შაკირას, ტომ კრუზისა და ლუის ჰამილტონის სასიყვარულო სამკუთხედი, რომელმაც შესაძლოა, კრუზი საუკეთესო მეგობარს გადაჰკიდოს - რას წერს მედია
მედია სასიყვარულო სამკუთხედზე წერს - საუბარია შაკირას, ლუის ჰამილტონისა და ტომ კრუზის ურთიერთობაზე. ამის გამო კი შესაძლოა, ლუისისა და ტომის 10-წლიანი მეგობრობა დასრულდეს.
კოლუმბიელი მომღერალი, რომელიც 1 წლის წინ გაცილდა ფეხბურთელ ჟერარ პიკეს, სხვადასხვა სიტუაციებში ტომთან ერთადაც დააფიქსირეს, და ლუისთანაც. ამის გამო სამივე მათგანი მედიის ყურადღების ცენტრში მოექცა.
ტომ კრუზი და შაკირა პირველად ერთად მაიამის გრანპრიზე შენიშნეს. ერთი შეხედვით, კრუზი აღტაცებული ჩანდა მომღერლით და წყაროს ინფორმაციით, მან ქალს მოგვიანებით ყვავილების თაიგულიც კი გაუგზავნა.
რაც შეეხება ავტომრბოლელ ლუის ჰამილტონს, ის და 46 წლის მომღერალი ჯერ ნავით სეირნობდნენ, შემდეგ კი, მეგობრებთან ერთად ძვირადღირებულ რესტორანშიც ივახშმეს.
People-ის თანახმად, ლუისი და შაკირა ჯერ გაცნობის და ფლირტის ეტაპზე არიან.
- ამ ყველაფრის ფონზე, Radar Online წყაროზე დაყრდნობით იტყობინება, რომ მომღერლის და მრბოლელის პაემნებმა დიდი დარტყმა მიაყენა ტომის ეგოს, რადგან ის ლუისს მეგობრად თვლის.
გამოცემა ირწმუნება, რომ ტომმა მეგობრებს უთხრა, რომ შაკირასთან განსაკუთრებული ქიმია აქვს და სჯერა, მალე შეყვარებულები გახდებიან.
კიდევ ერთი წყარო კი იტყობინება, რომ შაკირა მსახიობს, როგორც მეგობარს, ისე უყურებს: "ტომი ძალიან კარგად ექცეოდა და მასაც მოეწონა მსახიობის გვერდით ყოფნა, თუმცა შაკირა ტომთან, ან ვინმე სხვასთან ურთიერთობაზე არ ფიქრობს. ბევრი საფიქრალი აქვს და ახლა შვილებსა და კარიერაზეა ფოკუსირებული. მასთან საუბარი მოეწონა, მაგრამ ამაზე შორს მათი ურთიერთობა არ განვითარებულა".
კრუზი და ჰამილტონი 2013 წლიდან მეგობრობენ. მათი ურთიერთობა მაშინ დაიწყო, როცა მსახიობმა ლუისი ფილმ, Edge of Tomorrow-ს გადასაღებ მოედანზე მიიწვია.
2014 წელს ტომი მეგობარს და ჰამილტონის მაშინდელი გერლფრენდის, ნიკოლ შერზინგერის მონაწილეობით მიუზიკლის სანახავადაც კი გაჰყვა.
მოგვიანებით, ავტომრბოლელმა ტომთან და მიუზიკლის მსახიობებთან ერთად გადაღებული სელფიც ატვირთა წარწერით: "მე და ტომი კულისებში".
თავის მხრივ, ტომიც ყურადღებიანი მეგობარია და ხშირად სტუმრობდა რბოლებს, რათა ჰამილტონისთვის ეგულშემატკივრა. ლუისს კი არაერთ ინტერვიუში უსაუბრია კრუზთან მეგობრობაზე.
ჰამილტონი მოხიბლულია იმით, რომ კრუზი გადასაღებ მოედანზე ტრიუკებს თვითონვე ასრულებს და ვერტმფრენების მართვაც შეუძლია. მას ტომთან ერთადაც უფრენია მეორე მსოფლიო ომის პერიოდის ვერტმფრენით.
მედია წერს, რომ შაკირასთან დაკავშირებული ამბების გამო, შესაძლოა, ეს მეგობრობა დასრულდეს.
წყარო: thesun
- ნახეთ ასევე:
- "ტომმა შაკირას ყვავილები გაუგზავნა... მათ შორის ქიმია იგრძნობა" - შაკირას პროვოკაცია თუ ახალი ვარსკვლავური წყვილი: რა ახალი დეტალები ხდება ცნობილი?
- "ვაკეთებ იმას, რაც მსურს." - პიკე შაკირასთან დაშორების შემდეგ ახალ ცხოვრებაზე საუბრობს და ამბობს, რომ ბედნიერია
- პიკე და მისი ახალი შეყვარებული ესპანეთში, ერთ-ერთი რესტორნიდან გააძევეს - რა მოხდა ადგილზე: შაკირას ფანების შურისძიება
მოამზადა: ანა სიბოშვილმა