დიანა ღურწკაია მეუღლის გარდაცვალების შემდეგ, ტელეეკრანზე პირველად გამოჩნდა - "მადლობა, რომ გვერდში გვიდგახართ ასეთ რთულ დროს"
ერთ თვეზე მეტია, მომღერალი დიანა ღურწკაია გარდაცვლილ ქმარს გლოვობს. პიოტრ კუჩერენკო რუსეთის ფედერაციის განათლების სამინისტროს ოფიციალური პირი გახლდათ, რომელიც მივლინებიდან შინ ბრუნდებოდა და თვითმფრინავში გარდაიცვალა. დიანა კუჩერენკოზე თითქმის ოცი წლის განმავლობაში იყო დაქორწინებული, წყვილი სრულ ჰარმონიაში ცხოვრობდა.
დიანას მეუღლის გარდაცვალების შემდეგ, სასწრაფოდ მოუწია უარის თქმა სატელევიზიო პროექტ "ორ ვარსკვლავში" მონაწილეობაზე, სადაც შვილთან, 15 წლის კოსტია კუჩერენკოსთან ერთად მღეროდა.
ახლახანს შოუს ფინალი შედგა, რომელზე დასწრებაც დიანამ სტუმრის ამპლუაშიც კი ვერ შეძლო. აღმოჩნდა, რომ ის ყოველდღე მიდის ქმრის საფლავზე.
ვიდეო, რომელშიც დიანა შვილთან ერთად საუბრობს, შოუს ფინალის დროს გაუშვეს, რაც მაყურებლისთვის ერთგვარი შოკი იყო. მისი თაყვანისმცემლები დიდი ხანი ელოდნენ, თუ რა განცხადებას გააკეთებდა მომღერალი ქმრის გარდაცვალების შემდეგ.
ვიდეო, რომელიც ეთერში გავიდა, დიანას სახლშია გადაღებული. კადრში ჩანს შავებში ჩაცმული დედა-შვილი, კოსტიას ფრთხილად უჭერს ხელზე ხელს.
”საღამო მშვიდობისა პირველი არხის ყველა მაყურებელს”, - დაიწყო დიანამ, ქალს ხმა შესამჩნევად უკანკალებდა, - ჩვენი დიდი ოჯახური დანაკარგის გამო პროექტში მონაწილეობა ვერ გავაგრძელეთ, მაგრამ თქვენი თანადგომა შორიდანაც კი ვიგრძენით. ჩემთვის და კოსტიასთვის განსაკუთრებით სასიამოვნო და მნიშვნელოვანია, რომ ჩვენმა გამოსვლებმა მაყურებელში დიდი მოწონება დაიმსახურა. მადლობა, რომ გვერდში გვიდგახართ ასეთ რთულ დროს", - განაცხადა დიანამ.
- ყველას დიდი მადლობა! - დაამატა კოსტიამ.
დიანას შვილთან ერთად პროექტის ფარგლებში სპეციალური ჯილდო გადასცეს. პროექტის გამარჯვებული კი ერთდროულად სამი წყვილი გახდა, მათ შორის სოსო პავლიაშვილი შვილთან ერთად.
წაიკითხეთ ასევე:
- რუსული მედია წერს, რომ დიანა ღურწკაია მეუღლის გარდაცვალების შემდეგ დეპრესიაშია - "უარს ამბობს მეგობრებთან ურთიერთობაზე, არ დგება საწოლიდან... მისი გვერდით არიან შვილი და ძმა"
- "წავიკითხე ბევრის გაბრაზებული კომენტარი... ის ჩემთვის საუკეთესო მამა იყო, გთხოვთ, გაიგოთ, რომ..." - რას ამბობს დიანა ღურწკაიას ვაჟი მამის გარდაცვალების შემდეგ
- "შესაძლოა, ეს ყველაფერი ერთმანეთს დაემატა და ფრენისას ტრაგედია მოხდა... პიტერი დიანას თვალი იყო, მისი მხედველობა, გესმით?" - რას ამბობენ დიანა ღურწკაიას ქმრის გარდაცვალებაზე ცნობილი მეგობრები