მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
რატომ აქვს პასტის სხვადასხვა ფორმას თავისი დასახელება და რომელი რას ნიშნავს?
15:11 / 15-06-2023
იცოდით, რომ სხვადასხვა ზომისა და ფორმის მაკარონს განსხვავებული რეცეპტით მომზადება სჭირდება? პასტის ფორმისთვის სწორად შერჩეული სოუსით, ტრადიციული იტალიური კერძის ყველა გემო უკეთ აღიქმება.
იტალიური პასტის ბრენდი რეჯია, რომელიც ევროპის სხვა ქვეყნების მსგავსად საქართველოშიც ფართო ასორტიმენტით არის წარმოდგენილი, დაგვეხმარა, გაგვერკვია, რომელი ფორმის მაკარონს რა სახის სოუსი შეესაბამება, რომელია ყველაზე პოპულარული და რატომ და რა უნდა გავითვალისწინოთ მისი მომზადებისას.
პასტა „რეჯიას“ წარმომადგენლობამ განგვიმარტა, რომ სულ 600-ზე მეტი ფორმის მაკარონი იწარმოება მის სამშობლოში - იტალიაში. ყველაზე მოთხოვნადი ფორმა კი პენე, სპაგეტი, ფუსილი, ფარფალე და ტალიატელეა.
თითოეული მათგანის ისტორიისა და შესაბამისი სოუსის შესახებ სწორედ პასტა „რეჯიას“ დახმარებით გიამბობთ:
პენე
იტალიელების საყვარელი მაკარონის ფორმა საქართველოშიც საკმაოდ პოპულარულია. მისი ისტორია უკვე საუკუნე ნახევარს ითვლის. პენე გენუასთან ახლოს მდებარე პატარა ქალაქ სან მარტინო დ’ალბეროში 1865 წელს ჯოვანი ბატისტა კაპუროს მიერ დაპატენტებული ახალი დანადგარით შეიქმნა. მანქანის მეშვეობით მაკარონის გრძელი მილები დიაგონალზე, სტანდარტიზებული ზომებით იჭრებოდა, რაც მის იდეალურ ფორმას უზრუნველყოფდა. დანადგარმა მაკრატლის გამოყენების საჭიროება სრულად გააქრო.
პენეს მომზადებისას გამოიყენება სქელი სოუსები, რადგან მილები მასას კარგად ინარჩუნებს და დაგემოვნებისას ერთ ლუკმაში ყველა ინგრედიენტი ხვდება. შეგიძლიათ, კერძს იტალიელების მსგავსად, დიდ ნაჭრებად დაჭრილი ბოსტნეულიც დაამატოთ.
სპაგეტი
შეიძლება ითქვას, რომ სპაგეტი იტალიის ერთ-ერთი ყველაზე პოპულარული პასტაა, რომელსაც ხშირად კარბონარასა და პუტანესკას მოსამზადებლად იყენებენ. მაკარონის სხვა ფორმებისგან განსხვავებით, სპაგეტისთვის უფრო თხელი ტექსტურის სოუსები გამოიყენება, არჩევანი კი მზარეულზეა.
ფუსილი
სამხრეთ იტალიელები ფუსილით სხვადასხვა მადისაღმძვრელ რეცეპტს გვთავაზობენ. მათ შორის ერთ-ერთი ყველაზე პოპულარული არის ხორცით ან რიკოტას სოუსით მომზადებული მაკარონი, რომელიც დამახასიათებელი ფორმის გამო დანარჩენ ინგრედიენტებს კარგად აკავებს და მათ უკეთ აღქმაში გვეხმარება.
ფარფალე
„ფარფალე“ქართულად „პეპელას“ ნიშნავს და სწორედ სახალისო და სასიამოვნო ვიზუალის გამო ერთ-ერთი ყველაზე პოპულარული ფორმაა. მისი ისტორია 1500-იანი წლებიდან იწყება, წარმოშობის ადგილი კი ჩრდილოეთ იტალია, კერძოდ ემილია-რომანიისა და ლომბარდიის რეგიონებია.
ფარფალეს მოსამზადებლად ძირითადად, კრემოვანი სოუსები გამოიყენება, შემადგენლობა კი მზარეულის რეცეპტისა და გემოვნების მიხედვით ცვალებადია.
როგორც პასტა „რეჯიას“ წარმომადგენლობა აღნიშნავს, მიმზიდველი ფორმის გამო ფარფალე საქართველოშიც დიდი პოპულარობით სარგებლობს, განსაკუთრებით ბავშვებში.
ტალიატელე
ტალიატელეს წარმოშობის პერიოდად XV საუკუნე მიიჩნევა, როცა იტალიელი დიდებულების წვეულებაზე შეფმზარეულმა პასტას ცომი ბრტყელ და გრძელ ლენტებად დაჭრა, სავარაუდოდ, სტუმრის ქერა თმის პატივსაცემად. იტალიაში დაბადებული ეს ლეგენდა ისევ ცოცხალია, რადგან ტალიატელე უდიდესი პოპულარობით სარგებლობს. ის საუკეთესოა ძროხის ხორცის სოუსებთან და ღორის რაგუსთან სინთეზში. ტალიატელეს ასევე მიირთმევენ ყველის სოუსებითაც, მაგალითად, ოთხი ყველით, რომლის გარდამავალი გემო ნამდვილ კულინარიულ დღესასწაულს ქმნის.
აღსანიშნავია, რომ წლების განმავლობაში როგორც სხვა ტრადიციული კერძები, ისე პასტაც თანამედროვე მოთხოვნებსა და ცხოვრების წესს მოერგო, შესაბამისად, გარკვეულწილად დაიხვეწა და შეიცვალა მისი მომზადების ტექნოლოგიაც. მაგალითად, ნამდვილი იტალიური პასტა შეიცავს ბევრ მინერალსა და ნუტრიენტს, აქვს მაღალი ენერგეტიკული ღირებულება, ნატრიუმის დაბალი დონე, გამოირჩევა დაბალი გლიკემიური ინდექსით და არ შეიცავს ქოლესტერინს, ამიტომ მისი გამოყენება რეკომენდირებულია ჯანსაღი კვების დროსაც. ამასთან, რეცეპტებში აქცენტი უფრო მეტად კეთდება ბოსტნეულზე, როგორც სასარგებლო დანამატზე, რაც ერთი მხრივ, კერძს განსაკუთრებულ გემოვნურ თვისებებს ანიჭებს და მეორე მხრივ, ჯანსაღი არჩევანია.
R
მკითხველის კომენტარები /
4 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
დაფრინავს და დაფარფატებს, სილამაზით გამახარებს პეპელაა!!!
ეგღა კვაკლია ვინმეს რამე დავესესხოთ.