მნიშვნელოვანი ინფორმაცია
19
მაისიდღის ზოგადი ასტროლოგიური პროგნოზი
ორშაბათი, მთვარის ოცდამეორე დღე დაიწყება 02:56-ზე, მთვარე მერწყულშია
არ წამოიწყოთ ახალი საქმეები. ყოველდღიური საქმეებით შემოიფარგლეთ. ნუ მიიღებთ მნიშვნელოვან გადაწყვეტილებებს. ვაჭრობისთვის არახელსაყრელი დღეა. მოერიდეთ საქმეების, ურთიერთობების გარჩევას. აკონტროლეთ ემოციები. კარგი დღეა შემოქმედებითი საქმიანობისთვის. ცოდნის მისაღებად, გამოცდის ჩასაბარებლად. ცუდი დღეა საქმიანობის, სამსახურის შესაცვლელად. უფროსთან ურთიერთობა კარგს არაფერს მოგიტანთ. გახსოვდეთ, რომ ამ დღეს ადამიანები უფრო მეტ დაპირებას იძლევიან, ვიდრე სინამდვილეში გაგიკეთებენ. მეტად დაისვენეთ, ივარჯიშეთ, მაგრამ მკვეთრ ილეთებს მოერიდეთ. შეასრულეთ საოჯახო საქმეები. ქორწინება და ნიშნობა სხვა დღისთვის გადადეთ. გაფრთხილდით, მოსალოდნელია ტრავმები და მოტეხილობები.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რუსულმა პროპაგანდამ ამჯერად უკრაინის მთავარი სამხედრო მზვერავი "მოკლა", მაგრამ, როგორც ირკვევა, კირილ ბუდანოვი ცოცხალი და საღსალამათია
10:49 / 21-06-2023
"ნუ მეძებთ, მალე თვითონ მოვალ", - ასეთი სახუმარო წარწერით გამოქვეყნდა უკრაინულ "ტელეგრამარხებზე“ უკრაინის სამხედრო ძალების მთავარსარდლის ვალერი ზალუჟნის ფოტო მას მერე, რაც რუსული პროპაგანდის მიერ გავრცელებული დეზინფორმაციის შემდეგ, ის კამერებთან გამოჩნდა. შეგახსენებთ, ამ ცოტა ხნის წინ, ოკუპანტის პროპაგანდისტულ არხებზე ვრცელდებოდა ინფორმაცია ზალუჟნის ჯანმრთელობის გართულებულ მდგომარეობასთან დაკავშირებით, რომ ის თითქოს ბრძოლაში დაიჭრა და თავის არეში მიყენებული ტრავმის გამო მოვალეობის შესრულებას ვეღარ შეძლებდა. ეს მითქმა-მოთქმა კი მთავარსარდლის საინფორმაციო სივრციდან დროებით გაუჩინარებამ განაპირობა... მიუხედავად იმისა, რომ იმჟამად უკრაინული მხარეც საეჭვოდ იქცეოდა და ზალუჟნის ძველ ფოტო-ვიდეო მასალებს აქვეყნებდა, საბოლოოდ, ის ცოცხალი და ჯანმრთელი აღმოჩნდა.
ზალუჟნის შემდეგ ჯერი უკვე თავდაცვის სამინისტროს მთავარი სადაზვერვო სამმართველოს უფროს კირილ ბუდანოვზე მიდგა. რუსულმა პროპაგანდამ ამჯერად მისი "დისტანციური მოკვლა“ გადაწყვიტა, თუმცა კოვზი ნაცარში ჩაუვარდათ.
20 ივნისს კირილ ბუდანოვის ახალი სურათები გავრცელდა. მოგვიანებით კი მისი კომენტარიც გამოქვეყნდა. მისი თქმით, ოკუპანტებმა ზაპოროჟიეს ატომური ელექტროსადგურის გამაგრილებელი დანაღმეს და აფეთქების საშიშროება არსებობს…
- საიდან გაჩნდა ეჭვები?
