მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ნამდვილი გურული ამბები უკვე კინოშიც - ლევან კოღუაშვილი გურიაზე ფილმს გადაიღებს, სცენარზე რეჟისორთან ერთად გიორგი კეკელიძემ იმუშავა
18:50 / 13-10-2023
23 ოქტომბერს, გურიაში რეჟისორი ლევან კოღუაშვილი სრულმეტრაჟიანი ფილმის, სახელად "გურია“ გადაღებას დაიწყებს. სცენარის ავტორები არიან ლევან კოღუაშვილი, გიორგი კეკელიძე და ბორის ფრუმინი. პროექტის მიზანია, შექმნას საბჭოთა კავშირის ნგრევისა და ახალი საქართველოს დაბადების ეპოქალური სურათი, რომელიც ქვეყნის ერთი კუთხის, გურიის პრიზმიდან იქნება წარმოდგენილი.
ეპიზოდების მცირე ნაწილი გიორგი კეკელიძის "გურულ დღიურებს“ ეყრდნობა, ხოლო ეპიზოდების უმეტესობა და საკუთრივ სცენარი ხუთწლიანი მუშაობის შედეგია.
ფილმი ნებისმიერი ასაკის მაყურებლისთვის იქნება განკუთვნილი. პროექტის მიზანია, როგორც საერთაშორისო ფესტივალზე წარმატება, ასევე სახალხო სიყვარულისა და აღიარების მოპოვება. სიუჟეტის ორიგინალურობას გურიისთვის დამახასიათებელი დიალოგები და გარემო განაპირობებს. სურათი საოცარი ადამიანური ისტორიების დრამატული სიუჟეტური განვითარებაა, გაჭირვების ბეწვის ხიდზე მოსიარულე ჰუმანიზმის შენარჩუნება, ერთგვარი გადარჩენის ისტორია, რომელიც დიდ სიყვარულსა და თანადგომას გულისხმობს, - გვეუბნება გიორგი კეკელიძე.
მისივე თქმით, "გურია“ ჩაფიქრებულია, როგორც მაღალმხატვრული, მარადიული ღირებულებების მქონე კინემატოგრაფიული ნაწარმოები და რომ ამგვარი ფილმები ჩვენი კინო ისტორიიდან არის გიორგი დანელიას "არ დაიდარდო,“ "მიმინო“ და ელდარ შენგელაიას "ცისფერი მთები“.
მხატვრული ფილმი "გურია“ მნიშვნელოვანი საერთაშორისო კო-პროდუქციაა. ამ ეტაპისთვის პროექტში მონაწილეობენ შემდეგი ქვეყნები - საქართველო, შვეიცარია, ლუქსემბურგი, ბულგარეთი, თურქეთი და ნორვეგია. საქართველო - ეროვნული კინოცენტრი, საზოგადოებრივი მაუწყებელი, კინოკომპანია "კინო იბერიკა“, შვეიცარია - შვეიცარიის კინოფილმი, ციურიხის რეგიონული კინოფონდი, სადისტრიბუციო კომპანია "სინელუქსი“, ლუქსემბურგი - ლუქსემბურგის კინოფონდი, კომპანია "ტარანტულა“, ბულგარეთი - ბულგარეთის კინოს ფონდი, კომპანია "არტფესტი“, ნორვეგია - სორ-ფონდი, ევრიმაჟი - ევროკავშირის კინოფონდი.
"გურია“ შეარჩიეს კანის კინოფესტივალის ინდუსტრიულ სექციაში "ატელიე“ და შესაბამისად, მსოფლიოს პრესტიჟული კინოფესტივალის რადარებზე მოხვდა. ფილმის გადაღება 2023 წლის 23 ოქტომბრიდან 5 დეკემბრამდეა დაგეგმილი, ხოლო პრემიერა - 2024 წლის მაის-ივნისშია გათვალისწინებული.
ლევან კოღუაშვილი, რეჟისორი:
- ბოლო ინფორმაცია ისაა, რომ ნორვეგიულ ფონდში გავიმარჯვეთ. ვემზადებით ფილმის გადასაღებად. მოქმედება 90-იან წლებში ხდება. მასშტაბური ფილმია, სადაც სიყვარულის და მეგობრობის ისტორია იქნება ნაჩვენები, რომელიც იმ პერიოდის გურულ ყოფას გადმოსცემს. სამი სცენარისტი ვართ. პროექტის ჯგუფი ნაწილობრივ უცხოურია. მონაწილეობენ შვეიცარიიდან, ბულგარეთიდან, ლუქსემბურგიდან, თურქეთიდან.
