მნიშვნელოვანი ინფორმაცია
16
მაისიდღის ზოგადი ასტროლოგიური პროგნოზი
პარასკევი, მთვარის მეცხრამეტე დღე დაიწყება 02:31-ზე, მთვარე თხის რქაშია
საშიში დღეა, ფრთხილად იყავით. არ წამოიწყოთ ახალი საქმეები. მოერიდეთ ყოველგვარ ვაჭრობას, ფინანსური ოპერაციების ჩატარებას. ცუდი დღეა საქმის, საქმიანობის შესაცვლელად. მოგზაურობა და შორ მანძილზე მგზავრობა დაუშვებელია. უფრო მეტიც, უმჯობესია, ეს დღე შინ გაატაროთ. პასიურად დაისვენეთ. არავითარ შემთხვევაში არ დაქორწინდეთ დღეს, გადადეთ ნიშნობაც. განქორწინებაც კი სხვა დღეს დანიშნეთ. გაუფრთხილდით სახსრებსა და ხერხემალს, არ ამოიღოთ კბილი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ბელგიამ საქართველო უსაფრთხო ქვეყნების სიიდან ამოიღო: რა განმარტებას აკეთებს ელჩი - "ნებისმიერი სახელმწიფო შეიძლება იყოს რაღაც მომენტში ამოღებული ან დაბრუნებული სიაში"
18:00 / 18-07-2023
ბელგიის სამეფოში საქართველოს ელჩის, ვახტანგ მახარობლიშვილის განმარტებით, ბელგიის მიერ საქართველოს უსაფრთხო ქვეყნების სიიდან ამოღება შესაძლოა გარკვეულ ტექნიკურ ან სტატისტიკურ მონაცემებს უკავშირდებოდეს.
მისივე თქმით, აღნიშნულ თემასთან დაკავშირებით, მიმდინარეობს აქტიური კომუნიკაცია ბელგიის სხვადასხვა უწყებასთან.
„ევროკავშირის 20 სახელმწიფოდან 16 საქართველო აღიარებული ჰყავს როგორც უსაფრთხო ქვეყანა. გარდა ამისა, აღსანიშნავია, რომ ევროკავშირის ყველა ქვეყანას არ აქვს მსგავსი მიდგომა. აღვნიშნავ იმასაც, რომ ეს მოცემულობა ცვალებადია და ნებისმიერი სახელმწიფო შეიძლება იყოს რაღაც მომენტში ამოღებული ან დაბრუნებული ამ სიაში. მნიშვნელოვანია, რომ ჩვენ ვიმუშაოთ ჩვენს ბელგიელ კოლეგებთან და მოვიძიოთ ინფორმაცია, თუ კონკრეტულად რა მიზეზით შეიძლება ეს მომხდარიყო. შემიძლია ვთქვა, რომ ჩვენ გვქონდა აქტიური კონსულტაციები ბელგიის საგარეო საქმეთა სამინისტროსთან და სამინისტროს ჰქონდა პოზიტიური დამოკიდებულება და პოზიტიური რეკომენდაცია იმასთან დაკავშირებით, რომ საქართველო დარჩენილიყო უსაფრთხო ქვეყნების სიაში.
შესაბამისად, მსგავსი გადაწყვეტილებები ხანდახან გარკვეული ტიპის ტექნიკური ან სტატისტიკური მონაცემების საფუძველზე მიიღება. მოგეხსენებათ, რომ გასულ წელს, პანდემიის შემდგომ პერიოდში, გარკვეული მატებაც გვქონდა მოქალაქეების მობილობის კუთხით, მაგრამ აქვე დავამატებ, რომ მიმდინარე წელს ჩვენ გვაქვს თავშესაფრის მაძიებელთა რიცხვის ვარდნა", - განაცხადა მახარობლიშვილმა.
მისივე თქმით, მსგავსი ტიპის გადაწყვეტილებებს იღებენ წელიწადში ერთხელ, თუმცა სხვადასხვა მოცემულობიდან გამომდინარე შესაძლოა მოხდეს გადახედვა და უფრო დაჩქარებულად იქნეს რაიმე გადაწყვეტილებების მიღებული.
ქართველმა დიპლომატმა ისაუბრა უვიზო რეჟიმის გაუქმების საკითხზეც.
„რაც შეეხება უვიზო რეჟიმს, შემიძლია გითხრათ, რომ მას საფრთხე არ ემუქრება, აღნიშნულთან დაკავშირებით არანაირი კომუნიკაცია ევროკავშირის მხრიდან არ ყოფილა. უფრო მეტიც, დღეს მიმდინარეობს საქართველო-ევროკავშირის ასოცირების კომიტეტის სხდომა და ბუნებრივია ეს თემა აუცილებლად გაჟღერდებოდა, რამე საფრთხე რომ ყოფილიყო აღნიშნული მიმართულებით. კიდევ ერთხელ აღვნიშნავ, რომ ზოგადად ევროკავშირის მხრიდან საქართველო მიჩნეულია, როგორც უსაფრთხო სახელმწიფო", - აღნიშნა ვახტანგ მახარობლიშვილმა.
ელჩის განცხადებით, ქართულ მხარეს ჰქონდა აქტიური კონსულტაციები როგორც საგარეო საქმეთა სამინისტროსთან, ისე შინაგან საქმეთა სამინისტროსთანაც, ასევე მიდის შიდა კომუნიკაციაც ბელგიის უწყებებს შორის და ალბათ, უახლოეს მომავალში ბელგიური მხარე დააზუსტებს კონკრეტულ, შესაძლოა, ტექნიკურ და სტატისტიკურ მიზეზებს.
ინფორმაციას საგარეო საქმეთა სამინისტრო ავრცელებს.
მკითხველის კომენტარები /
12 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს - დუშეთში, ერთ-ერთ სასტუმროში სავარაუდოდ, მოწყობილი იყო ე.წ. ქოლცენტრი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მოვა დრო საქართველო იქნება უძლიერესი ქვეყანა და ყველა ეს უკულტურო ქვეყნები პასუხს აგებენთავიანთ სიტყვებზე.
8 ივლისზე და მათი ფეხბურთელების ჯგუფში ჩატოვებაზე გაბრაზდნენ ალბათ