უკრაინაში ომი ვლადიმერ პუტინისთვის თვითგანადგურებაა - რას ამბობს CIA-ის დირექტორი

უკრაინაში ომი ვლადიმერ პუტინისთვის თვითგანადგურებაა - ამის შესახებ ამერიკის შეერთებული შტატების ცენტრალური სამმართველოს (CIA) დირექტორი, უილიამ ბერნსი აცხადებს.

ბერნსის შეფასებით, შეიარაღებული აჯანყება, რომელიც რამდენიმე დღის წინ ვიხილეთ, იმ ზიანზე მეტყველებს, რომელიც პუტინმა რუსეთს მოუტანა.

"გასაოცარია ის, რომ თავის ქმედებებამდე პრიგოჟინი გამანადგურებელ ბრალდებებს ამბობდა კრემლის მიმართ უკრაინაში შეჭრის ყალბი მიზეზებისა და რუსი სამხედრო ხელმძღვანელობის მიერ ომის მართვის შესახებ.

ამ სიტყვებისა და ქმედებების გავლენა კიდევ გარკვეულ ხანს საგრძნობი იქნება - ნათელი შეხსენება პუტინის ომის გამანადგურებელი გავლენის შესახებ რუსულ საზოგადოებასა და პუტინის რეჟიმზე", - განაცხადა ბერნსმა.

აშშ-ის ცენტრალური სადაზვერვო სამმართველოს დირექტორის თქმით, პრიგოჟინის აჯანყება "შეიარაღებული გამოწვევაა რუსული სახელმწიფოსადმი“, მაგრამ აღნიშნა, რომ ეს "რუსეთის შიდა საქმეა, რომელშიც შეერთებული შტატები არ იღებს და არ მიიღებსარანაირ მონაწილეობას“.