29-30 მაისს რუსეთმა კიევზე მასირებული სარაკეტო იერიში მიიტანა. ამ იერიშის დროს ერთ-ერთი სამიზნე უკრაინის მთავარი დაზვერვის შტაბიც იყო. თავდაპირველად მხოლოდ ტექსტური ინფორმაცია გავრცელდა, რომ რაკეტებმა შტაბამდე მიაღწიეს, მოგვიანებით, როგორც ხდება, უკრაინულმა მხარემ განაცხადა, რომ თითქმის ყველა სამიზნე საჰაერო თავდაცვის სისტემებმა გაანადგურეს. თუმცა მეორე დღეს სოციალურ ქსელებში გავრცელდა სურათები, სადაც ჩანდა, რომ შტაბს რაკეტა მაინც მოხვდა. დამწვარი იყო კედლები, ფანჯრები კი - ჩამსხვრეული.
სწორედ ამ პერიოდიდან ბუდანოვი ნელ-ნელა "ქრება“.
- რას ამბობდა რუსული მხარე?
ამის შემდეგ რუსული პროპაგანდა გვიმტკიცებდა, რომ ბუდანოვი სულ მცირე, მძიმედ დაიჭრა, უარეს შემთხვევაში კი - მოკვდა.
მაგალითად, რადას ყოფილი კომიკური პრორუსი დეპუტატი ილია კივა აცხადებდა, რომ ბუდანოვი მკვდარია.
"მოკვდა, ისე, რომ გონებაზე ვერც მოვიდა“, - აზუსტებდა კივა.
რუსი სამხედრო მიმომხილველი ვლადისლავ შურიგინი ორ ვერსიას უშვებდა: ბუდანოვი ან მკვდარია, ან უმძიმეს ვითარებაშია.
"დამატებითი ინფორმაცია მივიღეთ იმ შეტევის შესახებ, რომელიც კიევში მთავარი დაზვერვის შტაბზე განხორციელდა. უკრაინელები ცეკვა-სიმღერით აცხადებდნენ, რომ შენობას რაკეტა ასცდა. მაგრამ ახლა ირკვევა, რომ მიწის ქვეშ 10 მეტრში მდებარეობდა ბუნკერი, რომელსაც დაეცა რაკეტა. ზუსტად იქ იმყოფებოდა უწყების შტაბიც,“ - წერდა შურიგინი.
უკრაინის მთავარი დაზვერვის ცენტრალური შტაბი კიევში, რიბალსკის კუნძულზეა აშენებული. ცნობისთვის, ბევრის აზრით, შტაბს აქვს ბუნკერი, რომელიც საბჭოთა კავშირის დროს აშენდა და ის მდინარე დნეპრის ქვეშ მდებარეობს. საინტერესოა, რომ რუსული მედია ავრცელებდა ბერლინის ერთ-ერთი კლინიკის კადრებს, სადაც თითქოსდა, ბუდანოვი მკურნალობდა.
- რას ამბობდა უკრაინული მხარე?
უკრაინის მთავარი დაზვერვის წარმომადგენელი ანდრეი იუსოვი აცხადებდა, რომ უწყების მეთაური კირილ ბუდანოვი არ გამქრალა და ის სპეციალურ დავალებას ასრულებდა.
"ის თავის მაგალითზე ჯარისკაცებსა და სხვა მეთაურებს აჩვენებს მოტივაციის, დაგეგმვის მაგალითსა და დავალების რეალიზაციას“, - ამბობდა იუსუპოვი.
ბუდანოვი, რომელიც არაერთი წარმატებული ოპერაციის მამოძრავებელი ძალაა, ზოგადად რევანშისტული განწყობით გამოირჩევა. თუ ის ნამდვილად მძიმედ იყო დაჭრილი და ახლა დაბრუნდა, მაშინ მორიგ ხმამაღალ შურისძიებას უნდა ველოდოთ...
აღსანიშნავია, რომ დაახლოებით ერთი თვის წინ, 37 წლის ბუდანოვმა უკრაინულ მედიასთან ისაუბრა, თუ როგორ დაიჭრა დონბასში კონფლიქტისას. მას მომხდარის ზუსტი დრო არ დაუსახელებია, მაგრამ, ეს, სავარაუდოდ, რამდენიმე წლის წინ მოხდა.
