16
მაისიდღის ზოგადი ასტროლოგიური პროგნოზი
სერიალების ან საყვარელი ფილმების ყურება წვიმის ხმის ფონზე, სეირნობა განათებულ ხეივანში, პლედში გახვეული საღამოს საუბრები ფინჯანი ჩაის თანხლებით - დიახ, ეს შემოდგომის შემადგენელი ბედნიერებებია, რომლებიც ამ დროს კიდევ უფრო მყუდროს ხდის.
გთავაზობთ 10 ყველაზე საშემოდგომო ფილმს, რომლებიც სწორედ წელიწადის ამ დროს უნდა ნახოთ:
1. "ბოიფრენდი მომავლიდან"
არსებობს რაღაც, რისი შეცვლაც შეუძლებელია - სწორედ ამაში რწმუნდება მთავარი პერსონაჟი, რომელიც ლონდონის ერთ-ერთ პაბში თავის გულისწორს ხვდება. ფილმი გაჟღენთილია შემოდგომის ლონდონის მყუდრო ატმოსფეროთი, განუმეორებელი ბრიტანული იუმორითა და სიყვარულის უჩვეულო ისტორიით.
2. "შეპყრობილი"
ერთ-ერთი ყველაზე ლამაზი ფილმი უსასრულო ვნებაზე, რომელიც ხშირად გონებას გვიფანტავს. ნიუ-იორკის ულამაზესი კადრები და განუმეორებელი დაიან კრიუგერი, რომელიც შემოდგომის საუნდტრეკებით წვიმების სეზონს განსაკუთრებით შეგაყვარებთ.
3. "როცა ჰარი შეხვდა სალის“
ფილმი მთავარი პერსონაჟების სიყვარულზე, რომელიც წარუმატებელი პაემნით დაიწყო და 12 წელი გაგრძელდა, საბოლოოდ კი სიყვარულით დასრულდა. კადრებშია: შემოდგომის ნიუ-იორკი, მოდური პიჯაკები, მთავარი გმირების ირონიული დიალოგები და რა თქმა უნდა, რომანტიკული ქალაქის ატმოსფერო. სხვათაშორის, ფილმმა საუკეთესო სცენარისთვის ბრიტანული აკადემიის პრემია დაიმსახურა.
4. "მონა ლიზას ღიმილი“
ფილმი, რომელმაც აშშ-ში ნახვების რეიტინგი მოხსნა, ხოლო ჯულია რობერტსს უპრეცენდენტო ჰონორარი (2003 წელი) 25 მილიონი დოლარის ოდენობით მოუტანა. ფილმის სიუჟეტი მოგვითხრობს სკოლის მასწავლებელზე, რომელიც თავის მოსწავლეებს შინაგან თავისუფლებას და სიცოცხლის სიყვარულს ასწავლიდა.
5. "სახლი ტბასთან“
ერთ-ერთი ყველაზე ესთეტიური საშემოდგომო ფილმი, რომელიც ორი გმირის სიყვარულზე მოგვითხრობს. ისინი სხვადასხვა დროში, თუმცა ერთსა და იმავე სახლში ცხოვრობენ - სახლში ტბის პირას. ფიჭვის ტყით შემოსაზღვრული ულამაზესი გარემო ხდება ადგილი, სადაც მათი უხილავი შეხვედრები იმართება - მიმოწერის წყალობით.
6. "სიამაყე და ცრურწმენა"
ჯეინ ოსტინის ლეგენდარულ ნაწარმოებზე დაფუძნებული საკულტო ისტორია მე-19 საუკუნის დასაწყისში პროვინციულ ინგლისში ცხოვრებას აღწერს. ულამაზესი ელიზაბეტ ბენეტი (კირა ნაითლი), შეყვარებული ცივ და პრიმიტიულ სნობზე, მისტერ დარსიზე. რომანი, რომელიც ვითარდება შემოდგომის ინგლისური პეიზაჟების ფონზე, თავისი ჟანრის საკულტო ფილმად იქცა და ოსკარზე ოთხჯერ იყო ნომინირებული.
7. "შემოდგომა ნიუ-იორკში"
ნიუ-იორკში რესტორნის მეპატრონე განთქმულია გულგრილობითა და ერთჯერადი რომანების სიყვარულით, მაგრამ ახალგაზრდა შარლოტასთან შეხვედრა ცვლის მის ცხოვრებას და თავდაყირა აყენებს მის იდეას საკუთარი ბედნიერების შესახებ. ცენტრალური პარკის შემოდგომის ფოთლები, ნიუ-იორკის ქუჩები და ახალგაზრდა ვაინონა რაიდერი იყო იდეალური ნაზავი შემოდგომის ერთ-ერთი ყველაზე ლამაზი ფილმისთვის.
8. "ტკბილი ნოემბერი"
ამაღელვებელი ფილმი სიყვარულზე, რომლის სიუჟეტში მთავარ გმირს მძიმედ დაავადებული გოგონა შეუყვარდება. მისი ოპტიმიზმი, სილამაზე და რწმენა ეხმარება გმირს გადახედოს მის დამოკიდებულებას ცხოვრების მიმართ. ცენტრალური პარკისა და შარლიზ ტერონის კადრებმა დიდი ხანია მილიონობით გულშემატკივარი შეიძინა და კინოს ერთ-ერთი კლასიკაც გახდა.
9. "თქვენთვის წერილია"
ფილმში მოთხრობილი ამბავი შემოდგომის პერიოდში იწყება და ფოთოლცვენის ულამაზეს კადრებს გვთავაზობს. ის ინტერნეტით გაცნობილ წყვილზეა, რომლებიც რეალურ ცხოვრებაში კონკურენტები არიან.
მეგ რაიანი და ტომ ჰენკსი შესანიშნავ ტანდემს ქმნიან.
10. "მედისონის ხიდები"
ფრანჩესკა - ფერმერის ცოლი და ორი შვილის დედაა. მის მონოტონურ ცხოვრებაში მოულოდნელად ჩნდება რობერტი, რომელიც უკვე დიდი ხანია მარტო ცხოვრობს, მაგრამ ეს შეხვედრა მის ცხოვრებასაც ცვლის. მათ ვნებიანად და დაუფიქრებლად უყვარდებათ ერთმანეთი, თუმცა სიყვარულისთვის მხოლოდ 4 დღე აქვთ. ფილმში მერილ სტრიპისა და კლინტ ისტვუდის განუმეორებელი დუეტის ნახვა შეგიძლიათ, რომელიც დიდ სიამოვნებას მოგანიჭებთ.
მოამზადა ეკა დარჩიაშვილმა
საოცარი სათაურია. ვინ მოიფიქრა? წადით ბიძიკოებო კახეთში და შემოდგომის შეყვარება მერე ნახეთ ....