19
მაისიდღის ზოგადი ასტროლოგიური პროგნოზი
14 წლის გოგონას, აითაჯ შახმაროვას განზრახ მკვლელობის საქმეზე სამართალდამცავებმა მოკლულის მამა, ისა შახმაროვი გამოკითხვაზე დაიბარეს.
მამაკაცი რუსთავის პოლიციაში ჩვენებას უკვე რამდენიმე საათია აძლევს. არსებული ინფორმაციით, აითაჯ შახმაროვას მამა საქართველოში არ იმყოფებოდა და ის ქვეყანაში მას შემდეგ ჩამოვიდა, რაც შვილი მოუკლეს.
ცნობისთვის, 14 წლის აითაჯ შახმაროვას განზრახ მკვლელობის ბრალდებით მისი ქმარი, 27 წლის ალიმ ასლანოვი დააკავეს. მას ბრალდება საქართველოს სისხლის სამართლის კოდექსის 109-ე მუხლის "ე’’ "თ’’ და "კ’’ ქვეპუნქტით (განზრახ მკვლელობა არასრულწლოვანი ოჯახის წევრის მიმართ, ჩადენილი გენდერის ნიშნით), 236-ე მუხლის მე-4 ნაწილით (ცეცხლსასროლი იარაღის მართლსაწინააღმდეგო ტარება) და 143-ე მუხლის მე-3 ნაწილის "დ’’ ქვეპუნქტით (თავისუფლების უკანონო აღკვეთა დამნაშავისათვის წინასწარი შეცნობით არასრულწლოვანის მიმართ) წარედგინა, რაც სასჯელის სახედ და ზომად 16-დან 20 წლამდე ან უვადო თავისუფლების აღკვეთას ითვალისწინებს. ბრალდებულს აღკვეთის ღონისძიების სახით პატიმრობა აქვს შეფარდებული.
სამართალდამცავებმა ქორწინების იძულებისა და დანაშაულის შეუტყობინებლობის ფაქტებზე, მოკლულის დედა და ბიძა დააკავეს. ორივე მათგანს აღკვეთის ღონისძიების სახით პატიმრობა აქვს შეფარდებული.
გამოძიების ინფორმაციით, მიუხედავად იმისა, რომ არასრულწლოვანის დედისთვის და ბიძისთვის ცნობილი გახდა 14 წლის გოგონას მიმართ ჩადენილი მძიმე კატეგორიის დანაშაულის შესახებ, მათ მიაჩნდათ, რომ არასრულწლოვანს არ ჰქონდა თავისუფალი ნების გამოვლენის და არჩევანის გაკეთების უფლება, აღნიშნული არ შეატყობინეს სამართალდამცავ ორგანოებს და ბავშვს გამტაცებელთან თანაცხოვრება აიძულეს.
რაც მოხდა, ძალიან სამწუხაროა, მაგრამ მე მგონი კმარა ამაზე წერა. ყველამ გავიგეთ და აღვშფოთდით. ერთი და იგივე რამდენჯერ უნდა წავიკითხოთ?