როგორც კირილ ბუდანოვმა NV-ის ჟურნალისტებს განუცხადა, მან სამი ჭრილობა მიიღო დონბასში სპეცოპერაციისას. მისი თქმით, ერთ-ერთი მძიმე იყო, რადგან ნაღმის ნამსხვრევი გულთან ახლოს მოხვდა.
"მისი სხეულიდან ამოღება არ შეიძლება, საშიშია. ასევე დაზიანებული მქონდა ზურგი და კისერი. ადრენალინზე, ფრონტის ხაზი, დაახლოებით 5 კილომეტრი, საკუთარი ფეხით გავიარე და მერე დავეცი. ჭრილობა სერიოზულია, მაგრამ პრინციპში ცხოვრება შეიძლება“, - განაცხადა ბუდანოვმა.
უკრაინული გამოცემების ინფორმაციით, ბუდანოვის მიმართ შიშისა და სიძულვილის გამო რუსებმა უკვე ათჯერ სცადეს მასზე თავდასხმა. მაგალითად, 2019 წელს რუსმა კილერმა ბუდანოვის პირად ავტომანქანაზე ასაფეთქებელი დაამონტაჟა. მაშინ ბუდანოვს გაუმართლა - ბომბი უფრო ადრე აფეთქდა, ვიდრე დაგეგმილი იყო.
ა.წ. 21 აპრილს რუსეთის სასამართლომ კირილ ბუდანოვს პატიმრობა შეუფარდა. უკრაინის დაზვერვის სამმართველოს ხელმძღვანელს რუსეთი ყირიმის ხიდზე "ტერორისტულ თავდასხმაში“ ადანაშაულებს.
უკრაინული მედიის ინფორმაციით, კირილ ბუდანოვი რუსების ერთ-ერთი სასურველი სამიზნეა - მათ უკრაინის დაზვერვის ხელმძღვანელის მოკვლა რამდენჯერმე სცადეს. მცდელობები განსაკუთრებით ფართომასშტაბიანი ომის დროს გახშირდა.
2022 წლის აგვისტოში უკრაინამ გაანეიტრალა დივერსიული ჯგუფი, რომელიც დაზვერვის უფროსის, კირილ ბუდანოვის და თავდაცვის მინისტრის, ოლექსი რეზნიკოვის მოკვლას გეგმავდა.
"ვაშინგტონ პოსტის“ თანახმად, რუსებმა ბუდანოვის ლიკვიდაცია პირველად 2016 წლის აგვისტოში სცადეს, როდესაც დროებით ოკუპირებულ ყირიმში ФСБ-ს პოლკოვნიკი მოკლეს.
იხილეთ ასევე:
ავტორი: ანრი კურტანიძე
მკითხველის კომენტარები /
28 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვოლოდიმირ ზელენსკი, რომში აშშ-ის ვიცე-პრეზიდენტს ჯეი დი ვენსს და სახელმწიფო მდივანს მარკო რუბიოს შეხვდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
რუსეთის მომხრეებო თქვე ნაძირლებო. რას ნიშნავს სიტყუვები სამშობლო, სიყვარული, თავმოყვარეობა. ერი, თავდადება .პატრიოტიზმი. აქედან რომელიმე ერთი სიტყვა მაინც თუ არი თქვენში გამჯდარი, მე გეტყვითჩემივე დასმულ კითხვას მე თვითონ გავცემ პასუხს ამ სიტყვების აზრი არ იცით და არც ცდილობთ იცოდეთ ეს თქვენი ჯვარია და ალბათ მთელი ცხოვრება უნდა ატაროთ.
სახელმწიფოს დაზვერვის უფროსი, სპეციალურ დავალებას ასრულებდა და და იმიტომ არ ჩანდა? სად და როდის ასრულებდნენ, ქვეყნის სპეცსამსახურების უფროსები სეც-დავალებებს???????? ესეიგი, შეიპარა მტრის განლაგებაში, ჩაატარა სპეც-დავალება და დაუბრუნდა დაკავებულ თანამდებობას?🤣🤣🤣🤣🤣🤣