მეგან მარკლი კალიფორნიის შტატის სენატორობისთვის იბრძოლებს?

სასექსის ჰერცოგინიამ, მეგან მარკლმა შესაძლოა კალიფორნიის შტატის სენატორობისთვის იბრძოლოს, ეს პოზიცია მას მერე გახდა ვაკანტური, რაც სენატორი დაიან ფაინშტაინი გასულ კვირას, 90 წლის ასაკში გარდაიცვალა, - ამის შესახებ ბრიტანული გამოცემა Daily Mail წერს.

გამოცემა, ამას მაინც ნაკლებად მოსალოდნელს უწოდებს, თუმცა, როგორც ირკვევა, ამერიკელი პოლიტიკოსებისთვის ეს არც ისეთი წარმოუდგენელი რამაა.

"მეგანის ამ პოზიციაზე მოსვლა ცოტა უცნაურია, მაგრამ იმ სიგიჟის ფონზე, რაც დღეს აშშ-ს პოლიტიკაში ხდება, ეს არც ისეთი წარმოუდგენელია. უფრო გიჟური რამეებიც მომხდარა", - ამბობს ამერიკელი პოლიტიკოსი, გევინ ნიუსომი.

მეგან მარკლი პრინც ჰარისთან ერთად ლოს ანჯელესში 2020 წელს დაბრუნდა და წყვილმა მალევე განაცხადა, რომ სამეფო ოჯახთან ერთად თავიანთი მოვალეობების შესრულებას აღარ აპირებდნენ. მას შემდეგ, წყვილს დაძაბული ურთიერთობა აქვს სამეფო ოჯახის წევრებთან და ამის გამო იშვიათად ხვდებიან მათ.

აღსანიშნავია, რომ მარკლისთვის არც ისეთი უცხოა პოლიტიკა: ის 2021 წელს კონგრესის დემოკრატიულ ხელმძღვანელობას ლობირებდა, ასევე მხარს უჭერდა იარაღის უსაფრთხოების ორგანიზაციას, როგორიცაა Moms Demand Action. 2022 წელს მარკლი უვალდეს დაწყებით სკოლას მასობრივი სროლიდან ორი დღის შემდეგ ეწვია, რათა მსხვერპლთა ოჯახებისთვის სოლიდარობა გამოეხატა.

წყარო: nypost

მოამზადა: ანა სიბოშვილმა