დათო ევგენიძის დონორი გიორგი მახარაშვილი თურქეთის კლინიკიდან გაწერეს - როგორია თავად ევგენიძის ჯანმრთელობის მდგომარეობა?
მუსიკოსმა დათო ევგენიძემ ღვიძლის გადანერგვის ოპერაცია სტამბოლში, კლინიკა BAU Medical Park Goztepe-ში გაიკეთა. დონორი მისი მეგობარი, მომღერალი გიორგი მახარაშვილი იყო. ოპერაცია 25 აპრილს ჩატარდა და 12-საათი გაგრძელდა. მუსიკოსების მდგომარეობის შესახებ ინფორმაციას პერიოდულად ავრცელებენ გიორგი მახარაშვილისა და დათო ევგენიძის ოჯახის წევრები.
გიორგი მახარაშვილის მეუღლე სოციალურ ქსელში წერს, რომ დათო ევგენიძეს კლინიკიდან ერთ კვირაში გამოწერენ.
"კარგი ამბავი მაქვს: დღეს მახარას გამოწერენ და 1 კვირაში დათოს. ყველაფერი კარგად აქვთ, მხოლოდ ტკივილები აწუხებთ", - დაწერა ლეკა მიქაძემ სოციალურ ქსელში რამდენიმე საათის წინ.
როგორც ირკვევა, გიორგი კლინიკიდან უკვე გამოწერეს.
"წავედი მე სახლში, დათოს დაველოდები" - წერს "ინსტაგრამში" მახარაშვილი და ავრცელებს ვიდეოს, რომელშიც ჩანს, როგორ ტოვებს კლინიკას ავტომობილით.