გიორგი ჩაკვეტაძე კარიერას ინგლისში, "უოტფორდის" შემადგენლობაში გააგრძელებს
გიორგი ჩაკვეტაძე კარიერას ინგლისში გააგრძელებს. ქართველი ფეხბურთელი ინგლისურ გუნდს "უოტფორდს“ ბელგიური "გენტიდან" ერთწლიანი იჯარით შეუერთდება, თუმცა "უოტფორდს“ მისი გამოსყიდვის უფლება ექნება.
გიორგიმ გასული სეზონი იჯარით გაატარა ბრატისლავას "სლოვანის" შემადგენლობაში, სადაც ადგილობრივი ჩემპიონატი მოიგო.
რაც შეეხება "უოტფორდს", გუნდი ჩემპიონშიფში ასპარეზობს. გასულ სეზონში მან ჩემპიონატში მე-11 ადგილი დაიკავა.