25
მარტიდღის ზოგადი ასტროლოგიური პროგნოზი
21-ე საუკუნის ერთ-ერთი ყველაზე დიდი პრობლემა ჭარბწონიანობაა. ამის პარალელურად სოციალური ქსელები ფართოდ გამოიყენება წონაში დასაკლები პრეპარატების რეკლამისთვის. წონაში დასაკლებ საშუალებებს შორის ბოლო წლების განმავლობაში პოპულარული გახლდათ სხვადასხვა სახის კოქტეილები, რომლებსაც რეკლამას ქართველი ინფლუენსერებიც უწევდნენ. ბევრი მათგანის გამოყენების შედეგად ადამიანების ნაწილს ჯანმრთელობის სერიოზული პრობლემებიც კი შეექმნა.
პოპულარული კოქტეილები ბოლო დროს ინექციამ ჩაანაცვლა. ენდოკრინოლოგები შეშფოთებულები არიან იმით, რომ პრეპარატ "ოზემპიკის“ ინექციას, რომელიც რეალურად მე-2 ტიპის დიაბეტის დამხმარე მედიკამენტად გამოიყენება, ადამიანები წონაში დასაკლებად თვითნებურად იყენებენ.
ეს მედიკამენტი ამჟამად საქართველოს ფარმაცევტულ ბაზარზე არ იყიდება, თუმცა მისი შემოტანა 2024 წელს იგეგმება, იმ პაციენტებისთვის, ვისაც მე-2 ტიპის დიაბეტი აწუხებთ. სემაგუტიდის ჯგუფის პრეპარატი მოქმედებს ორგანიზმში გამომუშავებულ ჰორმონზე და მონაწილეობს ნივთიერებათა ცვლის რეგულაციაში. იწვევს მადის დაქვეითებას და ხელს უწყობს საკვების გადამუშავებას.
იმ ადამიანების შემთხვევაში, რომლებიც პრეპარატს წონაში დასაკლებად, თვითნებურად იყენებენ, გვერდითი მოვლენების საკმაოდ გრძელი სია არსებობს: გულისრევის შეგრძნება, ღებინება, დიარეა, მუცლის ტკივილი, ყაბზობა, სისუსტე, ყლაპვის გაძნელება, ხველა, ჰაერის უკმარისობა, სუნთქვის გაძნელება, შფოთვა, ოფლიანობა და ა.შ.
ექიმების შეშფოთებას იწვევს ის ფაქტიც, რომ პრეპარატს გარკვეული შენახვის პირობები სჭირდება, გაურკვეველია, იცავენ თუ არა გადამზიდავები მსგავს პირობებს. ასევე მოხდა შემთხვევა, როდესაც თურქეთში პაციენტებმა ყალბი პრეპარატი მიიღეს.
ენდოკრინოლოგი ანა მამასახლისი ამბობს, რომ ბოლო დროს პაციენტებში ამ მედიკამენტის მიმართ ინტერესი გაზრდილია. ჰქონდა შემთხვევებიც, როდესაც პრეპარატის არადანიშნულებისამებრ მოხმარების შემდეგ, პაციენტს მკურნალობა დასჭირდა.
- სამწუხაროდ, ჰგონიათ, რომ ნებისმიერი სიმსუქნის დროს და ნებისმიერ პაციენტთან შეიძლება მისი გამოყენება. ვცდილობ, მათ ავუხსნა პრეპარატთან დაკავშირებული რისკებიც და სარგებელიც. ზოგადად პრაქტიკაში ამ ჯგუფის პრეპარატების გამოყენება გვიწევს, როგორც შაქრიანი დიაბეტის, ისე სიმსუქნის სამკურნალოდ, მაგრამ ეს ხდება სრულფასოვანი გამოკვლევების და დადასტურებული დიაგნოზის დროს.
- რა საფრთხის წინაშე შეიძლება დადგეს ადამიანი, რომელიც თვითნებურად მოიხმარს პრეპარატს?
- ყოფილა შემთხვევა, როდესაც პაციენტი მომმართავს რჩევით და სურს პრეპარატი გამოყენება. ამ დროს ერთად განვიხილავთ რისკებსა და სარგებელს და მივსულვართ დასკვნამდე, რომ კონკრეტულ შემთხვევაში პრეპარატის მიღება არ შეიძლება.
ყოფილა შემთხვევები, როდესაც პაციენტმა თვითნებურად დაიწყო ინექციის გაკეთება და ვერანაირ შედეგს ვერ მიაღწია.
