ბერლინში ძუ ლომს ეძებენ - რამდენიმე რაიონში გამოცხადებულია განგაში, მოქალაქეებს შინიდან გასვლა აეკრძალათ

ბერლინში ძუ ლომი შენიშნეს. სამართალდამცავებმა ქალაქის სამხრეთ-დასავლეთ ნაწილის მაცხოვრებლებს სახლიდან გასვლა აუკრძალეს მანამ, ვიდრე ისინი გაქცეული ლომის დაჭერას შეძლებენ. "პოლიციამ მოქმედება წუხელ ღამით დაიწყო და ტერიტორიას ორი შვეულმფენი სწავლობდა, დღეს კი ცხოველზე ძებნა გაფართოვდა და მასზე 100 ოფიცერი ნადირობს", - განაცხადა პოლიციის სპიკერმა.

"ბოლო ინფორმაციით ვასკვნით, რომ ცხოველი ძუ ლომია", - უთხრა სპიკერმა Reuters-ს. საძიებო ზონა ამჟამად ბრანდებურგის მუნიციპალიტეტებს - კლაინმახნოვს და შტანსდორფს მოიცავს.

ბერლინის პოლიციამ "ტვიტერზე" განაცხადა, რომ მაღალი განგაშის ზონა დედაქალაქის სამხრეთ ნაწილს მოიცავს. კითხვაზე, თუ საიდან შეიძლება იყოს გარეული ცხოველი მოსული, პოლიციის სპიკერს პასუხი არ აქვს. მისი თქმით, რაიონში მრავალი ობიექტია (ცირკი, ზოოპარკი), საიდანაც შეიძლებოდა, რომ ლომი გაქცეულიყო, თუმცა ცხოველის დაკარგვის შესახებ არცერთ ორგანიზაციას არ განუცხადებია.

წყარო: reuters

მოამზადა: ანა სიბოშვილმა