მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
სამშაბათი, მთვარის ოცდამესამე დღე დაიწყება 03:06-ზე, მთვარე თევზებში იქნება 16:24-დან -
კარგი დღეა ძველი საქმეების დასასრულებლად. ახლებს ნუ წამოიწყებთ. ნუ განახორციელებთ სერიოზულ ფინანსურ ოპერაციებს. სწავლისთვის ნეიტრალური დღეა, მაგრამ გამოცდა სხვა დროისთვის გადადეთ. უმჯობესია ეს დღე განმარტოებით, ბუნებაში გაატაროთ. მაქსიმალურად შეამცირეთ კონტაქტები, გულითადი საუბრები. მოერიდეთ ხელმძღვანელობასთან კონფლიქტს. სამსახურის, საქმიანობის შეცვლას. გათავისუფლდით უსარგებლო ნივთებისგან. არასასურველი დღეა ქორწინებისა და ნიშნობისთვის. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს. არ გადაღალოთ, ჩაიცვით მოსახერხებელი ფეხსაცმელი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"კიდევ ერთხელ განვმარტავ რუსეთში ჩასვლის მიზეზებს, რომელიც გარკვეულმა პოლიტიკურმა ჯგუფებმა პირადი ინტერესებისთვის გამოიყენეს" - ბუზალაძე სკანდალსა და გადადებულ კონცერტზე
19:56 / 28-06-2023
მომღერალი ნუცა ბუზალაძე სოციალურ ქსელში მიმართვას ავრცელებს, სადაც წერს, რომ ბათუმის კონცერტი კი არ გაუქმდა, არამედ გადაიდო და მსმენელს ჰპირდება, რომ აგვისტოში სიურპრიზებით დაუბრუნდება.
ასევე ის კიდევ ერთხელ განმარტავს რუსეთში ჩასვლის მიზეზებს და ამბობს, რომ ეს ამბავი გარკვეულმა პოლიტიკურმა ჯგუფებმა პირადი ინტერესებისთვის გამოიყენეს.
"მოგესალმებით ჩემო მეგობრებო და გულშემატკივრებო. ჩემს მიმართ ბოლო დღეებში აგორებული კამპანიის გამო ვთვლი, რომ ქალაქ ბათუმის კლუბ „სფეროში“ 30 ივნისს დაგეგმილი კონცერტი აგვისტოსთვის გადავდო. გადაწყვეტილება კლუბის მენეჯმენტთან კონსულტაციების შემდეგ, ერთობლივად მივიღეთ. სოლო კონცერტამდე კი მივემგზავრები ამერიკაში. ტურნეს, რომელშიც მონაწილეობას ვიღებ ჩემი მსმენელისთვის სასიამოვნო სიურპრიზად დავტოვებ.
რაც შეეხება ჩემს მიმართ აგორებულ აგრესიულ კამპანიას, მაღალი საზოგადოებრივი ინტერესიდან გამომდინარე, თავს ვალდებულად მივიჩნევ, კიდევ ერთხელ განვმარტო რუსეთში ჩასვლის მიზეზები, რომელიც გარკვეულმა პოლიტიკურმა ჯგუფებმა პირადი ინტერესებისა და ყალბი აჟიოტაჟისთვის გამოიყენეს. ჩემი ჩასვლა მოსკოვში უახლოესი მეგობრის დაბადების დღეს უკავშირდებოდა და არ ატარებდა კომერციულ ინტერესს. უამრავი შემოთავაზების მიუხედავად მე უარი განვაცხადე რუსულ შოუბიზნესთან ნებისმიერი ტიპის კავშირზე.
ვაფიქსირებ, რომ რუსეთი ოკუპანტია და სწორედ ამიტომ, ჩემთვის მიუღებელია რუსეთში დაგეგმილ კონცერტებში მონაწილეობა. რაც შეეხება მეგობრულ ვიზიტს, თუ ჩემს გულშემატკივრებს გული დავწყვიტე მოსკოვში ჩემს ქართველ იუბილარ მეგობართან სტუმრობით, კიდევ ერთხელ გამოვხატავ წუხილს, თუმცა მივიჩნევ, რომ ჩემი მხრიდან მეგობრისადმი გამოხატული მხარდაჭერა არ უნდა იქცეს პოლიტიკური სპეკულაციების საგანი. მე ვრჩები ჩემის ქვეყნის, ხალხისა და გულშემატკივრების ერთგული და ძალიან ვაფასებ თითოეული თქვენგანის სიყვარულს და თანადგომას. მიყვარხართ და სიურპრიზით დაგიბრუნდებით. კლუბი სფერო 1 ივლისს გაიხსნება. მსმენელის წინაშე კი ქართველი და უცხოელი ელექტრონული მუსიკის არტისტები წარდგებიან.
P.S მიყვარხართ! და კიდევ ერთხელ მადლობას გიხდით თქვენი მხარდაჭერისთვის" - წერს ბუზალაძე.
წაიკითხეთ ასევე:
მკითხველის კომენტარები /
33 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
წარმატებები, საყვარელო!
ნუ შეგვჭამეთ ამ ლირფი ქალით! ცოტა გვყავს მართლა ნიჭიერი და პატრიოტი ახალგაზრდები? აბა, ერთხელ ისინიც გამოამზიურეთ!