მნიშვნელოვანი ინფორმაცია
18
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"თინა ბოკუჩავას ვეკითხები: 2011 წლის 18 ივნისს რიკოთზე მოვარდნილმა ღვარცოფმა 6 ადამიანი რომ შეიწირა, მაშინ რატომ არ შექმენით კომისია, რატომ?.." - მზია გოგალაძე
16:29 / 10-08-2023
2011 წლის 18 ივნისს რიკოთზე მოვარდნილმა ღვარცოფმა 6 ადამიანის სიცოცხლე იმსხვერპლა. სტიქიამ მთლიანად წალეკა კვების ობიექტი ”რიკოთი”. ხუთი დაღუპული ობიექტის თანამშრომელი გახლდათ, წყალმა 12 წლის გოგონა გაიტაცა, რომელიც ოჯახის წევრებთან ერთად მდინარეზე საცალფეხო ხიდით გადადიოდა. ის ნათესავებმა მოგვიანებით გარდაცვლილი იპოვეს.
გარდაცვლილებს შორის იყო მოქალაქე მზია გოგალაძის რძალი და შვილიშვილი. შოვში მომხდარ ტრაგედიას გოგალაძე სოციალურ ქსელში ეხმაურება. ქალი ტრაგედიის დეტალებს იხსენებს და წერს, რომ იმჟამინდელმა ხელისუფლებამ არ გამოიძია, თუ რა მოხდა იმ საბედისწერო დღეს...
მზია გოგალაძე:
"თავს ვიკავებდი ამ უდიდესი ტრაგედიის დროს რამის თქმისგან, მაგრამ თინა ბოკუჩავას ვეკითხები: 2011 წლის 18 ივნისს რიკოთზე მოვარდნილმა ღვარცოფმა 6 ადამიანი რომ შეიწირა, მათ შორის ჩემი რძალი, სიცოცხლით სავსე ადამიანი და მცირეწლოვანი ბავშვი. ბავშვებით სავსე ავტობუსი რომ გაიტაცა და ჩამარხა ღვარცოფმა, იქ მყოფმა ადამიანებმა სიცოცხლის რისკის ფასად რომ გადაარჩინეს ეს ბავშვები, მაშინ რატომ არ შექმენით კომისია, რატომ? დაადგინეთ, რა მოხდა მაშინ?
"რიკოთის უღელტეხილის მახლობლად მოვარდნილმა ღვარცოფმა 6 ადამიანი იმსხვერპლა და აღმოსავლეთ და დასავლეთ საქართველოს დამაკავშირებელ ორკილომეტრიან გვირაბთან მდებარე მთავარი გზა დააზიანა"
"შაბათს საღამოს რიკოთის უღელტეხილზე მოვარდნილმა ღვარცოფმა და მეწყერმა 4 ადამიანის სიცოცხლე შეიწირა. 2 ადამიანი დაკარგულად ითვლება. მაშველები დაკარგულებს კვირას, მთელი დღის განმავლობაში უშედეგოდ ეძებდნენ. დადგენილია, რომ დაღუპულები რესტორან "რიკოთის" თანამშრომლები იყვნენ. როგორც თვითმხილველები ყვებიან, გადაუღებელი წვიმისა და სეტყვის შემდეგ მთიდან მეწყერი და ნიაღვარი მოულოდნელად წამოვიდა."
ესაა ამონარიდები მაშინდელი პრესიდან.
ხოდა ახლა ვეკითხები მაშინდელ ხელისუფლების წარმომადგენლებს, ახლა რომ გაჰყვირიან:
1) რატომ ვერ მოახდინეთ პრევენცია, მითუმეტეს იქ მყინვარი არ არის.
2) რატომ არ გქონდათ გამაფრთხილებელი აპარატურა, რატომ?
რა მორალური უფლება გაქვთ თქვენ, დღეს რამე მოითხოვოთ?
ანუ რა გამოდის? თქვენი მმართველობის პერიოდში ღვარცოფის გატანებული სიცოცხლე სტიქიის ბრალია და ახლაა ხელისუფლების? ხომ იყო აყვავებული ქვეყანა, რატომ არ დააყენეთ სასიგნალო მოწყობილობები.
3) რატომ არ შექმენით საპარლამენტო საგამოძიებო კომისია.
უბრალოდ, 2011 წელს, მასშტაბი იყო მცირე და მსხვერპლი ნაკლები და უფალმა მიწაში ჩამარხულ ბავშვებით სავსე ავტობუსს იქ მყოფი ადამიანები გამოუგზავნა მხსნელად, თორემ მსხვერპლი გაცილებით მეტი იქნებოდა.
ამ პოსტით არ ვგულისხმობ იმას, რომ შოვის ეს უდიდესი ტრაგედია გამოუძიებელი დარჩეს და კითხვები არ დაისვას.
გამოძიებულიც უნდა იყოს და კითხვებზეც პასუხი უნდა გაეცეს.
უბრალოდ, მათ, ვინც ყველაზე ხმამაღლა ყვირიან დღეს, 2011 წელს ვერაფერი გააკეთეს, რომ ჩემი რძალი არ დაღუპულიყო, არ დაღუპულიყო პატარა ბავშვი, არ დაღუპულიყო 6 ადამიანი და სკოლის მოსწავლეებს არ გამოევლოთ ის საშინელება, მიწაში ჩამარხვა რომ ჰქვია ცოცხლად.
მორალური უფლება არ გაქვთ, არა!..“
მკითხველის კომენტარები /
44 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
"დინამო არენაზე“ "ბარსელონას“ ლეგენდარული ფეხბურთელის, რონალდინიოს გულშემატკივარი შეიჭრა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მართალს ამბობს ეს ქალბატონი, როცა ჭირდებათ მაშინ წივიან და კივიან, ხოლო მაგათ დროს თუ რამე მოხდა მსგავსი ეს ალბათ სასარგებლო იყო არა ქვეყნისთვის
რადგან მაშინ არ შეიქმნა კომისია, ახლა უარესი უნდა გაკეთდეს????? რა ლოგიკაა ეს საერთოდ???? პატარა ბავშვის:,, აი, შენ რომ შოკოლადი არ მომეცი მაშინ, არც მე მოგცემ"....