პრიგოჟინი პეტერბურგის ერთ-ერთ სასაფლაოზე დაკრძალეს: "ცერემონიას 20-დან 30-მდე ადამიანი დაესწრო, იქ სამხედრო ფორმაში ჩაცმული ხალხი არ ყოფილა"
კერძო სამხედრო კომპანია "ვაგნერის" დამფუძნებელი, ევგენი პრიგოჟინი პეტერბურგის ერთ-ერთ სასაფლაოზე დაკრძალეს.
CNN-ის ცნობით, ცერემონია "დახურულ ფორმატში" გაიმართა.
სასაფლაოს თანამშრომლის განცხადებით, ცერემონიაზე სამხედრო ფორმაში ჩაცმული ხალხი არ ყოფილა.
"20-დან 30-მდე ადამიანი იყო. მხოლოდ ნათესავები. ცერემონია 40 წუთს გაგრძელდა. ყველა სამოქალაქო ტანსაცმელში იყო", - განაცხადა მან.
პრიგოჟინი პეტერბურგის ძველ, პატარა სასაფლაოზე დაკრძალეს, რომელიც ნაწილობრივ დაკეტილია.
შეგახსენებთ, ევგენი პრიგოჟინის გარდაცვალება რუსმა გამომძიებლებმა 27 აგვისტოს დაადასტურეს. ის იმ 10 ადამიანს შორის იყო, რომლებიც გასულ კვირას ავიაკატასტროფას ემსხვერპლნენ. შემთხვეევა პრიგოჟინის სამხედრო აჯანყებიდან ორი თვის თავზე მოხდა.