მქონდა შემთხვევა, როდესაც პაციენტმა იმ დონეზე დაკარგა მადა, რომ წონაში ძალიან დაიკლო და მეორე უკიდურესობაში გადავარდა. ამან ძალიან ცუდად იმოქმედა მის ორგანიზმზე. ზოგადად, პრეპარატს გააჩნია გვერდითი მოვლენები, რომელიც კონკრეტული პაციენტისთვის აღმოჩნდა ძალიან მძიმე და შემაწუხებელი.
უნდა გავითავისოთ, რომ სიმსუქნე არის დიაგნოზი, რომელიც ბევრი ფაქტორით გამოწვეულია და სჭირდება სპეციალისტის ჩართულობა. ეს არ არის მოკლე დროში მოგვარებადი პრობლემა. შესაბამისად, თუ პაციენტი ჩვენების მიხედვით გამოიყენებს პრეპარატს, ამ დროს ექიმმა შეიძლება რამდენიმე თვის განმავლობაში დაუნიშნოს მისი მიღება, მაგრამ არასწორად, არასაკმარისად დოზირებული პრეპარატის მიღების შეწყვეტის შემდეგ, კვლევამ აჩვენა, რომ პაციენტებს დაუბრუნდათ დაკლებული წონის ორი-მესამედი მაინც.
ყველამ ძალიან კარგად ვიცით, რომ როდესაც სიმსუქნის მიზეზი დაუბალანსებელი კვებაა, პრეპარატის თვითნებურად გამოყენების შემდეგ, პრობლემა გარკვეულწილად ხელოვნურად სწორდება, პრეპარატის მოხსნის შემდგომ კი, რადგან რჩება იგივე ჩვევები, პაციენტი არასწორ კვებას აგრძელებს, შედეგად, წონა უკან ბრუნდება.
- პრეპარატი აფთიაქებში ჯერ არ იყიდება, თუმცა შემოტანა იგეგმება დიაბეტით დაავადებული ადამიანებისთვის. ხომ არ იქნება სერიოზული საფრთხე, რომ უფრო გაიზარდოს თვითნებურად მისი მოხმარება?
- როგორც დასაწყისში აღვნიშნე, კარგი პრეპარატია, რიგ შემთხვევაში აუცილებელიც კია მისი გამოყენება ტიპიური შაქრიანი დიაბეტის უკეთესი მართვისთვის. ამიტომ როგორც ექიმს, მისი საწინააღმდეგო არაფერი მაქვს და მივესალმები თუ ხელმისწავდომი იქნება აფთიაქებში. მაგრამ, რა თქმა უნდა, მოსალოდნელია, რომ ბევრი სწორედ წონაში დასაკლებად შეიძენს. ამერიკაშიც კი ერთი პერიოდი იმდენად დიდი იყო მოთხოვნა, რომ პრეპარატზე დეფიციტიც კი შეიქმნა. ვფიქრობ, რეცეპტით უნდა მოხდეს მისი გაცემა და ასევე კარგად ავუხსნათ მოსახლეობას, რომ არ არსებობს წონაში დასაკლები უნივერსალური საშუალება, რომელიც ყველა პაციენტს მოერგება.
ამერიკაში აღნიშნული პრეპარატი გაყიდვაში არაა. მხოლოდ ექიმის დანიშნულებით დაზღვევა ფარავს და ღირს 1200,$.დან. ინახება მაცივარში.
იტალიაში დამინიშნა ოზემპიკი-დიაბეტოლოგმა,როგორც 2 ტიპის დიაბეტიკს.საშინელ დღეში ჩამაგდო
თან ვერც ვხვდებოდი,რომ ეს წამალი იყო მიზეზი.კვირაში ერთხელ მცირე დოზას ვიკეთებდი.
მადას კი არ აქვეითებს,საკვებს აჩერებს დიდხანს კუჯში.და ამიტომ რაფგან საკვები ა კუჭში, აღარ გშივდება....მაგრამ სამაგიეროდ იქ დიდხანს ყოფნის გამო,
საკვები ლპება და იწყებს ორგანიზმის მოწამვლას.24 საათი მქონდა პირღებინება და თან რსმდენს ვმკურნალობდი მ8ს საწინააღმდეგოდ.სანამ მე თვითონ არ მივხვდი,რომ ოზემპიკი მანადგურებდა.
თვითონ მოვიხსენი მისი მკურნალობა და უცბად გამოვკეთდი კიდეც იმ ტანჯვიდან.
თან კვანძებსაც აჩენს..