მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
შაბათი, მთვარის მეოცე დღე დაიწყება 02:13-ზე, მთვარე თხის რქაშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ქართველ დედას, რომელმაც ახალშობილი იტალიაში, ნაგვის ურნებთან დატოვა, ბავშვის დაბრუნება სურს - როგორც ირკვევა, მან იმ სახლის აბაზანაში იმშობიარა, სადაც მუშაობდა
17:34 / 17-08-2023
იტალიაში, ტარანტოს ნაგავსაყრელთან დატოვებული ბავშვის 23 წლის დედამ შვილის მიტოვება გადაიფიქრა. ინფორმაციას იტალიური მედია ავრცელებს. ბოლო ცნობებით, ქართველმა ქალმა გადაწყვიტა, ჩვილი, რომელსაც ადგილობრივმა ექიმებმა ლორენცო დაარქვეს, თავად გაზარდოს.
"სამსახურის დაკარგვის მეშინოდა“, - უთხრა ახალგაზრდა ქალმა გამომძიებლებს, რომლებიც არასრულწლოვნის მიტოვების საქმეს იძიებენ.
ქალი ადგილობრივი საავადმყოფოს სამეანო განყოფილებიდან უკვე გაწერეს. ის ადვოკატთან ერთად, პოლიციის განყოფილებაში წავიდა, რათა ბავშვის დედობა ეღიარებინა, რის მერეც შეძლებს მოითხოვოს შვილის გაზრდის უფლება, თუმცა ჯერჯერობით ბიუროკრატიული პროცედურების გამო, აღიარების პროცესი არ დასრულებულა. მედია წერს, რომ ჯერჯერობით უცნობია, დაუბრუნებენ თუ არა დედას მიტოვებულ ჩვილს თუ დანაშაულის გამო, პასუხისგებაში მისცემენ. მას გამოძიება არასრულწლოვნის მიტოვებას ედავება და მკვლელობის მცდელობის ბრალდების დამტკიცების შემთხვევაში, შეიძლება დააკავონ. საბოლოო გადაწყვეტილება ტარანტოს არასრულწლოვანთა სასამართლოს პროკურატურამ უნდა მიიღოს.
ქართველი ქალის ისტორია იტალიაში
როგორც ცნობილია, ქალს კიდევ ერთი, 4 წლის ვაჟი ჰყავს, რომელიც საქართველოში ცხოვრობს.
ამ დროისთვის ცნობილია, რომ გასულ კვირას, პარასკევს, 11 საათზე, შუადღეს ქალმა იმ სახლის აბაზანაში იმშობიარა, სადაც მომვლელად მუშაობდა. ბავშვის ჭიპლარი თავად გადაჭრა და პლაცენტა ნაგავში გადააგდო. მეორე დილით კი საბანში გახვეული ჩვილი სავაჭრო ჩანთაში ჩასვა და ნაგავსაყრელთან დატოვა.
მიტოვებული ჩვილი ადგილობრივმა აღმოაჩინა, რომელიც იმ დროს ძაღლებს ასეირნებდა. მოქალაქემ ბავშვის ტირილი გაიგო და მისი პოვნის შემდეგ, 118-ზე დარეკა. სასწრაფო დახმარების მანქანით ჩვილი საავადმყოფოში გადაიყვანეს. ქართველ მომვლელს პოლიციამ რამდენიმე საათის შემდეგ, სათვალთვალო კამერების მეშვეობით მიაგნო. საფრთხის ქვეშ იყო ქალის სიცოცხლეც, რადგან მას მშობიარობის შემდგომი სისხლდენა ჰქონდა.
კანონის მიხედვით...
რას ამბობს იტალიური კანონი არასასურველი ბავშვების მოშორების მსგავს შემთხვევებზე? - კანონი უფლებას აძლევს დედას, არ აღიაროს ბავშვი. ამ შემთხვევაში ლორენცოს დაბადების მოწმობაში ჩაიწერება, რომ ის "ანონიმური დედისგან გაჩნდა“.
მედიაში წერენ, რომ ქართველმა ქალმა არ იცოდა იტალიაში მოქმედი პროექტის, ეგრეთ წოდებული "სიცოცხლის აკვანის“ შესახებ, თორემ მსგავს გადაწყვეტილებას არ მიიღებდა. ეს არის ორგანიზაცია, რომელიც საშუალებას აძლევს გაჭირვებულ დედებს, უსაფრთხოდ დატოვონ ახალშობილი სახელმწიფო მზრუნველობის ქვეშ. იტალიაში იმიგრაციის შესახებ კონსოლიდირებული კანონის მიხედვით (მუხლი 19) ორსულებისა და ახალნამშობიარები ქალების ქვეყნიდან დეპორტი ბავშვის დაბადებიდან 6 თვის განმავლობაში დაუშვებელია. წყარო
წაიკითხეთ ასევე:
მკითხველის კომენტარები /
23 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ბავშვი არ უნდა დაუბრუნდეს დედას, რადგან ის ყოველთვის „დამნაშავე" იქნება მშობლის თვალში - მან ხომ მას იტალია „დააკარგვინა"! აქ სხვა კითხვაც მიჩნდება - ამ დედამ როგორ უნდა შეხედოს თვალებში იმ პატარა ბიჭს, რომელიც საქართველოში ჰყავს დატოვებული და რომელის ძმაც სასიკვდილოდ გაიმეტა!
და შეიძლება ამ მკვლელ მშობლებს ბავშვი ანდო ხელახლა?! ქვეყნიდან უნდა გაძევდნენ ეს არაადამიანები ან ციხეში ამოლპნენ