირითადი, წამყვანი ფერია, რომელიც უმჯობესია მაქსიმალურად ღია იყოს, ასევე დიდ სარკეებს შეუძლიათ ფართის ორმაგი ზომის ილუზიის შექმნა, მასალის შემთხვევაში შეზღუდულები არ ვართ.
ხშირად, რემონტისას იყენებენ იმ კონკრეტული დროისთვის ტრენდულ ფერებსა და დიზაინს, თუმცა შეიძლება ძალიან მალე, ეს ისეთი „მოდური“ სულაც აღარ იყოს. რას გვირჩევთ, რაზე გავაკეთოთ აქცენტი, არის თუ კონკრეტული ფერები, ან დიზაინის დეტალები, რომელიც ყოველთვის თანამედროვე იქნება?
აქ გამოსავალი ორ დეტალშია. პირველი: დიზაინი უნდა შემუშავდეს კონკრეტული ფუნქციით, ასევე დამკვეთის გემოვნებით და არა რაიმე კონკრეტული ტრენდის მიხედვით და მეორე: სჯობს დიზაინი მაქსიმალურად მოქნილი და მარტივი იყოს, კონკრეტული ფუნქციის მატარებელი და არა ვიზუალური ეფექტის მოხდენაზე ორიენტირებული.
ძალიან მნიშვნელოვანია მასალების ხარისხი, რა კრიტერიუმებით ავარჩიოთ ის და რა უნდა გავითვალისწინოთ?
ხარისხი უნდა განისაზღვროს იმით, თუ სად არის ეს კონკრეტული მასალა გამოყენებული. რასაც პირდაპირი მზის სხივი ხვდება ის უნდა იყოს მზის გამძლე, სადაც ნესტია-ნესტ გამძლე, სადაც მტვერია ძალიან თეთრი ან ძალიან შავი დეტალებისგან შევიკავოთ თავი და ასე შემდეგ.
ბინის მოწყობაში რამდენად დიდი მნიშვნელობა აქვს განათებას და რა შეუძლია სწორად შერჩეულ სინათლეს?
განათება ინტერიერის დიზაინში გადამწყვეტი გახლავთ. როგორც ფუნქციური, ასევე განწყობის შექმნის თვალსაზრისით. ცუდად შერჩეული სინათლე პრობლემას გვიქმნის, როგორც ყოველდღიური საყოფაცხოვრებო აქტივობების შესრულებაში, ასევე უარყოფითად ისახება მობინადრის ხასიათზე. საჭიროა ბუნებრივი განათების მაქსიმალურად ათვისება, ხოლო ხელოვნური განათებისთვის ოქროს შუალედის პოვნა. ხშირად მარტივი გამოსავალი ერთი და იგივე ოთახში განათების სხვადასხვა ვარიაციებშია.
ავეჯით კეთილმოწყობისას, რა უნდა გავითვალისწინოთ?
საინჟინრო და არქიტექტურული სტანდარტების, ფუნქციურობის და ვიზუალის გარდა კომფორტი და ხელმისაწვდომობა. ავეჯმა საკუთარი ფუნქცია ისე უნდა შეასრულოს, რომ ადამიანს ზედმეტი მოძრაობა და წვალება არ მოუწიოს. ტახტიდან კარგად უნდა ჩანდეს ტელევიზორი, მაცივარი ახლოს უნდა იყოს სასადილო მაგიდასთან და ასე შემდეგ.
და ბოლოს, შესაძლებელია თუ არა ბიუჯეტურად სახლის მოწყობა ისე, რომ ერთდროულად იყოს თანამედროვე, დროში არ გაიწელოს და რაც მთავარია, ხარისხიანად იყოს გაკეთებული? (როგორ?)
რა თქმა უნდა, შესაძლებელია. როგორც ზემოთ აღვნიშნეთ, პასუხი აქაც ფუნქციურობასა და სიმარტივეშია. ყველაფერს თავისი დანიშნულება უნდა ჰქონდეს, ასე უნდა მივაღწიოთ ესთეტიკურ ვიზუალსაც. ამ მიდგომით შევძლებთ ვიმყოფინოთ ცოტა რამ, რაც მოგვცემს საშუალებას უფრო ხარისხიანი იყოს ყველაფერი. ბევრი განათებითა და ძვირადღირებული მასალებით კი არა, არამედ, სწორად შერჩეული ფერებითა და სინათლეებით... ყველაფერი მარტივი გენიალურია. თანამედროვე სტილი მინიმალისტურია. სწორი მენეჯმენტით რემონტი სწრაფადაც შესრულდება, ხარისხიანიც იქნება და თანამედროვეც.
ცნობისთვის, T-სტუდიო არის კომპანია, რომელიც მომხმარებლებს სრულ სამშენებლო მომსახურებას ერთ სივრცეში სთავაზობს. არქიტექტურას, პროექტირებას, მშენებლობას, სამშენებლო და სარემონტო ხარჯთაღრიცხვას, ინტერიერის დიზაინს, ერთი სიტყვით, სრულ სარემონტო სამუშაოებს, თქვენი სურვილის შემთხვევაში, T-სტუდიო საკუთარ თავზე აიღებს.
წინასწარ გაწერილი ვადებისა და ხარჯის გათვალისწინებით, დიზაინის შექმნიდან, რემონტის დასრულებამდე, ყველა დეტალს T-სტუდიო თავად აგვარებს.
R