პრინცესა ქეით მიდლტონი როიალთან და მხარდაჭერა უკრაინას - "ევროვიზიის" ფინალის მოულოდნელი მომენტი (ფოტო, ვიდეო)
"ევროვიზიის" სიმღერის კონკურსს დიდმა ბრიტანეთმა, ლივერპულმა უმასპინძლა. გრანდიოზული ფინალის გახსნისას კი გულშემატკივარის წინ მოულოდნელად უელსის პრინცესა, ქეით მიდლტონი მისთვის განსხვავებული როლით გამოჩნდა.
ფინალი გასული წლის გამარჯვებულმა უკრაინულმა Kalush Orchestra-მ გახსნა, მათ კი როიალთან მჯდომი ქეითი უწევდა აკომპანირებას.
პრინცესას ეცვა Jenny Packham-ის კოლექციიდან კოქტეილის ცისფერი კაბა. ქეითის არჩევანი, ჩაეცვა უკრაინის სიმბოლო ფერის კაბა და მისი მთლიანი პერფორმანსი გამოხატავდა უკრაინის მიმართ მხარდაჭერას.
<blockquote class="twitter-tweet"><p lang="en" dir="ltr">A <a href="https://twitter.com/hashtag/Eurovision?src=hash&ref_src=twsrc%5Etfw">#Eurovision</a> surprise 🎹<br><br>A pleasure to join Kalush Orchestra in a special performance of last year's winning <a href="https://twitter.com/Eurovision?ref_src=twsrc%5Etfw">@eurovision</a> entry.<br><br>Enjoy the show, Liverpool 🪩 <a href="https://t.co/y4WDuWvOvb">pic.twitter.com/y4WDuWvOvb</a></p>— The Prince and Princess of Wales (@KensingtonRoyal) <a href="https://twitter.com/KensingtonRoyal/status/1657462211080486918?ref_src=twsrc%5Etfw">May 13, 2023</a></blockquote> <script async src="https://platform.twitter.com/widgets.js" charset="utf-8"></script>ცნობისთვის, ევროპის ყველაზე მასშტაბური მუსიკალური კონკურსი, "ევროვიზია 2023" დასრულდა და გამარჯვებული შვედეთი გახდა. წელს შვედეთს კონკურსზე Loreen-ი წარადგენდა სიმღერით Tattoo. ის კონკურსის დაწყებიდანვე ფავორიტებს შორის სახელდებოდა.
აღსანიშნავია, რომ ლორენმა ეს კონკურსი უკვე მეორედ მოიგო. პირველად - 2012 წელს. ის "ევროვიზიის" ისტორიაში მეორეა, რომელმაც მისი მოგება ორჯერ შეძლო. მანამდე ასეთი შედეგი მხოლოდ ირლანდიელ ჯონი ლოგანს ჰქონდა. აღსანიშნავია, რომ შვედეთი უკვე მეშვიდედ გახდა ევროვიზიის გამარჯვებული ქვეყანა,
"ჩემს ყველაზე გიჟურ ოცნებებშიც კი არ მეგონა რომ ასეთი რამ მოხდებოდა", - თქვა გამარჯვებულმა.