საქართველოს პროვინციაში გვინდოდა გადაღება. გურია თავისი თავისებურებით ყოველთვის მომწონდა და მიზიდავდა. კუთხე გამოირჩევა ასევე ნიჭიერებით, იუმორით, ამავე დროს იქ ბევრი პრობლემაც იყო. ეს ყველაფერი კი იძლევა ფილმისთვის მასალას. ამრიგად, სურათი ამ ყველაფრის ნაზავი იქნება.
გადაღებები გურიაში გვექნება, სადაც მუშაობა 36 დღეში უნდა დავასრულოთ. ფილმი სავარაუდოდ, მაისში მზად უნდა იყოს. როდესაც ვამბობ, მასშტაბური პროექტია-მეთქი, ამაში ისიც იგულისხმება, რომ 100 როლია. ყველამ ერთად კი 90-იანების ეპოქა უნდა შევქმნათ თავისი რეკვიზიტით, მანქანებით, ჩაცმულობით. რთული, მაგრამ საინტერესო პროექტია. მთავარ როლებში არიან - კახა ჭოლაძე, ვამეხ ჯანგიძე, ნათია ნიკოლაშვილი, ზაზა მარალაშვილი...
გიორგი კეკელიძე:
- "პალიტრამედია“ ფილმის მხარდამჭერია, რადგანაც "გურული დღიურების“ გამოცემის უფლება მან შეიძინა. ამ ფილმის მოტივები, განწყობები, რომელიც ამ ტექსტში ჩანს, ზუსტად "გურული დღიურებით“ არის ინიცირებული. მერე სცენარისტებმა დიდი და სერიოზული სამუშაო გავწიეთ. ეს მოცემულობა იქცა სიუჟეტურ ნარატივად, რომელიც მე, ბორისმა და ლევანმა დავამუშავეთ. ბევრი ახალი ისტორია შევძინეთ და შევქმენით. ეს 90-იანი წლების ერთგვარი საგაა გურიაში, ადამიანური ისტორიები, გადარჩენის ამბები, ამბავი იმის, როგორ უმკლავდება სიყვარული, იუმორი ჰუმანიზმი, მეგობრობა იმ დიდ სისასტიკეს და კოლაფსს, რომელიც 90-იანმა წლებმა შემოგვთავაზა.
5 წელი ვიმუშავეთ, რადგან პანდემიამ შეგვაფერხა, მაგრამ სამუშაოც არ იყო ცოტა. შესაბამისად, ამ თვალსაზრისით და ლევანის ოსტატობის წყალობით, ძალიან სერიოზული და საინტერესო ფილმი გამოვა, რომელსაც ექნება პრეტენზია იყოს ერთ-ერთი საინტერესო თანამედროვე ქართული კინოსურათი.
იქნება მრავალპერსონაჟიანი და მრავალპლასტიანიც, ეს ამბიცია ამ ფილმს აქვს. ყოველთვის მქონდა სურვილი გურული რეალობა, რომელიც ჩემი თვალით 90-იან წლებში ვნახე, ეკრანზე ყოფილიყო ასახული. აღმოჩენილიყო ის ისეთი დიდი და მნიშვნელოვანი მიმართულების ხელოვნების ინტერესის სფეროში, როგორიც კინემატოგრაფია. შესაბამისად, მქონდა გააზრებული ის დამოკიდებულებებიც, ამიტომ იმ პერიოდის გურიის მხრიდან უამრავი ამბავი, ეპიზოდი დავამუშავეთ. მათგან ნაწილი აღმოჩნდა ფილმის სცენარში. ნაწილი შეიძლება მომავალში იქცეს სხვა ფილმის სცენარადაც. ვნახოთ.
სხვა იდეაც მომივიდა, დავიწყე მუშაობა წიგნზე - "წერილები ჩემი ბავშვობიდან“. რომელსაც ვფიქრობ, რომ სადღაც 3 თვეში დავასრულებ. ამასაც გამოსცემს გამომცემლობა "პალიტრა L“. წინასწარი კონტრაქტი გაფორმებულია.
მოკლედ, 23 ოქტომბრიდან ოზურგეთის რამდენიმე სოფელი, ასევე ჩოხატაურის ერთი ორი სოფელი გადასაღებ მოედნად იქცევა. ეს პროექტი ასევე მნიშვნელოვანია რეგიონისთვისაც.
მკითხველის კომენტარები /
9 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რამდენი ქვეყანა მონაწილეობს????????? დუმბაძის არ იყოს ქართველებმა ქაჯების როლი ხომ არ უნდა ითამაშონ. (ვეფხისტყაოსნის გადაღების იდეიდან)
კეკელიძე რომელი დუმბაძეა ?!