მნიშვნელოვანი ინფორმაცია
17
მაისიდღის ზოგადი ასტროლოგიური პროგნოზი
შაბათი, მთვარის მეოცე დღე დაიწყება 02:13-ზე, მთვარე თხის რქაშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"არსებობს საშიშროება, რომ "ჰეზბოლამაც" დაიწყოს შეტევა ისრაელის მიმართულებით... ამიტომ ხდება მასობრივი მობილიზაცია" - რა სცენარი შეიძლება განვითარდეს უახლოეს საათებში?
18:29 / 07-10-2023
ისრაელის ხელისუფლება აცხადებს, რომ სულ მცირე 40 ადამიანი დაიღუპა და დაახლოებით 800 დაიჭრა დილით მომხდარი მოულოდნელი თავდასხმის შედეგად. პალესტინის ხელისუფლებამ განაცხადა, რომ დაახლოებით 200 ადამიანი დაიღუპა ისრაელის საჰაერო თავდასხმების შედეგად. ბრძოლები ამ დრომდე სხვადასხვა ადგილზე კვლავ მიმდინარეობს.
მიმდინარე ამბებთან დაკავშირებით ისრაელის პრემიერ-მინისტრი ბენიამინ ნეთანიაჰუ აცხადებს, რომ ისრაელი ახლა სრულმასშტაბიან ომშია.
- ცნობისთვის, ამ დროის მონაცემებით ისრაელში მყოფ საქართველოს მოქალაქეებს საფრთხე არ ემუქრებათ, დაშავებულებს შორის საქართველოს მოქალაქეები არ არიან.
როგორია 18:00 საათის მონაცემები და რა პროცესებს უნდა ველოდოთ უახლოეს საათებში ისრაელში, ამის შესახებ სოციალურ ქსელში ვრცელ ინფორმაციას ავრცელებს პროფესორი გიორგი კობერიძე:
- ისრაელის სამხედრო ძალებმა ღაზას სექტორის სიახლოვეს დაიწყეს თავმოყრა. სავარაუდოა, რომ ისინი სექტორის მიმართულებით სახმელეთო იერიშის დაწყებას გეგმავენ. არსებობს საშიშროება, რომ ჰამასის წინააღმდეგ ღაზაში შეჭრის შემთხვევაში, ჰეზბოლამ, ლიბანში ბაზირებულმა, ირანის მართულმა შიიტურმა ტერორისტული ორგანიზაციამ შეტევა დაიწყოს ისრაელის მიმართულებით ჩრდილოეთიდან. სწორედ ამიტომ ხდება მასობრივი მობილიზაცია (დაახლოებით ნახევარი მილიონი ადამიანის), რათა ნებისმიერი მხრიდან იერიშის შემთხვევაში ისრაელმა შეძლოს თავდაცვა. ირანი ყველა საშუალებას გამოიყენებს ისრაელის წინააღმდეგ საომრად. ზოგადად, ჰეზბოლა ბევრად ძლიერი და საშიში ძალაა, ვიდრე ჰამასი.
- ისრაელის ავიაცია აქტიურად ბომბავს ღაზას სექტორს.
- ებრაული დანაყოფები ღაზას სექტორის მომიჯნავედ მყოფ ჰამასის დაჯგუფების წევრების წინააღმდეგ უკვე აქტიურად ამოქმედდნენ. შეტაკებები მიმდინარეობს.
- ათობით მძევლისა და ტყვის აყვანა შეძლეს ჰამასის წევრებმა. მრავალი მათგანი მშვიდობიანი ქალია. მათი მდგომარეობა მძიმეა. სავარაუდოა, რომ ჰამასი მათი მეშვეობით ვაჭრობას შეეცდება, თუმცა რადგან არაპროგნოზირებად, ტერორისტულ ძალაზე გვაქვს საუბარი, ყველა მშვიდობიანის სიცოცხლეს ძალიან დიდი საფრთხე ემუქრება, ისევე როგორც იმ დატყვევებული სამხედროების, რომელთა გადაყვანაც სექტორში უკვე შეძლეს.
- ჰამასის წევრები იმ ებრაული ტექნიკის ნაწილს, რომელსაც ვერ იყენებენ და ვერ ადგილს უცვლიან - წვავენ და აფეთქებენ.
- ჰამასის წევრები იყენებენ დრონებზე დამაგრებულ ბომბებსაც. ამასთან, კვლავ მიმდინარეობს სარაკეტო თავდასხმები ისრაელის წინააღმდეგ.- ჯერჯერობით კვლავ უცნობია რა მასშტაბის შეტაკებებთან გვაქვს საქმე დასავლეთ სანაპიროზე (მდინარე იორდანეს დასავლეთ ნაპირზე მდებარე პალესტინის ტერიტორია). აშკარაა მასშტაბი ბევრად მცირეა, ვიდრე ღაზას მიმართულებაზე, მაგრამ აშკარაა ამ მიმართულებითაც ხდება გამწვავება.
- არამხოლოდ ირანმა, არამედ საუდის არაბეთმაც კი ირიბად ისრაელი დაადანაშაულა მიმდინარე პროცესებში და ისრაელის სამხედრო დანაყოფებს "საოკუპაციო ძალები" უწოდა. ზოგადად, არაბული ქვეყნების უმრავლესობაში განწყობები ანტიებრაულია.
წაიკითეთ ასევე:
- "იომ ქიფურის ომიდან 50 წლისთავზე ხდება ისრაელზე თავდასხმა, ამჯერად მოუმზადებლები დახვდნენ იერიშს... ეს ყველაფერი დიდი დაპირისპირების წინაპირობაა" - მსოფლიო ახალი ომის საფრთხის წინაშე?
- ისრაელმა პალესტინის წითელი ნახევარმთვარის სასწრაფო დახმარების მანქანა ააფეთქა - ბოლო ცნობები დაღუპულების შესახებ
მკითხველის კომენტარები /
7 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ჰეზბოლა მართლა საშიშია ირანის მხარდაჭერილი.
სამწუხაროდ მსოფლიო ომის დაწყების წინა პირობაა :(((